బేతుపల్లి అంకమ్మతల్లి తిరునాళ్లకు ఏర్పాట్లు పూర్తి

సత్తుపల్లి, న్యూస్‌టుడే: ఉమ్మడి ఖమ్మం జిల్లా ప్రజలు అత్యంత భక్తిశ్రద్ధలతో జరుపుకునే బేతుపల్లి అంకమ్మ తల్లి తిరునాళ్ల ఏర్పాట్లు పూర్తయ్యాయి. అమ్మవారిని ఊరేగించే రథాలను సిద్ధం చేశారు. ఆలయ చుట్టు పక్కల దుకాణ సముదాయాల ఏర్పాటుకు అన్ని పనులను పూర్తి చేశారు. ఈనెల 19న మైలపట్నం, పుట్టబంగారం కార్యక్రమాలతోపాటు 20న జల బిందెలు, పూల కప్పెర, 21న రెడకప్పెర, 22న గ్రామ ప్రభబండి ఊరేగింపు, 23న గండ దీపాలు, అగ్నిగుండ ప్రవేశం, పెద్దతిరునాలను నిర్వహించనున్నారు. 24న బద్దెగొర్రె, చంద్రపట్నం, అదే రోజు రాత్రి సాంస్కృతిక కార్యక్రమాలను నిర్వహించి తిరునాళ్లను ముగించనున్నారు.