Breaking | Feedback | ePratibha | E-PAPER | Pratibha

ఐపీఎల్‌ 2024 ఫైనల్‌ మ్యాచ్‌... కోల్‌కతా నైట్‌ రైడర్స్‌ vs సన్‌రైజర్స్‌ హైదరాబాద్‌ లైవ్‌ అప్‌డేట్స్‌

ఐపీఎల్ 17 సీజన్‌లో కోల్‌కతా నైట్‌రైడర్స్ ఛాంపియన్‌గా నిలిచింది. సన్‌రైజర్స్‌ హైదరాబాద్‌తో జరిగిన ఫైనల్‌ మ్యాచ్‌లో 8 వికెట్ల తేడాతో ఘన విజయం సాధించి మూడోసారి ఐపీఎల్ టైటిల్‌ను ముద్దాడింది.

Updated : 26 May 2024 22:37 IST

26/05/2024 22:25(IST)

Kolkata vs Hyderabad: హైదరాబాద్‌ ఘోర ఓటమి.. ఛాంపియన్‌గా కోల్‌కతా

ఐపీఎల్ 17 సీజన్‌లో కోల్‌కతా నైట్‌రైడర్స్ ఛాంపియన్‌గా నిలిచింది.
సన్‌రైజర్స్‌ హైదరాబాద్‌తో జరిగిన ఫైనల్‌ మ్యాచ్‌లో 8 వికెట్ల తేడాతో ఘన విజయం సాధించి మూడోసారి ఐపీఎల్ టైటిల్‌ను ముద్దాడింది. 2012, 2014లోనూ కేకేఆర్‌ ఐపీఎల్ విజేతగా నిలిచింది.
తొలుత కోల్‌కతా బౌలర్లు చెలరేగడంతో హైదరాబాద్‌ 18.3 ఓవర్లలో 113 పరుగులకే ఆలౌటైంది. కమిన్స్ (24) టాప్ స్కోరర్.
114 పరుగుల స్వల్ప లక్ష్యాన్ని కోల్‌కతా 10.3 ఓవర్లలో రెండు వికెట్లు నష్టపోయి ఛేదించింది.
సునీల్ నరైన్ (6) విఫలమైనా.. వెంకటేశ్‌ అయ్యర్ (52*; 26 బంతుల్లో 4 ఫోర్లు, 3 సిక్స్‌లు) హాఫ్‌ సెంచరీ బాదాడు. రెహ్మనుల్లా గుర్బాజ్‌ (39; 32 బంతుల్లో 5 ఫోర్లు, 2 సిక్స్‌లు) రాణించాడు.

26/05/2024 22:19(IST)

Kolkata vs Hyderabad: రెండో వికెట్ కోల్పోయిన కోల్‌కతా

రెహ్మనుల్లా గుర్బాజ్ (39; 32 బంతులలో) ఔటయ్యాడు.
షాబాజ్‌ అహ్మద్‌ వేసిన 9 ఓవర్లో నాలుగో బంతికి సిక్స్ బాదిన అతడు ఐదో బంతికి ఎల్బీడబ్ల్యూగా వెనుదిరిగాడు.
9 ఓవర్లకు స్కోరు 106/2. వెంకటేశ్‌ అయ్యర్ (46) అర్ధ శతకానికి చేరువలో ఉన్నాడు.
కోల్‌కతా విజయానికి మరో 8 పరుగులే అవసరం.

26/05/2024 22:03(IST)

Kolkata vs Hyderabad: వరుసగా 4, 4, 6, 4 బాదిన వెంకటేశ్‌ అయ్యర్

వెంకటేశ్ అయ్యర్ (40; 12 బంతుల్లో) దూకుడు కొనసాగిస్తున్నాడు.
నటరాజన్ వేసిన ఆరో ఓవర్‌లో వరుసగా 4, 4, 6, 4 బాదేశాడు. చివరి రెండు బంతులకు సింగిల్స్.
పవర్‌ ప్లే ముగిసేసరికి స్కోరు 72/1. రెహ్మనుల్లా గుర్బాజ్‌ (21) పరుగులతో ఉన్నాడు.

