మధ్యప్రదేశ్‌ ఎన్నికల్లో విజయం సాధించిన కమలేశ్వర్‌ డొడియార్‌ అనే ఎమ్మెల్యే బైక్‌పై అసెంబ్లీకి వెళ్లారు. ద్విచక్రవాహనం ముందు భాగంలో ఎమ్మెల్యే స్టిక్కర్‌ అతికించుకొని 330 కి.మీ. ప్రయాణించి అసెంబ్లీ అధికారులకు తన విజయ ధ్రువీకరణ పత్రాలను సమర్పించారు. స్వస్థలం రత్లాం జిల్లా సైలానా నుంచి భోపాల్‌కు ఆయన బైక్‌పై వచ్చారు. తనకు కారు కొనే స్తోమత లేదని, సొంత బైకు కూడా లేదని,  తన బంధువు ద్విచక్ర వాహనాన్ని తీసుకొని వచ్చినట్లు చెప్పారు. లా చదివిన కమలేశ్వర్‌.. భారతీయ ఆదివాసీ పార్టీ తరఫున ఎమ్మెల్యేగా ఎన్నికయ్యారు. ఆ పార్టీ తరఫున గెలిచిన ఏకైక అభ్యర్థి ఆయనే కావడం విశేషం.