కుండ నీళ్లే శ్రేష్ఠం!

ఎండలు మండుతున్నాయి కదూ! ఈ వేడి నుంచి సేద తీరాలి, డీహైడ్రేషన్‌ బారిన పడకూడదంటే కుండనీళ్లు తాగాలి! ఎందుకంటారా..

•  కుండ నీళ్లలో సహజసిద్ధంగా పొటాషియం, కాల్షియం, మెగ్నీషియం.. మొదలైనవి విడుదలై శరీరానికి మేలు చేస్తాయి.
•  వేసవిలో వడదెబ్బ సాధారణ సమస్య.  మట్టి కుండలోని ఖనిజాలు వడదెబ్బను నిరోధిస్తాయి.
• మనం తినే ఆహారం ఆమ్లంగా మారి శరీరంలో విషాన్ని సృష్టిస్తుంటుంది. ఆల్కలిన్‌ స్వభావం కలిగిన కుండ నీళ్లు దాన్ని నివారిస్తాయి.ఎసిడిటీ, గ్యాస్ట్రిక్‌ సమస్యల నుంచి ఉపశమనం కలిగిస్తాయి.
• ప్లాస్టిక్‌ బాటిళ్లలోని ఫ్రిజ్‌ నీళ్లు హాని చేస్తాయి. రసాయనాల్లేని కుండనీరే శ్రేష్ఠం. ఈ నీటితో నాలుక తడారిపోవడం, కడుపులో మంట, అజీర్ణం లాంటి సమస్యలు తలెత్తవు.
• కుండ నీరు శరీరంలో సమతుల్యతకు దోహదం చేస్తుంది. జీవక్రియను పెంచుతుంది. కుండలో నీళ్లు కొద్దికొద్దిగా ఆవిరవడం వల్ల చుట్టూ వాతావరణం కొంత చల్లబడుతుంది. కరెంట్‌ సాయంతో గాక.. సహజంగా చల్లబడే కుండనీరు దాహం తీర్చి, ఉపశమనం కలిగిస్తుంది. స్వచ్ఛంగా, తాజాగా ఉండే ఈ నీటికి ప్రత్యేక రుచి, వాసన తోడవుతాయి కూడా.