26/05/2024 21:46(IST)

Kolkata vs Hyderabad: దూకుడుగా ఆడుతున్న వెంకటేశ్ అయ్యర్

వెంకటేశ్ అయ్యర్ (19; 5 బంతుల్లో) దూకుడుగా ఆడుతున్నాడు.
భువనేశ్వర్‌ వేసిన మూడో ఓవర్‌లో వరుసగా 4, 6, 6 బాదేశాడు.
చివరి మూడు బంతులకు వరుసగా 1, 1, 2 వచ్చాయి.
3 ఓవర్లకు కేకేఆర్‌ స్కోరు 37/1. గుర్బాజ్ (9) పరుగులతో ఉన్నాడు.

26/05/2024 21:35(IST)

Kolkata vs Hyderabad: మొదటి వికెట్ కోల్పోయిన కోల్‌కతా

11 పరుగుల వద్ద కోల్‌కతా మొదటి వికెట్ కోల్పోయింది.
సునీల్ నరైన్ (6; 2 బంతుల్లో) ఔటయ్యాడు.
కమిన్స్ వేసిన రెండో ఓవర్లో తొలి బంతికి సిక్సర్ బాదిన నరైన్.. రెండో బంతికి షాబాజ్‌ అహ్మద్‌కు క్యాచ్‌ ఇచ్చాడు.
తర్వాత రెహ్మనుల్లా గుర్బాజ్ (8) బౌండరీ బాదాడు. 2 ఓవర్లకు స్కోరు 17/1.

26/05/2024 21:34(IST)

Kolkata vs Hyderabad: లక్ష్యఛేదనకు దిగిన కోల్‌కతా..

హైదరాబాద్‌ నిర్దేశించిన 114 పరుగుల స్వల్ప లక్ష్యాన్ని ఛేదించేందుకు కోల్‌కతా బరిలోకి దిగింది.
భువనేశ్వర్ వేసిన తొలి ఓవర్లో ఐదు పరుగులు వచ్చాయి.
రెహ్మనుల్లా గుర్బాజ్ (4) రెండో బంతికి ఫోర్ బాదాడు. ఓ వైడ్ వచ్చింది.

26/05/2024 21:12(IST)

Kolkata vs Hyderabad: చెలరేగిన కోల్‌కతా బౌలర్లు.. హైదరాబాద్‌ 113 ఆలౌట్

కోల్‌కతాతో జరుగుతున్న ఫైనల్ మ్యాచ్‌లో హైదరాబాద్‌ బ్యాటర్లు చేతులెత్తేశారు.
దీంతో 18.3 ఓవర్లలో సన్‌రైజర్స్ 113 పరుగులకే ఆలౌటైంది.
టాప్‌ స్కోరర్‌గా నిలిచిన పాట్ కమిన్స్‌ (24) చివరి వికెట్‌గా వెనుదిరిగాడు.
టాప్‌-3 బ్యాటర్లు అభిషేక్ శర్మ (2), ట్రావిస్ హెడ్ (0), రాహుల్ త్రిపాఠి (9) సింగిల్ డిజిట్ స్కోరుకే పరిమితమయ్యారు.
మార్‌క్రమ్ (20), నితీశ్‌ రెడ్డి (13), క్లాసెన్ (16) పరుగులు చేశారు.
కోల్‌కతా బౌలర్లలో ఆండ్రీ రస్సెల్ 3, మిచెల్ స్టార్క్ 2, హర్షిత్ రాణా 2, వైభవ్ అరోరా, నరైన్, వరుణ్‌ చక్రవర్తి తలో వికెట్ తీశారు.

