Breaking | Feedback | ePratibha | E-PAPER | Pratibha

ఐపీఎల్‌ 2024: కోల్‌కతా vs హైదరాబాద్‌ క్వాలిఫయర్‌-1 లైవ్‌ అప్‌డేట్స్‌

హైదరాబాద్‌తో జరిగిన క్వాలిఫయర్‌ 1లో కోల్‌కతా 8 వికెట్ల తేడాతో ఘన విజయం సాధించింది.

Updated : 21 May 2024 22:51 IST

21/05/2024 22:44(IST)

Kolkata vs Sunrisers: హైదరాబాద్‌ ఓటమి.. ఫైనల్‌కు కోల్‌కతా

హైదరాబాద్‌తో జరిగిన క్వాలిఫయర్‌ 1లో కోల్‌కతా 8 వికెట్ల తేడాతో ఘన విజయం సాధించింది.
తొలుత హైదరాబాద్‌ 19.3 ఓవర్లలో 159 పరుగులకు ఆలౌటైంది. రాహుల్ త్రిపాఠి (55; 35 బంతుల్లో 7 ఫోర్లు, 1 సిక్స్‌) టాప్‌ స్కోరర్.
160 పరుగుల లక్ష్యాన్ని కేకేఆర్‌ 13.4 ఓవర్లలోనే ఛేదించి ఫైనల్‌కు దూసుకెళ్లింది.
వెంకటేశ్‌ అయ్యర్ (51*; 28 బంతుల్లో 5 ఫోర్లు, 4 సిక్స్‌లు), శ్రేయస్ అయ్యర్ (58*; 24 బంతుల్లో 5 ఫోర్లు, 4 సిక్స్‌లు) మెరుపు అర్ధ శతకాలు బాది జట్టుకు ఘన విజయం అందించారు.

21/05/2024 22:43(IST)

Kolkata vs Sunrisers: 28 బంతుల్లోనే వెంకటేశ్‌ అయ్యర్‌ అర్ధ శతకం

13వ ఓవర్‌ వేసిన నితీశ్ రెడ్డి
తొలి రెండు బంతులకు సింగిల్స్‌
మూడో బంతికి ఫోర్‌ బాదిన శ్రేయస్‌ అయ్యర్‌
నాలుగో బంతికి సింగిల్
ఐదో బంతికి నో రన్స్.
చివరి బంతికి సిక్సర్ బాది వెంకటేశ్‌ అయ్యర్ హాఫ్‌ సెంచరీ పూర్తి చేసుకున్నాడు.
13 ఓవర్లకు స్కోరు 142/2. శ్రేయస్ (36) పరుగులతో ఉన్నాడు.

21/05/2024 22:37(IST)

Kolkata vs Sunrisers: 12 ఓవర్లకు కోల్‌కతా స్కోర్‌ 129/2

12వ ఓవర్‌ వేసిన వియస్కాంత్‌
తొలి బంతికి బ్యాక్‌వర్డ్‌ పాయింట్‌లో ఫోర్‌ బాదిన వెంకటేశ్‌ అయ్యర్‌
రెండో బంతికి నో రన్‌
మూడో బంతికి సింగిల్‌
నాలుగో బంతికి ఫైన్‌ లెగ్‌లో ఫోర్‌
ఐదో బంతికి సింగిల్‌
చివరి బంతికి నో రన్‌
క్రీజులో వెంకటేశ్‌ అయ్యర్‌ (44), శ్రేయస్‌అయ్యర్‌ (30)

21/05/2024 22:34(IST)

Kolkata vs Sunrisers: కోల్‌కతా బ్యాటర్ల దూకుడు

11వ ఓవర్‌ వేసిన నటరాజన్‌
తొలి బంతికి నో రన్‌
రెండో బంతికి సిక్స్‌ బాదిన శ్రేయస్‌ అయ్యర్‌
మూడో బంతికి సింగిల్‌
నాలుగో బంతికి నో రన్‌
ఐదో బంతికి సింగిల్‌
చివరి బంతికి ఫోర్‌ బాదిన శ్రేయస్‌ అయ్యర్‌
11 ఓవర్లకు కోల్‌కతా స్కోర్‌ 119/2

21/05/2024 22:29(IST)

