Breaking | Feedback | ePratibha | E-PAPER | Pratibha

GT vs SRH: హైదరాబాద్‌ ఓటమి.. ప్లేఆఫ్స్‌కు దూసుకెళ్లిన గుజరాత్

సన్‌రైజర్స్‌ హైదరాబాద్‌పై గుజరాత్‌ టైటాన్స్‌ 34 పరుగుల తేడాతో విజయం సాధించింది. ఈ విక్టరీతో గుజరాత్ అధికారికంగా ప్లేఆఫ్స్‌ బెర్తును ఖరారు చేసుకుంది. గుజరాత్‌ నిర్దేశించిన 189 పరుగుల భారీ లక్ష్య ఛేదనలో సన్‌రైజర్స్‌.. 20 ఓవర్లలో 9 వికెట్ల నష్టానికి 154 పరుగులకు పరిమితమైంది.

Updated : 15 May 2023 23:39 IST

15/05/2023 23:23(IST)

హైదరాబాద్‌ ఓటమి.. ప్లేఆఫ్స్‌కు గుజరాత్

డిఫెండింగ్‌ ఛాంపియన్‌ గుజరాత్‌ అదరగొట్టింది. సన్‌రైజర్స్‌ హైదరాబాద్‌పై 34 పరుగుల తేడాతో విజయం సాధించింది. ఈ విక్టరీతో గుజరాత్ అధికారికంగా ప్లేఆఫ్స్‌ బెర్తును ఖరారు చేసుకుంది. గుజరాత్‌ నిర్దేశించిన 189 పరుగుల భారీ లక్ష్య ఛేదనలో సన్‌రైజర్స్‌.. 20 ఓవర్లలో 9 వికెట్ల నష్టానికి 154 పరుగులకు పరిమితమైంది.

15/05/2023 22:33(IST)

దూకుడు పెంచిన క్లాసెన్‌

క్లాసెన్‌ దూకుడు పెంచాడు. నూర్‌ అహ్మద్‌ వేసిన 11వ ఓవర్లో తొలి బంతిని సిక్స్‌గా మలిచాడు. రెండో బంతిని బౌండరీ బాదాడు. ఈ ఓవర్లో మొత్తం 14 పరుగుల వచ్చాయి. సన్‌రైజర్స్‌ విజయానికి ఇంకా 109 పరుగులు చేయాల్సి ఉంది.

15/05/2023 22:24(IST)

ఇలాగైతే సన్‌రైజర్స్‌కు కష్టమే.. మరో వికెట్ డౌన్‌

మోహిత్‌ శర్మ వేసిన 9 ఓవర్లో జాన్సెన్‌ (3) ఔట్ అయ్యాడు. ఈ ఓవర్లో సన్‌రైజర్స్‌ 5 పరుగులు చేసింది. సన్‌రైజర్స్‌ దూకుడు పెంచాల్సిన అవసరం ఉంది. కొట్టాల్సిన రన్‌రేట్‌ పెరుగుతూ పోతుండగా.. వచ్చిన వాళ్లు వచ్చినట్లు వెళ్లిపోతున్నారు. దీంతో హైదరాబాద్‌ అభిమానులు తీవ్ర నిరాశకు గురవుతున్నారు.

15/05/2023 22:14(IST)

ఆరో వికెట్‌ కోల్పోయిన సన్‌రైజర్స్‌

సన్‌రైజర్స్‌కు వరుస షాక్‌లు తగులుతున్నాయి. మోహిత్‌ శర్మ వేసిన ఏడో ఓవర్‌ నాలుగో బంతికి అబ్దుల్‌ సమద్‌ (4) శివమ్‌ మావి చేతికి చిక్కాడు. ఈ ఓవర్లో మొత్తం ఐదు పరుగులు రాగా.. 2 వికెట్లు పడ్డాయి.

15/05/2023 21:59(IST)

నాలుగో వికెట్

హైదరాబాద్‌ కష్టాలు కొనసాగుతున్నాయి. షమి వేసిన ఐదో ఓవర్‌లో రెండో బంతికి మార్‌క్రమ్ (10) శనకకు క్యాచ్‌ ఇచ్చాడు. దీంతో 29 పరుగుల వద్ద నాలుగో వికెట్ కోల్పోయింది. తర్వాత క్రీజులోకి వచ్చిన సన్వీర్ సింగ్ (6) చివరి బంతికి సిక్స్‌ బాదాడు. 5 ఓవర్లకు స్కోరు 35/4. క్లాసెన్ (7) పరుగులతో ఉన్నాడు.

15/05/2023 21:52(IST)

కష్టాల్లో హైదరాబాద్

సన్‌రైజర్స్‌ మూడో వికెట్ కోల్పోయి మరింత కష్టాల్లో పడింది. షమి వేసిన మూడో ఓవర్‌లో తొలి బంతికి రాహుల్ త్రిపాఠి (1)..తెవాతియాకు క్యాచ్‌ ఇచ్చాడు. 3 ఓవర్లకు స్కోరు 17/3. మార్‌క్రమ్‌ (3), క్లాసెన్ (2) పరుగులతో ఉన్నారు.

