కొత్త పొద్దుకు మంచి ముచ్చట
కొత్త పొద్దు.. ఎంత ముద్దు! వూరించే ఆశలు.. విహరించే ఆశయాలు.. మది నిండా ఆకాంక్షలు.. ముందు ఎన్నెన్నో లక్ష్యాలు.. సరికొత్త సంవత్సరం.. కోటి ఉత్సాహాల సంగమం! ఏడాది పొడవూనా ఇంతే ఉత్సాహంగా.. జీవితాంతం ఇంతే ఉల్లాసంగా ఉండాలంటే అందుకు ‘చక్కటి ఆరోగ్యం’...
దృఢమైన కండరాలు.. పటిష్ఠమైన ఎముకలు.. ఎలాంటి పరిస్థితులనైనా తట్టుకుని స్థిరంగా నిలబడే సామర్ధ్యం.. వీటన్నింటినీ సాధించేందుకు తేలికైన మార్గం.. వ్యాయామం! బద్ధకించకుండా రోజూ కాస్సేపు ఒళ్లు వంచితే రోజంతా హుషారుగా గడవటమే కాదు.. మన ఆయుష్షూ పెరుగుతుంది! |
కూరగాయలు, పండ్లు చక్కటి పోషకాల గనులు. వీటిలో పొటాషియం, ఫోలేట్, విటమిన్-ఎ, విటమిన్-సి వంటి విటమిన్లు, ఖనిజలవణాలు దండిగా ఉంటాయి. మన ఆరోగ్యం దెబ్బతినకుండా చూడటంలో వీటిదే కీలక పాత్ర. |
ఒంటికే కాదు.. మనసుకు కూడా మంచిది యోగా! శరీరంలోని కణాలన్నింటికీ ఉత్తేజాన్నిస్తూ.. రోగనిరోధక శక్తిని బలోపేతం చేస్తూ.. శారీరక, మానసిక ఆరోగ్యాలు రెంటినీ కాపాడుతుంది. |
నీరు లేకపోతే జీవం లేదు. మన ఒంట్లో అత్యధిక భాగం ఉండేది నీరే. తిన్న ఆహారం సరిగా జీర్ణం కావాలన్నా, వ్యర్థాలు బయటకు విసర్జితం కావాలన్నా శరీరంలో తగినంత నీరు అవసరం. లేకపోతే తగినంత నీరు శరీరంలోని వ్యవస్థలన్నీ చతికిలపడతాయి. |
కుటుంబంతో, సమాజంతో ఆత్మీయమైన బంధాన్ని పెంచుకోవటం ఆరోగ్యానికీ, ఆయుర్దాయానికీ చాలా మంచిది. నలుగురితో కలిసిమెలసి తిరగటం మానసిక స్థైర్యాన్ని పెంపొందిస్తుంది. మనకు ఒకరు తోడుగా ఉన్నారన్న భావనే కొండత బలాన్ని అందిస్తుంది. ఇది జబ్బుల బారినపడకుండానే కాదు.. జబ్బుల నుంచి త్వరగా కోలుకోవటానికీ దోహదం చేస్తుంది. |
రోజంతా రకరకాల పనుల్లో కూరుకోవటం మూలంగా తలెత్తే అలసటను తొలగిస్తుంది.. రాత్రి నిద్ర! అందుకే ఉదయం హుషారుగా లేవటమేకాదు.. రోజంతా అంతే ఉత్సాహంగా ఉండేందుకు కూడా నిద్ర కీలకం. అంతేకాదు, గుండె, మెదడు వంటి కీలక అవయవాలు సరిగా పనిచేసేలా చూస్తూ శారీరక, మానసిక ఆరోగ్యాలను పరిరక్షిస్తుంది. |
గోటితో పోయే దాన్ని గొడ్డలి దాకా తెచ్చుకోవద్దంటారు. ఇది ఆరోగ్య పరీక్షలకు చక్కగా వర్తిస్తుంది. ముఖ్యంగా నాలుగు పదుల వయసు దాటుతున్న దశ నుంచీ ఏటా కొన్ని ప్రాథమిక పరీక్షలు చేయించుని, మన ఆరోగ్యం స్థితిగతులు సరిచూసుకోవటం చాలా అవసరం. లేకపోతే పెను విపత్తును కొని తెచ్చిపెట్టుకున్నట్టే.