26/05/2024 21:09(IST)

Kolkata vs Hyderabad: ఉనద్కత్ (4) ఔట్.. హైదరాబాద్ తొమ్మిదో వికెట్ డౌన్

హైదరాబాద్ తొమ్మిదో వికెట్ కోల్పోయింది. ఉనద్కత్ (4) ఔటయ్యాడు.
సునీల్ నరైన్‌ వేసిన 17.5 ఓవర్‌కు ఎల్బీడబ్ల్యూగా వెనుదిరిగాడు.
18 ఓవర్లకు స్కోరు 113/9. భువనేశ్వర్ (0), కమిన్స్ (24) పరుగులతో ఉన్నాడు.

26/05/2024 20:59(IST)

Kolkata vs Hyderabad: కమిన్స్‌ క్యాచ్‌ను మిస్‌ చేసిన స్టార్క్

కమిన్స్ త్రుటిలో ఔటయ్యే ప్రమాదం నుంచి తప్పించుకున్నాడు.
నరైన్ వేసిన 16 ఓవర్లో ఐదో బంతికి కమిన్స్ ఇచ్చిన సులువైన క్యాచ్‌ను మిచెల్ స్టార్క్ మిస్ చేశాడు.
ఈ ఓవర్‌లో తొలి బంతికి బైస్ రూపంలో బౌండరీ వచ్చింది.
16 ఓవర్లకు స్కోరు 98/8. పాట్ కమిన్స్ (11), ఉనద్కత్ (2) పరుగులతో ఉన్నారు.

26/05/2024 20:48(IST)

Kolkata vs Hyderabad: క్లాసెన్ (16) ఔట్.. హైదరాబాద్ ఆశలు ఆవిరి

హైదరాబాద్ ఆశలు ఆవిరయ్యాయి. ఆదుకుంటాడనుకున్న క్లాసెన్ (16) పెవిలియన్ చేరాడు.
హర్షిత్ రాణా వేసిన 14.1 ఓవర్‌కు క్లీన్‌బౌల్డ్ అయ్యాడు.
ఈ ఓవర్‌లో వికెట్ పడగొట్టి ఒక్క పరుగూ ఇవ్వలేదు హర్షిత్.
15 ఓవర్లకు హైదరాబాద్‌ 90/8. జయ్‌దేవ్ ఉనద్కత్ (0), కమిన్స్ (9) పరుగులతో ఉన్నాడు.

26/05/2024 20:44(IST)

మ్యాచ్‌ వీక్షిస్తున్న జాన్వీకపూర్‌, రాజ్‌కుమార్‌ రావ్‌

ఐపీఎల్‌ ఫైనల్‌ మ్యాచ్‌ వీక్షించేందుకు వచ్చిన బాలీవుడ్‌ నటులు జాన్వీకపూర్‌, రాజ్‌కుమార్‌ రావ్‌
‘మిస్టర్‌ అండ్‌ మిసెస్‌ మహి’ సినిమా ప్రమోషన్స్‌లో భాగంగా స్టేడియంలో సందడి.

26/05/2024 20:40(IST)

Kolkata vs Hyderabad: ఏడో వికెట్ కోల్పోయిన హైదరాబాద్

అబ్దుల్ సమద్ (4) పెవిలియన్ చేరాడు.
రస్సెల్ వేసిన 12.4 ఓవర్‌కు వికెట్ కీపర్‌ గుర్బాజ్‌కు క్యా్‌చ్‌ ఇచ్చాడు.
దీంతో 77 పరుగుల వద్ద ఏడో వికెట్ కోల్పోయింది.
13 ఓవర్లకు స్కోరు 82/7. కమిన్స్ (5), క్లాసెన్ (13) పరుగులతో ఉన్నారు.

26/05/2024 20:34(IST)

Kolkata vs Hyderabad: షాబాజ్‌ అహ్మద్ (8) ఔట్.. హైదరాబాద్ ఆరో వికెట్

హైదరాబాద్ కష్టాలు కొనసాగుతున్నాయి. షాబాజ్‌ అహ్మద్ (8) ఔటయ్యాడు.
వరుణ్ చక్రవర్తి వేసిన 11.5 ఓవర్‌కు నరైన్‌కు క్యాచ్ ఇచ్చాడు.
12 ఓవర్లకు స్కోరు 72/6. అబ్దుల్ సమద్ (1), క్లాసెన్ (12) పరుగులతో ఉన్నారు.

