బాధితులకు 25 కిలోల చొప్పున బియ్యం, నిత్యావసరాలు

మత్స్యకారులకు 50 కిలోల చొప్పున..

పశ్చిమ గోదావరి జిల్లా నరసాపురం మండలం పెదమైనవానిలంకలో పునరావాస కేంద్రంలో బాధితులతో కలిసి భోజనం చేస్తున్న కలెక్టర్‌ నాగరాణి

ఈనాడు, అమరావతి: తుపాను ప్రభావిత ప్రాంతాల్లో వరద ముంపునకు గురైన మత్స్యకార కుటుంబాలకు 50 కిలోల చొప్పున బియ్యం, నిత్యావసరాల్ని ఉచితంగా పంపిణీ చేయాలని అధికారులను ప్రభుత్వం ఆదేశించింది. పునరావాస కేంద్రాలకు వచ్చిన ఇతర కుటుంబాలకు కూడా 25 కిలోల చొప్పున బియ్యం అందించాలని సూచించింది. ఈ మేరకు రెవెన్యూ (విపత్తుల నిర్వహణ) శాఖ ఇన్‌ఛార్జ్‌ ప్రత్యేక ప్రధాన కార్యదర్శి సాయిప్రసాద్‌ బుధవారం ఉత్తర్వులు జారీ చేశారు. జిల్లా కలెక్టర్లతో సమన్వయం చేసుకుంటూ నిత్యావసరాల పంపిణీకి చర్యలు తీసుకోవాలని మార్కెటింగ్‌ శాఖ డైరెక్టర్‌కు సూచించారు.

గుంటూరు జిల్లా అబ్బినేనిగుంటపాలెం వద్ద తుపాను ప్రభావిత ప్రాంతాలను పరిశీలించేందుకు ట్రాక్టర్‌పై వెళుతున్న కలెక్టర్‌ తమీమ్‌ అన్సారియా, ఆర్డీఓ శ్రీనివాసరావు