* మూడు నెలలకు ఒకసారైనా బరువు చూసుకోవాలి. అధిక బరువుంటే తగ్గించుకునే ప్రయత్నం చేయాలి. దీంతో పలు సమస్యలను నివారించుకోవచ్చు.
* ఆర్నెల్లకు ఒకసారైనా బీపీ చూపించుకోవాలి. ఎందుకంటే అధిక రక్తపోటు కనిపించని శత్రువు. బీపీ పెరుగుతున్నా మనకు పైకి ఎలాంటి లక్షణాలూ కనబడవు. కానీ అది లోలోపలే కిడ్నీలను, మెదడును, గుండెను, రక్తనాళాలను, కళ్లను
దెబ్బతీసేస్తుంది. కాబట్టి తరచూ బీపీ పరీక్ష తప్పనిసరి.
* ఏడాదికి ఒకసారైనా రక్తంలో చక్కెర స్థాయులు ఎలా ఉన్నాయి? మధుమేహ ఛాయలేమైనా కనబడుతున్నాయా? అన్నది చూసుకోవాలి. దీనివల్ల ఒకవేళ మదుమేహం ముందస్తు దశలో ఉంటే.. అది పూర్తిస్థాయి మధుమేహంగా మారకుండా
జాగ్రత్తలు తీసుకోవచ్చు.
* కనీసం ఏడాదికి ఒకసారైనా రక్తంలో కొలెస్ట్రాల్ పరీక్ష చేయించుకుని అవి ఏ స్థాయిలో ఉన్నాయో చూసుకోవాలి. కొలెస్ట్రాల్ను అదుపులో ఉంచుకుంటే గుండెజబ్బుల వంటివి నివారించుకోవచ్చు.
* 40 ఏళ్లు దాటిన తర్వాత స్త్రీలు తరచుగా పాప్ స్మియర్, మామోగ్రామ్ పరీక్షలు చేయించుకోవటం అవసరం. దీంతో గర్భాశయ ముఖద్వార, రొమ్ము క్యాన్సర్లను చాలా ముందుగా పసిగట్టే అవకాశం ఉంటుంది. మలివయసు పురుషులు క్రమం
తప్పకుండా పీఎస్ఏ పరీక్ష చేయించుకోవటం ద్వారా ప్రోస్టేట్ క్యాన్సర్ను ముందుగానే పట్టుకోవచ్చు.
ఒత్తిడి ఎంతటి వారినైనా చిత్తు చేస్తుంది. ఇది కేవలం భావోద్వేగాలను దెబ్బతీయటమే కాదు. వూబకాయం, గుండెజబ్బు, అల్జీమర్స్, మధుమేహం, కుంగుబాటు, ఆస్థమా వంటి రకరకాల జబ్బులనూ ప్రేరేపిస్తుంది. |
వ్యక్తిగత పరిశుభ్రతను పాటిస్తే వ్యాధులను నివారించుకోవచ్చు. |
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
నేటి రాశి ఫలాలు.. 12 రాశుల ఫలితాలు ఇలా... (27/04/24)
-
విరాట్ - హార్దిక్కు నో ఛాన్స్.. ఈ లఖ్నవూ స్టార్కు ప్లేస్: భారత మాజీ క్రికెటర్
-
ఏడాదికి ‘రెండు సార్లు’ సీబీఎస్ఈ బోర్డు పరీక్షలు.. 2025 నుంచే!
-
అనుపమ ‘పరదా’.. అదితి ఆన్డ్యూటీ.. భూమీ భలే డ్రెస్సు!
-
బిగ్ సేవింగ్ డేస్ సేల్కు సిద్ధమైన ఫ్లిప్కార్ట్.. ఎప్పటినుంచంటే?
-
‘పుష్ప’ కేశవ రోల్కు సుహాస్ని అనుకున్నాం.. కానీ!: సుకుమార్