పీహెచ్‌డీకి అవకాశముందా?

పీహెచ్‌డీకి అవకాశముందా?

* ఆంగ్ల సాహిత్యంలో మాస్టర్స్‌ను 51% మార్కులతో పూర్తిచేశాను. ఉస్మానియా, ఇతర ప్రసిద్ధ విశ్వవిద్యాలయాల్లో పీహెచ్‌డీకి అర్హత ఉండదని తెలుసు. పీహెచ్‌డీ చేయడానికి అవకాశమిచ్చే ఇతర విశ్వవిద్యాలయాల గురించి తెలపండి. ఇంకా దూరవిద్యలో ఇతర అవకాశాలు నాకు ఏమేం ఉన్నాయో తెలపండి.

* ఏదైనా విశ్వవిద్యాలంలో పీహెచ్‌డీ లేదా ఎంఫిల్‌ అభ్యసించడానికి తత్సమాన పీజీలో కనీసం 55% మార్కులు సాధించి ఉండాలి. విశ్వవిద్యాలయ ప్రవేశపరీక్ష, ముఖాముఖి ద్వారా ప్రవేశం కల్పిస్తారు. యూజీసీ 2016 రెగ్యులేషన్స్‌ ప్రకారం దూరవిద్య ద్వారా ఏ విశ్వవిద్యాలయం కూడా దూరవిద్య ద్వారా పీహెచ్‌డీ అందించకూడదు.

మీరు ఇతర దూరవిద్య కోర్సులు అందిస్తున్న ఇగ్నో, ఇఫ్లూ, ఉస్మానియా, ఆంధ్రా విశ్వవిద్యాలయాలు అందిస్తున్న ఆరు నెలల ఇంగ్లిష్‌ సర్టిఫికేషన్‌ కోర్సులు, ఏడాది వ్యవధిగల పోస్ట్‌ గ్రాడ్యుయేట్‌ సర్టిఫికెట్‌/ డిప్లొమా ఇన్‌ ఇంగ్లిష్‌ వంటి దూరవిద్య కోర్సులను ఎంచుకుని మీ అర్హతలు, ఉద్యోగావకాశాలను పెంపొందించుకోవచ్చు.