26/05/2024 20:28(IST)

Kolkata vs Hyderabad: 62 పరుగులకే ఐదు వికెట్లు కోల్పోయిన హైదరాబాద్

హైదరాబాద్‌ 62 పరుగులకే హైదరాబాద్‌ ఐదు వికెట్లు కోల్పోయి మరింత కష్టాల్లో పడింది.
మార్‌క్రమ్ (20) ఔటయ్యాడు. రస్సెల్ వేసిన 11 ఓవర్‌లో రెండో బంతికి మిచెల్ స్టార్క్‌కు క్యాచ్‌ ఇచ్చాడు.
ఈ ఓవర్‌లో చివరి బంతికి షాబాజ్‌ అహ్మద్‌ (8) సిక్స్ బాదాడు.
11 ఓవర్లకు స్కోరు 70/5. షాబాజ్ అహ్మద్‌ (8), క్లాసెన్ (11) పరుగులతో ఉన్నారు.

26/05/2024 20:20(IST)

Kolkata vs Hyderabad: కట్టుదిట్టంగా కేకేఆర్‌ బౌలింగ్.. ఎనిమిదో ఓవర్‌లో 4 సింగిల్స్

కోల్‌కతా బౌలర్లు కట్టుదిట్టంగా బౌలింగ్ చేస్తున్నారు.
సునీల్ నరైన్ వేసిన ఎనిమిదో ఓవర్‌లో నాలుగు సింగిల్స్‌ వచ్చాయి.
8 ఓవర్లకు స్కోరు 51/4. మార్‌క్రమ్ (18), క్లాసెన్ (2) పరుగులతో ఉన్నారు.

26/05/2024 20:14(IST)

Kolkata vs Hyderabad: నాలుగో వికెట్ కోల్పోయిన హైదరాబాద్

హైదరాబాద్‌ నాలుగో వికెట్ కోల్పోయింది. నితీశ్ రెడ్డి (13) ఔటయ్యాడు.
హర్షిత్ రాణా వేసిన ఏడో ఓవర్‌లో తొలి బంతికి ఫోర్ బాదిన నితీశ్.. చివరి బంతికి వికెట్ కీపర్ గుర్బాజ్‌కు క్యాచ్‌ ఇచ్చాడు.
7 ఓవర్లకు హైదరాబాద్‌ స్కోరు 47/4. మార్‌క్రమ్‌ (16) పరుగులతో ఉన్నాడు.

26/05/2024 20:08(IST)

Kolkata vs Hyderabad: ఆరో ఓవర్‌లో రెండు ఫోర్లు, ఒక సిక్స్‌

వైభవ్ అరోరా వేసిన రెండో ఓవర్‌లో 17 పరుగులు వచ్చాయి.
తొలుత ఓ వైడ్ రాగా.. మొదటి రెండు బంతులను మార్‌క్రమ్ బౌండరీకి పంపాడు.
మూడో బంతికి సింగిల్, నాలుగో బంతికి నో రన్స్
ఐదో బంతికి నితీశ్ రెడ్డి సిక్సర్ బాది తర్వాత ఓ సింగిల్ రాబట్టాడు.
పవర్ ప్లే ముగిసేసరికి హైదరాబాద్‌ స్కోరు 40/3. నితీశ్ (8), మార్‌క్రమ్ (15) పరుగులతో ఉన్నారు.