Kolkata vs Sunrisers: వెంకటేశ్‌ అయ్యర్‌ సిక్సర్‌

10వ ఓవర్‌ వేసిన విజయకాంత్‌
తొలి బంతికి నోరన్‌
శ్రేయస్ ఇచ్చిన క్యాచ్‌ను అందుకునే క్రమంలో కీపర్‌ క్లాసెన్‌ అందుకోవడానికి ప్రయత్నించగా త్రిపాఠి అడ్డురావడంతో డ్రాప్‌ అయింది.
చివరి బంతికి సిక్స్‌ బాదిన వెంకటేశ్‌ అయ్యర్‌
10 ఓవర్లకు కోల్‌కతా స్కోర్‌ 107/2

21/05/2024 22:24(IST)

Kolkata vs Sunrisers: నిలకడగా ఆడుతున్న కోల్‌కతా బ్యాటర్లు

9వ ఓవర్‌ వేసిన కమిన్స్‌
తొలి బంతికి సింగిల్‌
రెండో బంతికి ఫోర్‌ బాదిన వెంకటేశ్‌ అయ్యర్‌
మూడో బంతికి నో రన్‌
నాలుగో బంతికి సింగిల్‌
ఐదో బంతికి ఫోర్‌ బాదిన శ్రేయస్ అయ్యర్‌
చివరి బంతికి సింగిల్‌
9 ఓవర్లకు కోల్‌కతా స్కోర్ 96/2

21/05/2024 22:12(IST)

Kolkata vs Sunrisers: నరైన్ (21) ఔట్.. రెండో వికెట్ కోల్పోయిన కోల్‌కతా

కమిన్స్ వేసిన ఏడో ఓవర్లో తొలి బంతికి ఫోర్ బాదిన సునీల్ నరైన్ (21) తర్వాతి బంతికే వియస్కాంత్‌కు క్యాచ్‌ ఇచ్చాడు.
తర్వాత ఇదే ఓవర్లో ఐదో బంతికి వెంకటేశ్ అయ్యర్ (18) సిక్స్ బాదాడు.
7 ఓవర్లకు స్కోరు 74/2. శ్రేయస్ అయ్యర్ (1) క్రీజులో ఉన్నాడు.

21/05/2024 22:10(IST)

Kolkata vs Sunrisers: పవర్‌ ప్లే పూర్తి.. నిలకడగా ఆడుతున్న నరైన్, వెంకటేశ్ అయ్యర

నటరాజన్ వేసిన ఆరో ఓవర్‌లో సిక్స్‌ రన్స్ వచ్చాయి.
మొదటి నాలుగు బంతులు డాట్. తర్వాత వైడ్.
ఐదో బంతికి నరైన్ (17) బౌండరీ రాబట్టాడు. చివరి బంతికి సింగిల్.
పవర్‌ ప్లే ముగిసేసరికి స్కోరు 63/1. వెంకటేశ్‌ అయ్యర్ (12) పరుగులతో ఉన్నాడు.

21/05/2024 21:52(IST)

Kolkata vs Sunrisers: మొదటి వికెట్ కోల్పోయిన కోల్‌కతా

నటరాజన్ వేసిన 3.2 ఓవర్‌కు రెహ్మనుల్లా గుర్బాజ్ (23; 14 బంతుల్లో) ఔటయ్యాడు.
అతడు కవర్స్‌లో విజయ్‌కాంత్‌కు క్యాచ్‌ ఇవ్వడంతో 44 పరుగుల వద్ద కోల్‌కతా మొదటి వికెట్ కోల్పోయింది.
4 ఓవర్లకు స్కోరు 49/1. నరైన్ (12), వెంకటేశ్ అయ్యర్ (4) పరుగులతో ఉన్నారు.

21/05/2024 21:51(IST)

Kolkata vs Sunrisers: మూడో ఓవర్‌.. భారీగా పరుగులు ఇచ్చిన భువనేశ్వర్‌ కుమార్‌

భువనేశ్వర్‌ కుమార్‌ ఇన్నింగ్స్‌ మూడో ఓవర్‌ వసి 18 పరుగులు ఇచ్చాడు.
తొలి బంతికి లెగ్‌ బైస్‌ రూపంరీ లభించింది.
తర్వాత రెహ్మనుల్లా గుర్బాజ్‌ (23) వరుసగా సిక్స్‌, ఫోర్ బాదేశాడు.
3 ఓవర్లకు కేకేఆర్‌ స్కోరు 44/0. నరైన్ (12) పరుగులతో ఉన్నాడు.