15/05/2023 21:30(IST)

గుజరాత్ టైటాన్స్‌ భారీ స్కోరు

సన్‌రైజర్స్‌ హైదరాబాద్‌తో జరుగుతున్న మ్యాచ్‌లో గుజరాత్ టైటాన్స్‌ భారీ స్కోరు సాధించింది. శుభ్‌మన్‌ గిల్‌ (101; 58 బంతుల్లో 13 ఫోర్లు, 1 సిక్స్‌) సెంచరీ బాదడంతో నిర్ణీత 20 ఓవర్లలో 9 వికెట్ల నష్టానికి 188 పరుగులు చేసింది. సాయి సుదర్శన్‌ (47; 36 బంతుల్లో 6 ఫోర్లు, 1 సిక్స్‌) హాఫ్‌ సెంచరీ మిస్‌ చేసుకున్నాడు. వీరిద్దరూ ధాటిగా ఆడటంతో 14 ఓవర్లకు స్కోరు 147/1గా నమోదైంది. దీంతో గుజరాత్ స్కోరు సునాయాసంగా 220 దాటేలా కనిపించింది. కానీ, తర్వాత హైదరాబాద్‌ బౌలర్లు పుంజుకుని వరుసగా వికెట్లు పడగొట్టారు. హార్దిక్‌ పాండ్య (8), డేవిడ్ మిల్లర్‌ (7), రాహుల్ తివాతియా (3) ఇలా వచ్చి అలా వెళ్లారు. భువనేశ్వర్‌ వేసిన చివరి ఓవర్‌లో నాలుగు వికెట్లు పడ్డాయి. మొదటి బంతికి గిల్.. సమద్‌కు క్యాచ్‌ ఇవ్వగా.. రెండో బంతికి రషీద్‌ఖాన్‌ (0) వికెట్ కీపర్ క్లాసెన్‌కు క్యాచ్‌ ఇచ్చాడు. మూడో బంతికి నూర్‌ అహ్మద్‌ (0)ను భువీ రనౌట్‌ చేశాడు. ఐదో బంతికి షమి (0) మార్కో జాన్సన్‌కు చిక్కాడు. దీంతో భువనేశ్వర్‌ ఖాతాలో 5 వికెట్లు పడ్డాయి.

15/05/2023 20:53(IST)

హార్దిక్ ఔట్.. ఐదు పరుగుల దూరంలో గిల్

భువనేశ్వర్‌ వేసిన 16వ ఓవర్‌లో రెండో బంతికి హార్దిక్ పాండ్య (8) ఔటయ్యాడు. పాండ్య.. త్రిపాఠికి క్యాచ్‌ ఇచ్చాడు. నాలుగో బంతికి శుభ్‌మన్‌ గిల్ ఫోర్ బాదాడు. 16 ఓవర్లకు స్కోరు 163/3. గిల్ (95) శతకానికి 5 పరుగుల దూరంలో ఉన్నాడు. మిల్లర్ (2) క్రీజ్‌లో పరుగులతో ఉన్నాడు.

15/05/2023 20:48(IST)

సుదర్శన్ హాఫ్‌ సెంచరీ మిస్‌

సాయి సుదర్శన్‌ (47; 36 బంతుల్లో 4 ఫోర్లు, 1 సిక్స్‌) హాఫ్‌ సెంచరీ మిస్‌ చేసుకున్నాడు. మార్కో జాన్సన్‌ వేసిన 15వ ఓవర్లో మొదటి బంతికి నటరాజన్‌కు క్యాచ్‌ ఇచ్చాడు. దీంతో 146 పరుగుల భాగస్వామ్యానికి తెరపడింది. 15 ఓవర్లకు స్కోరు 154/2. హార్దిక్ పాండ్య (6), గిల్ (90) క్రీజ్‌లో ఉన్నారు.

15/05/2023 20:30(IST)

వాట్ ఎ షాట్

మార్కో జాన్సన్‌ వేసిన 11వ ఓవర్లో మూడో బంతికి సాయి సుదర్శన్ ఫైన్‌ లెగ్‌ మీదుగా స్కూప్‌ షాట్‌ ఆడి సిక్స్‌ రాబట్టాడు. ఇంకో విషయం ఏంటంటే.. అది నో బాల్. తర్వాత వచ్చిన ఫ్రీ హిట్‌కు భారీ షాట్ ఆడగా.. డీప్‌ మిడ్ వికెట్‌లో బంతి భువనేశ్వర్‌ చేతిలో పడింది. కానీ, అతడు దాన్ని ఒడిసిపట్టలేకపోయాడు. అంతేకాదు..అది బౌండరీగా మారింది. 11 ఓవర్లకు స్కోరు 118/1. గిల్ (66), సాయి సుదర్శన్ (42) పరుగులతో ఉన్నారు.

