25న జిల్లాస్థాయి అథ్లెటిక్స్ ఎంపిక పోటీలు

ఆదిలాబాద్ క్రీడావిభాగం: జిల్లా కేంద్రంలోని ఇందిరా ప్రియదర్శిని క్రీడా ప్రాంగణంలో ఈ నెల 25న ఉదయం 8 గంటలకు జిల్లా స్థాయి అథ్లెటిక్స్ ఎంపిక పోటీలు నిర్వహించనున్నారు. ఈ మేరకు జిల్లా అథ్లెటిక్స్ సంఘం అధ్యక్ష, ప్రధాన కార్యదర్శులు అడ్డి భోజారెడ్డి, పి.రాజేష్ తెలిపారు. అండర్-14, 16, 18, 20 ఏళ్ల విభాగం బాలబాలికలు, సీనియర్ మహిళలు, పురుషులకు వేరువేరుగా పోటీలు ఉంటాయన్నారు. ఆసక్తి, అర్హత ఉన్న క్రీడాకారులు తమ వయసు ధ్రువీకరణ పత్రంతో హాజరు కావాలన్నారు. జిల్లా స్థాయికి ఎంపికైన క్రీడాకారులు ఈనెల 28 నుంచి సూర్యాపేటలో నిర్వహించే రాష్ట్రస్థాయి అథ్లెటిక్స్ పోటీల్లో పాల్గొంటారని తెలిపారు.