21/05/2024 21:44(IST)

Kolkata vs Sunrisers: దూకుడుగా ఆడుతున్న కోల్‌కతా ఓపెనర్లు

కమిన్స్ వేసిన రెండో ఓవర్‌లో 20 పరుగులు వచ్చాయి.
మొదటి రెండు బంతులకు నరైన్ (9) ఫోర్లు బాదాడు.
నాలుగో బంతికి లెగ్‌ బైస్‌ రూపంలో బౌండరీ వచ్చింది.
తర్వాత రెహ్మనుల్లా గుర్బాజ్ (12) ఓ సిక్స్ కొట్టాడు.
2 ఓవర్లకు స్కోరు 26/0.

21/05/2024 21:38(IST)

Kolkata vs Sunrisers: లక్ష్యఛేదనకు దిగిన కోల్‌కతా.. తొలి ఓవర్‌లో సిక్స్‌ రన్స్

హైదరాబాద్‌ నిర్దేశించిన 160 పరుగుల లక్ష్యాన్ని ఛేదించేందుకు కోల్‌కతా బరిలోకి దిగింది.
భువనేశ్వర్‌ కుమార్‌ వేసిన తొలి ఓవర్‌లో ఆరు పరుగులు వచ్చాయి.
రెండో బంతికి రెహ్మనుల్లా గుర్బాజ్ (6) ఫోర్ బాదాడు.

21/05/2024 21:16(IST)

Kolkata vs Sunrisers: చివర్లో కమిన్స్ మెరుపులు.. హైదరాబాద్ 159 ఆలౌట్

కోల్‌కతాతో జరుగుతున్న క్వాలిఫయర్‌-1లో హైదరాబాద్‌ బ్యాటర్లు ఘోరంగా విఫలమయ్యారు.
దీంతో సన్‌రైజర్స్ 19.3 ఓవర్లలో 159 పరుగులకు ఆలౌటైంది.
వన్‌ డౌన్ బ్యాటర్ రాహుల్ త్రిపాఠి (55; 35 బంతుల్లో 7 ఫోర్లు, 1 సిక్స్‌) టాప్‌ స్కోరర్.
హెన్రిచ్‌ క్లాసెన్ (32; 21 బంతుల్లో 3 ఫోర్లు, 1 సిక్స్‌) దూకుడుగా ఆడినా ఎక్కువసేపు క్రీజులో నిలవలేదు. అబ్దుల్ సమద్ (16) పరుగులు చేశాడు.
ట్రావిస్ హెడ్ (0), అభిషేక్ శర్మ (3), నితీశ్‌ రెడ్డి (9), షాబాజ్ అహ్మద్‌ (0), ఇంపాక్ట్‌ ప్లేయర్‌గా వచ్చిన సన్వీర్ సింగ్ (0) తీవ్ర నిరాశపర్చారు.
126 పరుగులకు 9 వికెట్లు కోల్పోయిన దశలో కమిన్స్ (30; 24 బంతుల్లో 2 ఫోర్లు, 2 సిక్స్‌లు) దూకుడుగా ఆడటంతో హైదరాబాద్‌ పోరాడే స్కోరు సాధించగలిగింది.
కోల్‌కతా బౌలర్లలో మిచెల్ స్టార్క్ 3, వరుణ్ చక్రవర్తి 2, వైభవ్ అరోరా, హర్షిత్ రాణా, సునీల్ నరైన్, రస్సెల్ తలో వికెట్ పడగొట్టారు.

21/05/2024 21:10(IST)

Kolkata vs Sunrisers: 18 ఓవర్లు.. ఆదుకుంటున్న కమిన్స్‌..

వరుణ్ చక్రవర్తి వేసిన 18 ఓవర్లో 11 పరుగులు వచ్చాయి.
మొదటి బంతికి కమిన్స్ (19) సిక్స్ బాదాడు.
తర్వాత ఐదు సింగిల్స్ వచ్చాయి.
18 ఓవర్లకు స్కోరు 144/9. వియస్కాంత్ (3) స్ట్రెక్‌రోటేట్ చేస్తున్నాడు.

21/05/2024 21:01(IST)

Kolkata vs Sunrisers: భువనేశ్వర్ ఔట్.. ఆలౌట్‌కు చేరువైన హైదరాబాద్‌

వరుణ్ చక్రవర్తి వేసిన 16 ఓవర్‌లో చివరి బంతికి భువనేశ్వర్ కుమార్ (0) ఎల్బీడబ్ల్యూగా వెనుదిరిగాడు.
దీంతో హైదరాబాద్‌ 126 పరుగుల వద్ద తొమ్మిదో వికెట్ కోల్పోయింది.
16 ఓవర్లకు స్కోరు 126/9. కమిన్స్ (4) పరుగులతో ఉన్నాడు.