26/05/2024 19:56(IST)

Kolkata vs Hyderabad: 21 పరుగులకే హైదరాబాద్‌ మూడు వికెట్లు

హైదరాబాద్‌ 21 పరుగులకే మూడు వికెట్లు కోల్పోయి పీకల్లోతు కష్టాల్లో పడింది.
వన్‌డౌన్ బ్యాటర్ రాహుల్ త్రిపాఠి (9) ఔటయ్యాడు.
మిచెల్ స్టార్క్‌ వేసిన ఐదో ఓవర్‌లో రెండో బంతికి రమణ్‌దీప్‌ సింగ్‌కు క్యాచ్‌ ఇచ్చాడు.
తర్వాత ఈ ఓవర్‌లో రెండు సింగిల్స్ వచ్చాయి.
5 ఓవర్లకు హైదరాబాద్‌ స్కోరు 23/3. నితీశ్‌ రెడ్డి (1), మార్‌క్రమ్ (6) పరుగులతో ఉన్నారు.

26/05/2024 19:49(IST)

Kolkata vs Hyderabad: మూడో ఓవర్.. చెరో ఫోర్ బాదిన మార్‌క్రమ్, త్రిపాఠి

మిచెల్ స్టార్క్‌ వేసిన మూడో ఓవర్‌లో 9 రన్స్‌ వచ్చాయి.
మొదటి బంతికి రాహుల్ త్రిపాఠి ఫోర్
రెండో బంతికి సింగిల్, మూడో బంతికి నో రన్స్‌
నాలుగో బంతికి మార్‌క్రమ్ బౌండరీ, చివరి బంతులు డాట్.
3 ఓవర్లకు హైదరాబాద్‌ స్కోరు 15/2. మార్‌క్రమ్‌ (4), రాహుల్ త్రిపాఠి (7) పరుగులతో ఉన్నారు.

26/05/2024 19:43(IST)

Kolkata vs Hyderabad: ఓపెనర్లు ఔట్.. కష్టాల్లో హైదరాబాద్‌

హైదరాబాద్‌కు మరో షాక్ తగిలింది. ట్రావిస్ హెడ్ (0) గోల్డెన్ డక్‌గా వెనుదిరిగాడు.
వైభవ్ అరోరా వేసిన రెండో ఓవర్‌లో మొదటి బంతులకు పరుగులేమీ రాలేదు.
నాలుగో బంతికి లెగ్ బైస్ రూపంలో 2 రన్స్
ఐదో బంతికి సింగిల్.
చివరి బంతికి ట్రావిస్ హెడ్ (0) వికెట్ కీపర్‌ రెహ్మనుల్లా గుర్బాజ్‌కు క్యాచ్‌ ఇచ్చాడు.
2 ఓవర్లకు హైదరాబాద్ స్కోరు 6/2.

26/05/2024 19:34(IST)

Kolkata vs Hyderabad: తొలి ఓవర్‌లోనే హైదరాబాద్‌కు భారీ షాక్

సన్‌రైజర్స్‌ హైదరాబాద్‌కు తొలి ఓవర్‌లోనే గట్టి షాక్‌ తగిలింది.
మిచెల్ స్టార్క్‌ వేసిన మొదటి మూడు బంతులు డాట్.
నాలుగో బంతికి రెండు పరుగులు చేసిన అభిషేక్ శర్మ (2) తర్వాతి బంతికే క్లీన్‌బౌల్డ్ అయ్యాడు.
1 ఓవర్‌ ముగిసేసరికి హైదరాబాద్‌ స్కోరు 3/1. రాహుల్ త్రిపాఠి (1), ట్రావిస్ హెడ్ (0) క్రీజులో ఉన్నారు.

26/05/2024 19:08(IST)

Kolkata vs Hyderabad: కోల్‌కతా ప్లేయింగ్ ఎలెవన్‌ ఇదే

రెహ్మనుల్లా గుర్బాజ్‌, సునీల్ నరైన్, వెంకటేశ్ అయ్యర్, శ్రేయస్ అయ్యర్ (కెప్టెన్), రింకు సింగ్, ఆండ్రీ రస్సెల్, రమణ్‌దీప్ సింగ్, మిచెల్ స్టార్క్, వైభవ్‌ అరోరా, హర్షిత్ రాణా, వరుణ్ చక్రవర్తి.

