ఐఫోన్‌ 15, శాంసంగ్‌ ఎం34 5జీ ఫోన్లపై డిస్కౌంట్‌

iPhone- Samsung Galaxy | ఇంటర్నెట్‌డెస్క్‌: యాపిల్‌ లేటెస్ట్‌ వెర్షన్‌ ఫోన్‌ ఐఫోన్‌ 15 (iPhone 15)పై ఆ కంపెనీ తగ్గింపును ప్రకటించింది. దీంతో పాటు ప్రముఖ మొబైల్‌ తయారీ కంపెనీ శాంసంగ్‌ కూడా తన గెలాక్సీ ఎం34 5జీ (Samsung Galaxy M34 5G)పై పెద్దఎత్తున డిస్కౌంట్‌ అందిస్తోంది. ప్రముఖ ఈ- కామర్స్‌ ప్లాట్‌ఫామ్‌ అమెజాన్‌ (Amazon)లో ఈ తగ్గింపు ధరలు కనిపిస్తున్నాయి.

ఐఫోన్‌ 15పై యాపిల్ 11 శాతం డిస్కౌంట్‌ అందిస్తోంది. దీని ఎమ్మార్పీ రూ.79,900 ఉండగా.. తగ్గింపుతో రూ.71,290కే లభిస్తోంది. 6.1 అంగుళాల సూపర్‌ రెటినా ఎక్స్‌డీఆర్‌ డిస్‌ప్లే, డైనమిక్‌ ఐలాండ్‌తో కూడిన కొత్త నాచ్‌ డిస్‌ప్లేతో వస్తున్న ఈ ఫోన్‌లో వెనకవైపు 48 ఎంపీ కెమెరా ఇచ్చారు. ఏ16 బయోనిక్‌ చిప్‌, ఆండ్రాయిడ్‌ ఫోన్లలో ఉండే యూఎస్‌బీ-సీ పోర్ట్‌తో కూడిన ఛార్జింగ్‌ సదుపాయం ఉంది.

గో డిజిట్‌ లిస్టింగ్‌: విరుష్క జోడీకి జాక్‌పాట్‌.. పెట్టుబడి నాలుగింతలు

శాంసంగ్‌ తన గెలాక్సీ ఎం34 5జీపై గణనీయమైన డిస్కౌంట్‌ ప్రకటించింది. 6జీబీ+128జీబీ వేరియంట్‌ రూ.12,999కే లభిస్తోంది. ఎంపిక చేసిన బ్యాంక్‌ క్రెడిట్‌ కార్డు ద్వారా కొనుగోలు చేస్తే మరో రూ.1,299 ఇన్‌స్టంట్‌ డిస్కౌంట్‌ అదనం. అంటే ఈ మొబైల్‌ కేవలం రూ.11,700కే కొనుగోలు చేయొచ్చన్నమాట. లాంచ్‌ సమయంలో దీని ధరను కంపెనీ రూ.16,999గా పేర్కొంది. ఈ ఫోన్‌ ఆండ్రాయిడ్‌ 13తో కూడిన వన్‌యూఐ 5తో వస్తోంది. 50 ఎంపీ ప్రధాన కెమెరా, ముందు వైపు సెల్ఫీల కోసం 13 ఎంపీ కెమెరా ఉంటుంది. 6000mAh బ్యాటరీ, 25W ఫాస్ట్‌ ఛార్జింగ్‌కు ఈ ఫోన్‌ సపోర్ట్‌ చేస్తుంది.