21/05/2024 20:54(IST)

Kolkata vs Sunrisers: సమద్‌ (16) ఔట్.. సన్‌రైజర్స్ ఎనిమిదో వికెట్

హర్షిత్ రాణా వేసిన 14.4 ఓవర్‌కు అబ్దుల్ సమద్ (16) భారీ షాట్ ఆడి శ్రేయస్ అయ్యర్‌కు చిక్కాడు.
దీంతో హైదరాబాద్‌ ఎనిమిదో వికెట్ కోల్పోయింది.
15 ఓవర్లకు స్కోరు 125/8. భువనేశ్వర్ (0), కమిన్స్ (3) క్రీజులో ఉన్నారు.

21/05/2024 20:47(IST)

Kolkata vs Sunrisers: ఏడు వికెట్లు కోల్పోయిన హైదరాబాద్‌

హైదరాబాద్ ఏడో వికెట్ కోల్పోయింది. ఇంపాక్ట్ ప్లేయర్‌గా వచ్చిన సన్వీర్ సింగ్‌ (0) తాను ఎదుర్కొన్న మొదటి బంతికే ఔటయ్యాడు.
నరైన్ వేసిన 14 ఓవర్లో మూడో బంతికి క్లీన్‌బౌల్డ్ అయ్యాడు.
14 ఓవర్లకు హైదరాబాద్ స్కోరు 123/7. కమిన్స్ (2), సమద్ (15) పరుగులతో ఉన్నారు.

21/05/2024 20:38(IST)

Kolkata vs Sunrisers: ఫస్ట్ బాల్‌కే సిక్సర్ బాదిన అబ్దుల్ సమద్

అబ్దుల్ సమద్ (7) తాను ఎదుర్కొన్న మొదటి బంతికే సిక్సర్ బాదాడు.
నరైన్ వేసిన 12 ఓవర్‌లో రెండో బంతిని కౌవ్‌ కార్నర్‌ మీదుగా స్టాండ్స్‌లోకి పంపాడు.
ఈ ఓవర్‌లో మొత్తం 9 రన్స్ వచ్చాయి.
12 ఓవర్లకు స్కోరు 110/5. రాహుల్ త్రిపాఠి (53), అబ్దుల్ సమద్ (7) పరుగులతో ఉన్నారు.

21/05/2024 20:32(IST)

Kolkata vs Sunrisers: రాహుల్ త్రిపాఠి హాఫ్‌ సెంచరీ.. క్లాసెన్ (32) ఔట్

సన్‌రైజర్స్‌ ఐదో వికెట్ కోల్పోయింది. దూకుడుగా ఆడుతున్న క్లాసెన్ (32) ఔటయ్యాడు.
వరుణ్‌ చక్రవర్తి వేసిన 11 ఓవర్లో చివరి బంతికి డీప్‌ మిడ్ వికెట్‌లో రింకు సింగ్‌కు క్యాచ్‌ ఇచ్చాడు.
ఇదే ఓవర్‌లో నాలుగో బంతికి ఫోర్ బాది రాహుల్ త్రిపాఠి (51) అర్ధ శతకం పూర్తి చేసుకున్నాడు.
11 ఓవర్లకు స్కోరు 101/5.

21/05/2024 20:30(IST)

Kolkata vs Sunrisers: 10 ఓవర్లు పూర్తి.. హాఫ్‌ సెంచరీకి చేరువలో త్రిపాఠి

39 పరుగులకే నాలుగు వికెట్లు కోల్పోయిన హైదరాబాద్‌ను రాహుల్ త్రిపాఠి, హెన్రిచ్ క్లాసెన్ ఆదుకుంటున్నారు.
దూకుడుగా ఆడుతూ స్కోరు బోర్డును పరుగులు పెట్టిస్తున్నారు.
రస్సెల్ వేసిన 10 ఓవర్‌లో చెరో బౌండరీ బాదారు.
ఇప్పటివరకు 30 బంతుల్లో 53 పరుగుల భాగస్వామ్యాన్ని నెలకొల్పారు.
10 ఓవర్లకు హైదరాబాద్ స్కోరు 92/4. క్లాసెన్ (30), త్రిపాఠి (45) పరుగులతో ఉన్నారు.

21/05/2024 20:24(IST)

Kolkata vs Sunrisers: బాదుడు మొదలెట్టిన హెన్రిచ్‌ క్లాసెన్..