26/05/2024 19:07(IST)

Kolkata vs Hyderabad: హైదరాబాద్ తుది జట్టులో వీరికి ఛాన్స్‌

ట్రావిస్‌ హెడ్, అభిషేక్ శర్మ, రాహుల్ త్రిపాఠి, ఐడెన్‌ మార్‌క్రమ్‌, నితీశ్‌ రెడ్డి, హెన్రిచ్‌ క్లాసెన్, షాబాజ్‌ అహ్మద్‌, పాట్ కమిన్స్ (కెప్టెన్‌), భువనేశ్వర్ కుమార్, జయ్‌దేవ్‌ ఉనద్కత్, నటరాజన్.

26/05/2024 19:02(IST)

Kolkata vs Hyderabad: టాస్ గెలిచి బ్యాటింగ్‌ ఎంచుకున్న హైదరాబాద్‌

మరికాసేపట్లో చెపాక్‌ స్టేడియం వేదికగా కోల్‌కతా, హైదరాబాద్‌ జట్ల మధ్య ఐపీఎల్ ఫైనల్‌ మ్యాచ్‌ ప్రారంభంకానుంది.
టాస్‌ గెలిచిన హైదరాబాద్‌ కెప్టెన్ పాట్ కమిన్స్‌ తొలుత బ్యాటింగ్ చేయాలని నిర్ణయించుకున్నాడు.

26/05/2024 18:56(IST)

Kolkata vs Hyderabad: ఐపీఎల్ ఫైనల్‌.. తొలి కెప్టెన్‌గా శ్రేయస్ అయ్యర్ రికార్డు

ఐపీఎల్‌ ఫైనల్‌లో రెండు వేర్వేరు జట్లకు సారథ్యం వహించిన తొలి కెప్టెన్‌గా శ్రేయస్ అయ్యర్ రికార్డు సృష్టించనున్నాడు.
దిల్లీ క్యాపిటల్స్‌కు 2020లో శ్రేయస్‌ నాయకత్వం వహించాడు. ఆ సీజన్‌లో ఫైనల్‌కు చేరిన దిల్లీ.. ముంబయి చేతిలో ఓడి రన్నరప్‌గా నిలిచింది.

26/05/2024 17:52(IST)

ఐపీఎల్‌ ఫైనల్‌... వీళ్ల మధ్య పోరు ఆసక్తికరం.. ఎవరి మీద ఎవరిది పై చేయి అంటే?

ఐపీఎల్‌ 17వ సీజన్‌ ఫైనల్ మరికొన్ని గంటల్లో మొదలుకానుంది. ఈ నేపథ్యంలో కోల్‌కతా నైట్‌రైడర్స్‌- సన్‌రైజర్స్‌ హైదరాబాద్‌ ఈ మ్యాచులో ఎలాంటి రికార్డులు నమోదు కావొచ్చు. ఎవరు మెరవొచ్చు. గతంలో ఇరుజట్లు ఎదురుపడినప్పుడు ఏం జరిగిందో చూద్దాం! పూర్తి వార్త కోసం క్లిక్ చేయండి

26/05/2024 17:50(IST)

ఐపీఎల్ ‘ఫైనల్‌’ వెదర్‌ రిపోర్ట్.. మ్యాచ్‌ జరగకపోతే పరిస్థితేంటి?

