నైలు నదికి మూలం... ఆఫ్రికా ముత్యం!

నైలు నదికి మూలం... ఆఫ్రికా ముత్యం!
ఉగాండా

* ఉగాండా అనే పేరు బుగాండా రాజ్యం పేరు మీదుగా వచ్చింది.
* 1962లో బ్రిటిష్‌ పరిపాలన నుంచి స్వాతంత్య్రం పొందిందిది.
* ప్రపంచంలో అతి పొడవైన నైలు నది పుట్టింది ఈ దేశంలోనే.
* ఈ దేశానికి జాతీయ పుష్పం లేదు.

* 1700 నుంచి 2,300 సంవత్సరాల క్రితం వరకు ఉగాండా ప్రజలకు వేటే జీవనాధారం.

* ఉగాండా... తూర్పు ఆఫ్రికాలోని ఓ దేశం. ఉత్తరాన దక్షిణ సూడాన్‌, తూర్పున కెన్యా, దక్షిణాన టాంజానియా, పశ్చిమాన కాంగో దేశాలు దీనికి సరిహద్దులు.
* చుట్టూ భూభాగాలతో ఉన్న దేశాల్లో ఇది ప్రపంచంలో రెండో అతిపెద్ద దేశం.
* ఈ దేశంలో ఎక్కడపడితే అక్కడ నడవడానికి వీలు ఉండదు. కొన్ని ప్రదేశాల్లో నడకకు అనుమతించరు.
* ఇక్కడ స్థానికంగా మాట్లాడే భాషల సంఖ్య 30 కన్నా ఎక్కువ.

* చాలా వూళ్లలో ప్రయాణికుల కోసం ‘బోడా బోడా’ అనే మోటార్‌ సైకిల్‌ టాక్సీలు ఉంటాయి. ఇవి అత్యంత వేగంగా దూసుకెళుతూ కొత్త వారిని చాలా భయపెట్టేలా ఉంటాయి.

* ఉగాండాను ‘ఆఫ్రికా ముత్యం’ అనే ముద్దుపేరుతో పిలుస్తారు.
* యువజనాభా ఎక్కువున్న దేశాల్లో ఇదొకటి. జనాభా మొత్తంలో 70 శాతం మంది 25 సంవత్సరాల లోపున్నవారే.
* ప్రపంచం మొత్తంలో ఉన్న 880 మౌంటెన్‌ గొరిల్లాల్లో సగం ఈ దేశంలోనే ఉన్నాయి.
* ఉగాండా మంచి పర్యటక ప్రాంతంగా పేరు తెచ్చుకుంది. ఏటా ఇక్కడికి వచ్చే వారి సంఖ్య పది లక్షలకుపైనే.
* ఇక్కడ ఆడవాళ్లు పొట్టి దుస్తులను వేసుకోవడం తప్పుగా భావిస్తారు.

జెండా: నలుపు, పసుపు, ఎరుపు రంగులు ఉగాండా ప్రజలకూ, సూర్యకాంతికీ, ప్రజల మధ్య ఉండే సోదరభావానికీ సూచికలు.

* ఈ దేశ ప్రజలు చెట్లను ఎక్కువగా ఇష్టపడతారు. చెట్లను నరికివేస్తే ఓ ప్రత్యేక నిబంధన కూడా పెట్టుకున్నారు. ఒక చెట్టు నరికివేతకు తప్పకుండా మూడు మొక్కలు నాటాల్సిందే.
* రకరకాల అరటిపండ్లు పండుతాయిక్కడ. అనాస పండ్లకు ఈ దేశం ప్రసిద్ధి.