హెన్రిచ్‌ క్లాసెన్ దూకుడుగా ఆడటం మొదలెట్టాడు.
సునీల్ నరైన్ వేసిన తొమ్మిదో ఓవర్‌లో 18 పరుగులు వచ్చాయి.
రెండో బంతికి రాహుల్ త్రిపాఠి (39) బౌండరీ రాబట్టాడు.
ఆఖరి రెండు బంతులకు క్లాసెన్ (24) వరుసగా సిక్స్, ఫోర్ బాదాడు.
9 ఓవర్లకు స్కోరు 80/4.

21/05/2024 20:19(IST)

Kolkata vs Sunrisers: 8 ఓవర్లు పూర్తి.. మ్యాచ్‌లో ఫస్ట్ సిక్స్‌ బాదిన రాహుల్ త్రిపాఠి

హర్షిత్ రాణా వేసిన ఎనిమిదో ఓవర్‌లో 12 పరుగులు వచ్చాయి.
మొదటి మూడు బంతులకు సింగిల్స్. తర్వాత ఓ వైడ్.
బౌన్సర్‌గా వచ్చిన నాలుగో బంతిని రాహుల్ త్రిపాఠి (34) వికెట్ కీపర్ తలమీదుగా సిక్సర్‌గా మలిచాడు. మ్యాచ్‌లో ఫస్ట్ సిక్స్ ఇదే.
చివరి రెండు బంతులకు సింగిల్స్‌.
8 ఓవర్లకు స్కోరు 62/4. క్లాసెన్ (11) పరుగులతో ఉన్నాడు.

21/05/2024 20:10(IST)

Kolkata vs Sunrisers: పవర్‌ ప్లే పూర్తి.. క్రీజులో క్లాసెన్, రాహుల్ త్రిపాఠి

హర్షిత్‌ రాణా వేసిన ఆరో ఓవర్‌లో ఆరు పరుగులు వచ్చాయి.
మూడో బంతికి హెన్రిచ్ క్లాసెన్ (5) బౌండరీ బాదాడు.
పవర్ ప్లే ముగిసేసరికి సన్‌రైజర్స్ 45/4 స్కోరుతో ఉంది. త్రిపాఠి (24) పరుగులతో ఉన్నాడు.

21/05/2024 19:59(IST)

Kolkata vs Sunrisers: విజృంభిస్తున్న మిచెల్ స్టార్క్.. పీకల్లోతు కష్టాల్లో పడ్డ సన్‌రైజర్స్‌

కీలక మ్యాచ్‌లో హైదరాబాద్‌ బ్యాటర్లు చేతులెత్తేస్తున్నారు.
ఇప్పటికే ఓపెనర్లను కోల్పోయిన సన్‌రైజర్స్‌.. తాజాగా వరుసగా రెండు వికెట్లు చేజార్చుకుంది.
మిచెల్ స్టార్క్ ఐదో ఓవర్‌లో వరుసగా రెండు వికెట్లు పడగొట్టి సన్‌రైజర్స్‌ను దెబ్బకొట్టాడు.
ఐదో బంతికి నితీశ్‌ రెడ్డి (9) వికెట్ కీపర్‌ గుర్బాజ్‌కు క్యాచ్‌ ఇవ్వగా.. చివరి బంతికి షాబాజ్ అహ్మద్ (0) క్లీన్‌బౌల్డ్ అయ్యాడు.
5 ఓవర్లకు హైదరాబాద్‌ 39/4 స్కోరుతో నిలిచి పీకల్లోతు కష్టాల్లో పడింది.

21/05/2024 19:58(IST)

Kolkata vs Sunrisers: హైదరాబాద్‌ బ్యాటింగ్.. నాలుగో ఓవర్‌లో 12 పరుగుల

వైభవ్ అరోరా వేసిన నాలుగో ఓవర్‌లో 12 పరుగులు వచ్చాయి.
మూడో బంతి (నో బాల్)ని రాహుల్ త్రిపాఠి బౌండరీకి పంపించాడు. ఫ్రీ హిట్‌కు మాత్రం ఒక్క పరుగూ రాలేదు.
4 ఓవర్లకు స్కోరు 33/2. నితీశ్‌ రెడ్డి (4), రాహుల్ త్రిపాఠి (22) పరుగులతో ఉన్నారు.