ఇంటర్నెట్ డెస్క్: ఐపీఎల్ 17వ సీజన్‌ టైటిల్‌ కోసం కోల్‌కతా - హైదరాబాద్‌ జట్లు తలపడేందుకు సిద్ధమవుతున్నాయి. చెన్నైలోని చెపాక్‌ వేదికగా మ్యాచ్‌ జరగనుంది. అయితే, అక్కడి వాతావరణ పరిస్థితి కాస్త ఆందోళన కలిగిస్తోంది. నిన్న వర్షం పడటంతో కోల్‌కతా తన ప్రాక్టీస్ సెషన్‌ను రద్దు చేసుకుంది. ఇవాళ కూడా ఆకాశమంతా మబ్బులతో నిండి ఉంది. ఆక్యూవెదర్ రిపోర్ట్‌ ప్రకారం పూర్తి మ్యాచ్‌కు వర్షం అంతరాయం ఉండకపోవచ్చని తెలుస్తోంది. ఇవాళ మ్యాచ్‌ జరగకపోతే ఏమవుతుంది?

26/05/2024 17:49(IST)

Hyderabad vs Kolkata: కప్పు ఏ తీరానికో...

మునుపెన్నడూ చూడని విధ్వంసక విన్యాసాలతో క్రికెట్‌ అభిమానులను ఉర్రూతలూగించిన ఇండియన్‌ ప్రిమియర్‌ లీగ్‌ 17వ సీజన్‌లో అంతిమ ఘట్టానికి రంగం సిద్ధమైంది. లీగ్‌లో ఉత్తమ ప్రదర్శన చేసిన రెండు జట్ల మధ్య టైటిల్‌ పోరు ఆదివారమే. లీగ్‌ దశను తొలి రెండు స్థానాలతో ముగించిన కోల్‌కతా నైట్‌రైడర్స్, సన్‌రైజర్స్‌ హైదరాబాద్‌.. చెన్నైలో కప్పు కోసం కొట్లాడబోతున్నాయి. పూర్తి వార్త కోసం క్లిక్ చేయండి

26/05/2024 17:47(IST)

నాకు అవకాశం వచ్చే వరకూ.. అలా ఆలోచిస్తూనే ఉన్నా: రాహుల్ త్రిపాఠి

ఐపీఎల్‌ 2024 సీజన్‌లో అవకాశం కోసం వేచి చూడటం చాలా కష్టంగా అనిపించిందని హైదరాబాద్‌ ఆటగాడు రాహుల్ త్రిపాఠి వ్యాఖ్యానించాడు. ప్లేఆఫ్స్‌ మ్యాచుల్లో కీలకంగా రాణిస్తున్న అతడి నుంచి ఫైనల్‌లోనూ మరోసారి అద్భుత ఇన్నింగ్స్‌ కావాలని అభిమానులు ఆశిస్తున్నారు. ఈ సీజన్‌లో ఇప్పటి వరకు ఐదు మ్యాచ్‌లు ఆడిన త్రిపాఠి 156 పరుగులు చేశాడు. అతడి స్ట్రైక్‌రేట్ 152.94. ఇందులో 17 ఫోర్లు, 6 సిక్స్‌లు ఉన్నాయి. తుది జట్టులో లేకపోయినప్పుడు కూడా.. తన అవసరం ఉన్నప్పుడు సిద్ధంగా ఉండేవాడినని తెలిపాడు. పూర్తి వార్త కోసం క్లిక్‌ చేయండి

26/05/2024 17:45(IST)

నా ఇబ్బంది చెప్పినా.. అప్పుడు ఎవరూ అంగీకరించలేదు: శ్రేయస్‌

ఐపీఎల్ 17వ సీజన్‌ ఫైనల్‌లో సన్‌రైజర్స్ హైదరాబాద్‌తో తలపడేందుకు కోల్‌కతా నైట్ రైడర్స్‌ (KKR vs SRH) సిద్ధమైంది. అయితే, నిన్న సాయంత్రం చెన్నైలో వర్షం పడటంతో ఆ జట్టు ప్రాక్టీస్‌కు అంతరాయం ఏర్పడింది. దీంతో ఇండోర్‌లోనే గడిపేసింది. ఈ క్రమంలో కేకేఆర్‌ కెప్టెన్ శ్రేయస్‌ అయ్యర్ తన సెంట్రల్ కాంట్రాక్ట్‌ను కోల్పోవడం, వరల్డ్‌ కప్‌ తర్వాత వెన్ను నొప్పిపై స్పందించాడు. తన ఇబ్బందిని తెలియజేసినా ఎవరూ అర్థం చేసుకోలేదని బాధను వ్యక్తం చేశాడు. పూర్తి వార్త కోసం క్లిక్ చేయండి

26/05/2024 17:44(IST)

రైడర్స్‌ విజయాలకు సన్‌రైజర్స్‌ ‘ఫైనల్’ చెక్‌ వేసేనా?