15/05/2023 20:11(IST)

గిల్ ఫిప్టీ

బౌండరీల మోత మోగిస్తున్న శుభ్‌మన్‌ గిల్ 22 బంతుల్లోనే హాఫ్‌ సెంచరీ పూర్తి చేసుకున్నాడు. మయాంక్ మార్కండే వేసిన ఎనిమిదో ఓవర్లో తొలి బంతికి బౌండరీ బాది అర్ధ శతకం అందుకున్నాడు. తర్వాతి బంతికీ ఫోర్ కొట్టాడు. 8 ఓవర్లకు స్కోరు 89/1. గిల్ (58), సాయి సుదర్శన్ (23) పరుగులతో ఉన్నారు.

15/05/2023 19:49(IST)

మూడు ఫోర్లు

తొలి ఓవర్‌లో పొదుపుగా బౌలింగ్ చేసిన భువనేశ్వర్‌ తన రెండో ఓవర్‌లో 15 పరుగులు సమర్పించుకున్నాడు. అతని బౌలింగ్‌లో సాయి సుదర్శన్ రెండు ఫోర్లు బాదాడు. గిల్ కూడా ఓ బౌండరీ బాదాడు. 3 ఓవర్లకు స్కోరు 32/1. సాయి సుదర్శన్ (14), గిల్ (10) పరుగులతో ఉన్నారు.

15/05/2023 19:33(IST)

తొలి ఓవర్‌లోనే వికెట్

టాస్‌ ఓడి బ్యాటింగ్‌కు దిగిన గుజరాత్‌కు తొలి ఓవర్‌లోనే షాక్‌ తగిలింది. భువనేశ్వర్‌ వేసిన మొదటి ఓవర్‌లో మూడో బంతికి వృద్ధిమాన్ సాహా (0) స్లిప్‌లో అభిషేక్‌ శర్మకు క్యాచ్‌ ఇచ్చాడు. 1 ఓవర్‌ ముగిసేసరికి గుజరాత్ స్కోరు 5/1. సాయి సుదర్శన్ (2), శుభ్‌మన్‌ గిల్ (3) పరుగులతో ఉన్నారు.

15/05/2023 19:17(IST)

సన్‌రైజర్స్ హైదరాబాద్ ప్లేయింగ్ XI:

అభిషేక్ శర్మ, రాహుల్ త్రిపాఠి, ఐడెన్ మార్‌క్రమ్‌ (కెప్టెన్‌), హెన్రిచ్ క్లాసెన్ (వికెట్ కీపర్‌), అబ్దుల్ సమద్, సన్వీర్ సింగ్, మయాంక్ మార్కండే, మార్కో జాన్సెన్, భువనేశ్వర్ కుమార్, ఫారూఖీ, నటరాజన్

15/05/2023 17:08(IST)

సన్‌రైజర్స్‌ హైదరాబాద్‌ తుది జట్టు (అంచనా)

అభిషేక్ శర్మ, అన్మోల్‌ప్రీత్ సింగ్, రాహుల్ త్రిపాఠి, ఐడెన్ మార్‌క్రమ్ (కెప్టెన్‌), హెన్రిచ్ క్లాసెన్(వికెట్ కీపర్), గ్లెన్ ఫిలిప్స్, అబ్దుల్ సమద్, నటరాజన్, మయాంక్ మార్కండే, భువనేశ్వర్ కుమార్, ఫారూఖీ

15/05/2023 17:07(IST)

హైదరాబాద్‌ 3 మ్యాచ్‌ల్లో గెలిచినా కష్టమే!

గుజరాత్.. ఈ మ్యాచ్‌లో విజయం సాధించి అధికారికంగా ప్లే ఆఫ్స్‌ బెర్తును ఖాయం చేసుకోవాలని చూస్తోంది. మరోవైపు, సన్‌రైజర్స్‌ 11 మ్యాచ్‌లు ఆడి నాలుగు మ్యాచ్‌ల్లోనే నెగ్గి ప్లే ఆఫ్స్‌ రేసులో వెనకబడి పోయింది. హైదరాబాద్‌ తన చివరి మూడు మ్యాచ్‌ల్లో గెలుపొందిన ప్లే ఆఫ్స్‌ చేరడం కష్టం.

App

GT vs SRH: హైదరాబాద్‌ ఓటమి.. ప్లేఆఫ్స్‌కు దూసుకెళ్లిన గుజరాత్

తాజా వార్తలు (Latest News)

ఈనాడు.నెట్‌లో టాప్‌ 10 వార్తలు @ 9PM

మహేశ్‌ బాబు, మమ్ముట్టి, షారుక్‌లతో సినిమా.. నెల్సన్‌ ప్లాన్‌ ఇదే..

టిబెట్‌ అంశంపై వారితో మాత్రమే చర్చిస్తాం : చైనా

ఏడాదికి ‘రెండు సార్లు’ సీబీఎస్‌ఈ బోర్డు పరీక్షలు.. 2025 నుంచే!

పిఠాపురంలో రూ.80లక్షల విలువైన మద్యం పట్టివేత

అనుపమ ‘పరదా’.. అదితి ఆన్‌డ్యూటీ.. భూమీ భలే డ్రెస్సు!

సుఖీభవ

చదువు