21/05/2024 19:52(IST)

Kolkata vs Sunrisers: మూడు ఓవర్లకు సన్‌రైజర్స్‌ 21/2

మిచెల్ స్టార్క్ వేసిన మూడో ఓవర్‌లో ఎనిమిది పరుగులు వచ్చాయి.
మూడో బంతికి రాహుల్ త్రిపాఠి (15) ఫోర్ బాదాడు. తర్వాతి బంతికి సింగిల్ తీశాడు. చివరి రెండు బంతులు డాట్.
3 ఓవర్లకు హైదరాబాద్ 21/2. నితీశ్ రెడ్డి (1) క్రీజులో ఉన్నాడు.

21/05/2024 19:42(IST)

Kolkata vs Sunrisers: అభిషేక్ శర్మ ఔట్.. సన్‌రైజర్స్‌కు మరో షాక్

సన్‌రైజర్స్‌కు మరో షాక్ తగిలింది. సూపర్ ఫామ్‌లో ఉన్న అభిషేక్ శర్మ (3) ఈ సారి సింగిల్ డిజిట్ స్కోరుకే పరిమితమై నిరాశపర్చాడు.
వైభవ్‌ అరోరా వేసిన రెండో ఓవర్‌లో ఐదో బంతికి రస్సెల్‌కు క్యాచ్‌ ఇచ్చి వెనుదిరిగాడు.
2 ఓవర్లకు స్కోరు 13/2. నితీశ్ రెడ్డి (0), రాహుల్ త్రిపాఠి (9) క్రీజులో ఉన్నారు.

21/05/2024 19:39(IST)

Kolkata vs Sunrisers: తొలి ఓవర్‌లో వికెట్.. రెండు ఫోర్లు

మిచెల్ స్టార్క్ వేసిన ఇన్నింగ్స్‌ తొలి ఓవర్‌లో రెండో బంతికి ట్రావిస్ హెడ్ ఔటయ్యాడు.
తర్వాత వచ్చిన రాహుల్ త్రిపాఠి (8) రెండు బౌండరీలు బాదాడు.
అభిషేక్ శర్మకు ఇంకా బ్యాటింగ్‌ చేసే అవకాశం రాలేదు.

21/05/2024 19:33(IST)

Kolkata vs Sunrisers: హైదరాబాద్‌కు భారీ షాక్.. హెడ్ డకౌట్

హైదరాబాద్‌కు ఆదిలోనే భారీ షాక్‌ తగిలింది. పరుగుల ఖాతా తెరవకుండానే తొలి వికెట్ కోల్పోయింది.
ట్రావిస్‌ హెడ్ (0) ఔటయ్యాడు. మిచెల్ స్టార్క్ వేసిన 0.2 ఓవర్‌కు క్లీన్‌బౌల్డ్ అయ్యాడు.

21/05/2024 19:32(IST)

Kolkata vs Sunrisers: ప్రారంభమైన మ్యాచ్‌.. హైదరాబాద్ బ్యాటింగ్

సన్‌రైజర్స్‌ హైదరాబాద్‌, కోల్‌కతా నైట్‌రైడర్స్ మధ్య తొలి క్వాలిఫయర్ మ్యాచ్‌ ప్రారంభమైంది.
హైదరాబాద్‌ టాస్‌ గెలిచి బ్యాటింగ్ ఎంచుకుంది.
అభిషేక్ శర్మ, ట్రావిస్ హెడ్ ఓపెనర్లుగా వచ్చారు.
మిచెల్ స్టార్క్‌ తొలి ఓవర్‌ వేస్తున్నాడు.

21/05/2024 19:13(IST)

Kolkata vs Sunrisers: కోల్‌కతా నైట్‌రైడర్స్‌ తుది జట్టులో ఉన్నది వీరే

రహ్మనుల్లా గుర్బాజ్, సునీల్ నరైన్, వెంకటేశ్‌ అయ్యర్, శ్రేయస్ అయ్యర్, రింకు సింగ్, ఆండ్రూ రస్సెల్, రమణ్‌దీప్‌ సింగ్, మిచెల్ స్టార్క్‌, వైభవ్‌ అరోరా, హర్షిత్ రాణా, వరుణ్ చక్రవర్తి.

21/05/2024 19:11(IST)

Kolkata vs Sunrisers: సన్‌రైజర్స్‌ హైదరాబాద్‌ తుది జట్టు ఇదే

ట్రావిస్ హెడ్, అభిషేక్ శర్మ, రాహుల్ త్రిపాఠి, నితీశ్‌ రెడ్డి, హెన్రిచ్‌ క్లాసెన్, అబ్దుల్ సమద్, షాబాజ్ అహ్మద్‌, పాట్ కమిన్స్‌ (కెప్టెన్), భువనేశ్వర్ కుమార్‌, విజయ్‌కాంత్ వియస్కాంత్, నటరాజన్.