తొలి క్వాలిఫయర్‌ ఓటమికి ప్రతీకారం తీర్చుకొనే మంచి అవకాశం హైదరాబాద్‌ ఎదుట నిలిచింది. ఇదే సీజన్‌లో కోల్‌కతా చేతిలో రెండుసార్లు ఎదురైన పరాభవాలకు ‘ఫైనల్‌’ విజయంతో చెక్ పెట్టేందుకు సన్‌రైజర్స్ సిద్ధమవుతోంది. ఆదివారం ‘చెపాక్‌’ వేదికగా కోల్‌కతా - హైదరాబాద్‌ జట్ల మధ్య ఐపీఎల్ 17వ ఎడిషన్‌ టైటిల్‌ పోరు జరగనుంది. పూర్తి వార్త కోసం క్లిక్‌ చేయండి

26/05/2024 17:42(IST)

సన్‌రైజర్స్ బ్యాటింగే కాదు.. బౌలింగ్‌కూ పదునెక్కువే: గౌతమ్ గంభీర్

ఐపీఎల్ 17వ సీజన్‌ ఫైనల్‌లో కోల్‌కతా - హైదరాబాద్‌ జట్లు తలపడనున్నాయి. తొలి క్వాలిఫయర్‌లో ఇరు జట్ల మధ్య జరిగిన మ్యాచ్‌లో కేకేఆర్‌ గెలిచిన సంగతి తెలిసిందే. రెండో క్వాలిఫయర్‌లో రాజస్థాన్‌ను చిత్తు చేసిన ఎస్‌ఆర్‌హెచ్‌ తుది పోరుకు దూసుకొచ్చింది. అన్ని విభాగాల్లో ఆర్‌ఆర్‌ కంటే మెరుగైన ప్రదర్శన చేసింది. ఈ క్రమంలో కోల్‌కతా మెంటార్ గౌతమ్ గంభీర్ హైదరాబాద్‌ బౌలింగ్‌పైనా కీలక వ్యాఖ్యలు చేశాడు. కేవలం వారి బ్యాటింగ్‌ మాత్రమే కాకుండా బౌలింగ్‌లోనూ పటిష్ఠంగా ఉందని పేర్కొన్నాడు. పూర్తి వార్త కోసం క్లిక్‌ చేయండి

ఐపీఎల్‌ 2024 ఫైనల్‌ మ్యాచ్‌... కోల్‌కతా నైట్‌ రైడర్స్‌ vs సన్‌రైజర్స్‌ హైదరాబాద్‌ లైవ్‌ అప్‌డేట్స్‌

తాజా వార్తలు (Latest News)

కిషన్‌రెడ్డి హైదరాబాద్‌కు రూపాయి తీసుకు రాలేదు: మంత్రి పొన్నం

‘యానిమల్‌ పార్క్‌’.. ఆ విషయం నేను చెప్పలేను: త్రిప్తి దిమ్రీ

పారిస్‌ ఒలింపిక్స్‌లో హిందీకి అరుదైన గౌరవం

ఆగస్టు 23న.. ఉక్రెయిన్‌ పర్యటనకు ప్రధాని మోదీ..!

భద్రాచలం వద్ద మళ్లీ పెరుగుతున్న గోదావరి నీటి మట్టం

రివ్యూ: బ్లడీ ఇష్క్‌: అవికా గోర్‌ సినిమా థ్రిల్‌ చేసిందా?

సుఖీభవ

చదువు