‘దొంగ దొంగ‌’... అనే అరుపులు వినపడవిక్కడ!

‘దొంగ దొంగ‌’...
అనే అరుపులు వినపడవిక్కడ!
అండోరా

* అండోరా... యూరప్‌లోని ఒక చిన్న దేశం. ఇది పైరెనీస్‌ పర్వతాలకు తూర్పున ఉంటుంది. స్పెయిన్‌, ఫ్రాన్స్‌ దేశాలు సరిహద్దులు.

* జెండా: జెండా రంగులన్నీ ఫ్రాన్స్‌, స్పెయిన్‌ దేశాల నుంచి పొందిన స్వాతంత్య్రానికి గుర్తులు. నీలం, ఎరుపు ఫ్రాన్స్‌ నుంచి, ఎరుపు, పసుపు స్పెయిన్‌ నుంచి తీసుకున్నారు.
* ఈ దేశ సైనికులకు కేటాయించే బడ్జెట్‌ స్వచ్ఛంద విరాళాలపై ఆధారపడి ఉంటుంది.
* ఈ దేశ రాజధాని అండోరా లా వెల్లా యూరప్‌ మొత్తంలో ఎత్తయిన రాజధాని. సముద్రమట్టానికి 3,356 అడుగుల ఎత్తులో ఉంటుందిది.
* ఇక్కడ అక్షరాస్యత రేటు ఎక్కువ.
* ఇదో మంచి పర్యటక ప్రాంతం. గత ఏడాది కోటి మందికిపైగా పర్యటకులు సందర్శించారీ దేశాన్ని.

* ఇక్కడ కేవలం 2 శాతం భూమిని వ్యవసాయానికి ఉపయోగిస్తారు. ఎక్కువ భాగం ఆహారం ఇతర దేశాల నుంచి దిగుమతి చేసుకుంటారు.
* ఈ దేశంలో విమానాశ్రయాలు, రైల్వే లైన్లు లేవు. రోడ్డు మార్గం ఎక్కువగా వాడుతారు.

* ప్రపంచంలో సురక్షితమైన దేశాల్లో ఇదీ ఒకటి. ఇక్కడ దొంగతనాలు చాలా చాలా తక్కువ. జేబు దొంగలు అసలు ఉండరట.
* కాటలాన్‌ ఈ దేశ అధికారిక భాష. ప్రజలు ఫ్రెంచ్‌ కూడా ఎక్కువగా మాట్లాడుతుంటారు.
* కొన్ని సర్వేల ప్రకారం ఈ దేశం ప్రాచీన దేశాల్లో 14వ స్థానంలో ఉంది.

* దేశం: అండోరా రాజధాని: అండోరా లా వెల్లా జనాభా: 85,470 విస్తీర్ణం: 467.63 చదరపు కిలోమీటర్లు కరెన్సీ: యూరో అధికారిక భాషలు: కాటలాన్‌, స్పానిష్‌, పోర్చుగీస్‌, ఫ్రెంచ్‌

* అండోరా అనే పదం అరబిక్‌ భాషలోని అల్‌దురా అనే పదం నుంచి వచ్చిందట. దీనర్థం ‘ముత్యం’ అని.
* కుటుంబ యజమానిగా ఉండే మగవారి దగ్గర ఆత్మరక్షణ కోసం చట్ట ప్రకారం తుపాకీ ఉండొచ్చు.