21/05/2024 16:55(IST)

Kolkata vs Sunrisers: అటూ.. ఇటూ

నరైన్, శ్రేయస్, నితీష్‌ రాణా, రింకు, రసెల్‌ వంటి వారితో కోల్‌కతా బ్యాటింగ్‌.. హెడ్, అభిషేక్‌ శర్మ, క్లాసెన్, త్రిపాఠిలతో సన్‌రైజర్స్‌ బ్యాటింగ్‌ దుర్భేద్యంగా కనిపిస్తున్నాయి. మరో కీలక బ్యాటర్‌ ఫిల్‌ సాల్ట్‌ (435 పరుగులు) స్వదేశానికి వెళ్లిపోవడం మాత్రం కోల్‌కతాకు ప్రతికూలాంశమే. అయితే మిచెల్‌ స్టార్క్, నరైన్, వరుణ్, రసెల్‌లతో నైట్‌రైడర్స్‌ బౌలింగ్‌ కూడా బాగుంది. కమిన్స్, భువనేశ్వర్, నటరాజన్‌ వంటి వారితో కూడిన సన్‌రైజర్స్‌ బౌలింగ్‌ దళం సమష్టిగా రాణిస్తోంది.

21/05/2024 16:55(IST)

Kolkata vs Sunrisers: ముఖాముఖిలో..

ముఖాముఖి పోరులో కోల్‌కతాదే పైచేయి. కోల్‌కతా 17 మ్యాచ్‌ల్లో నెగ్గగా.. సన్‌రైజర్స్‌ 9 మ్యాచ్‌ల్లో మాత్రమే గెలిచింది. ఈ సీజన్‌లో ఈ రెండు జట్ల మధ్య ఈడెన్‌ గార్డెన్స్‌లో జరిగిన మ్యాచ్‌లో కోల్‌కతా నాలుగు పరుగుల స్వల్ప తేడాతో గెలిచింది. మొదట కోల్‌కతా 208/7 స్కోర్‌ చేయగా.. ఛేదనలో సన్‌రైజర్స్‌ 204/7 చేసింది. సన్‌రైజర్స్‌తో గత తొమ్మిది మ్యాచ్‌ల్లో కేకేఆర్‌ ఏడు నెగ్గడం గమనార్హం. నరేంద్ర మోదీ స్టేడియంలో తలపడడం ఈ జట్లకు ఇదే తొలిసారి.

21/05/2024 16:47(IST)

Kolkata vs Sunrisers: తొలి అడుగు ఎవరిదో

రెండు జట్లూ పరుగుల వరద పారించాయి. రెండు జట్లలోనూ పవర్‌ హిట్టర్లున్నారు. హోరాహోరీ పోరు ఖాయంగా కనిపిస్తోంది. ఈ నేపథ్యంలో కీలక సమరానికి రంగం సిద్ధమైంది. అగ్రస్థానంలో ఉన్న కోల్‌కతా (20 పాయింట్లు), రెండో స్థానంలో నిలిచిన సన్‌రైజర్స్‌ (17 పాయింట్లు) మధ్య మంగళవారమే క్వాలిఫయర్‌-1. పూర్తి కథనం కోసం క్లిక్‌ చేయండి

21/05/2024 16:44(IST)

తొలి క్వాలిఫయర్‌.. అభిషేక్‌కు ఆ జోడీ నుంచే ముప్పు: భారత మాజీ క్రికెటర్

ఐపీఎల్ 2024 సీజన్‌ తొలి క్వాలిఫయర్‌కు అహ్మదాబాద్‌ వేదిక. కోల్‌కతా X హైదరాబాద్‌ జట్ల మధ్య మ్యాచ్‌ జరగనుంది. సన్‌రైజర్స్ ఓపెనర్ల దూకుడుకు.. కేకేఆర్‌ బౌలింగ్‌కు అసలైన పోరు ఉంటుందని క్రికెట్ పండితుల అంచనా. ఈ క్రమంలో యువ బ్యాటర్ అభిషేక్ శర్మకు భారత మాజీ క్రికెటర్‌ ఆకాశ్‌ చోప్రా కీలక సూచనలు చేశాడు. పూర్తి వార్త కోసం క్లిక్ చేయండి

21/05/2024 16:42(IST)

ఐపీఎల్‌ ప్లేఆఫ్స్‌ జట్లు.. ఈ కామన్‌ పాయింట్ గమనించారా?

