3 చోట్ల తొలిసారి విజయం

ఈనాడు, హైదరాబాద్‌: భారాసకు ఇప్పటికీ రాష్ట్రంలో 6 స్థానాలు కొరుకుడు పడలేదు. 2001లో పార్టీ ఆవిర్భవించగా  అప్పటి నుంచి సాధారణ, ఉప ఎన్నికలు ఎన్నింటినో ఎదుర్కొంది. గోషామహల్‌, ఉమ్మడి ఖమ్మం జిల్లాలోని మధిర, పినపాక, ఇల్లెందు, సత్తుపల్లి, అశ్వారావుపేటలలో పార్టీ పోటీ చేస్తూనే ఉన్నా ఇప్పటి వరకు గెలవలేదు.

తొలిసారి గెలిచినవి

మహేశ్వరం: రంగారెడ్డి జిల్లాలోని ఈ నియోజకవర్గంలో  2018లో కాంగ్రెస్‌ నుంచి గెలిచి భారాసలో చేరిన సబితారెడ్డికే  ప్రస్తుత ఎన్నికల్లో టికెట్‌ ఇవ్వడంతో విజయం దక్కింది.

ఎల్బీనగర్‌ : 2014, 2018లలో ఓటమి ఎదురయింది. కాంగ్రెస్‌ నుంచి గెలిచి పార్టీలో చేరిన దేవిరెడ్డి సుధీర్‌రెడ్డికి ఈ ఎన్నికల్లో సీటు కేటాయించగా విజయం వరించింది.

భద్రాచలం: భద్రాద్రి కొత్తగూడెం జిల్లాలోని ఈ నియోజకవర్గంలో తొలిసారి విజయం వరించింది. పార్టీ అభ్యర్థి తెల్లం వెంకట్రావు విజయం సాధించారు.