ఐపీఎల్‌ 2024 సీజన్‌ ప్లేఆఫ్స్‌కు చేరిన జట్లలో మీకేమైనా కామన్‌ పాయింట్‌ కనిపిస్తోందా? పూర్తి పేర్లు చూస్తే అలా అనిపించదు కానీ.. వాటి షార్ట్‌ నేమ్స్‌ చూస్తే మీకే అర్థమవుతుంది. కావాలంటే మీరే చూడండి..

21/05/2024 16:40(IST)

ఐపీఎల్ 2024 ప్లేఆఫ్స్‌.. వర్షంతో రద్దైతే పరిస్థితేంటి? విజేత ఎవరు?

ఐపీఎల్‌ 2024 చివరి దశకు వర్షం ముప్పు ఎదురవుతోంది. లీగ్‌ స్టేజ్‌లో కోల్‌కతా - రాజస్థాన్‌ మ్యాచ్‌ రద్దైన సంగతి తెలిసిందే. మరి ప్లేఆఫ్స్‌కు ఇదే పరిస్థితి ఎదురైతే? అప్పుడు విజేతగా ఎవరిని ప్రకటిస్తారు? అనే ప్రశ్నలు వస్తున్నాయి. పూర్తి కథనం కోసం క్లిక్ చేయండి

21/05/2024 16:37(IST)

ప్లేఆఫ్స్‌ తొలి పోరు... రైడర్స్‌పై సన్‌ ‘రైజ్’ అయితే ఫైనల్‌కు!

ఐపీఎల్ 17వ సీజన్‌ ప్లేఆఫ్స్‌కు చేరుకుంది. మంగళవారం అహ్మదాబాద్‌లో జరిగే క్వాలిఫయర్‌-1లో కోల్‌కతా నైట్‌రైడర్స్‌ను సన్‌రైజర్స్‌ హైదరాబాద్‌ ఢీకొంటుంది. మరి సన్‌రైజర్స్‌, నైట్‌రైడర్స్‌ (SRH vs KKR) బలబలాలెంటి, ఆ వేదిక మీద ఎలాంటి ప్రదర్శన చేశాయో చుద్దాం. పూర్తి వార్త కోసం క్లిక్‌ చేయండి

21/05/2024 16:35(IST)

ఐపీఎల్ ప్లేఆఫ్స్‌.. ఏ జట్టు ఎలా వచ్చిందంటే?

ఐపీఎల్‌ ప్లేఆఫ్స్‌కు వేళైంది. దాదాపు రెండునెలల సుదీర్ఘ ప్రయాణం తర్వాత నాలుగు జట్లు నాకౌట్‌ దశకు చేరుకున్నాయి. రెండు జట్లు అలవోకగా వచ్చినా.. మరో రెండు సంచలన ప్రదర్శనతో ఫైనల్‌ 4కి చేరాయి. ఎవరి ప్రయాణం ఎలా సాగిందో చూద్దాం! పూర్తి కథనం కోసం క్లిక్ చేయండి

ఐపీఎల్‌ 2024: కోల్‌కతా vs హైదరాబాద్‌ క్వాలిఫయర్‌-1 లైవ్‌ అప్‌డేట్స్‌

తాజా వార్తలు (Latest News)

ఒకే ట్రాక్‌పైకి నాలుగు రైళ్లు.. వైరల్‌ వీడియోపై రైల్వే శాఖ స్పష్టత

శ్రీవారి భక్తులకు మరింత సౌకర్యవంతంగా తితిదే సేవలు: అదనపు ఈవో వెంకయ్య చౌదరి

సీఎం నీతి ఆయోగ్ సమావేశాన్ని బహిష్కరించడం సరికాదు : కేంద్ర మంత్రి ప్రహ్లాద్‌ జోషి

ఎక్కడ గంజాయి పట్టుబడినా ధూల్‌పేట్‌లోనే మూలాలు: ఎక్సైజ్‌ ఎన్‌ఫోర్స్‌మెంట్‌ డైరెక్టర్‌

అక్కడ భర్తలకు భార్యలు పాకెట్‌ మనీ ఇస్తారట..

‘అలాంటి వ్యక్తి హోం మంత్రి.. నిజంగా విచిత్రమే’: షాపై శరద్‌ పవార్‌ ఘాటు వ్యాఖ్యలు

సుఖీభవ

చదువు