హైదరాబాద్: ముఖ్యమంత్రి కేసీఆర్‌ చెబుతున్నట్లుగా రైతుబంధు ఆపాలని తానెక్కడా ఫిర్యాదు చేయలేదని టీపీసీసీ మాజీ చీఫ్‌, కాంగ్రెస్‌ ఎంపీ ఉత్తమ్‌కుమార్‌ రెడ్డి స్పష్టం చేశారు. ఓటమి భయంతో సీఎం కేసీఆర్‌ సహా భారాస నేతలు తమ పార్టీపై  దుష్ప్రచారం చేస్తున్నారని విమర్శించారు. హైదరాబాద్‌లో నిర్వహించిన మీడియా సమావేశంలో ఉత్తమ్‌ మాట్లాడారు.

 రైతుబంధుతో పాటు ఇతర పథకాలను నామినేషన్‌ ప్రక్రియలోపు  ఇవ్వాలని  మాత్రమే తాము కోరినట్లు వివరించారు. 24గంటల కరెంట్‌ సహా ఇతర అంశాలపై కేసీఆర్‌ చేస్తున్న ప్రచారాన్ని ప్రజలు నమ్మొద్దని ఆయన కోరారు. కాంగ్రెస్‌ అధికారంలోకి వచ్చాక మేనిఫెస్టోలో చెప్పిన ప్రతి కార్యక్రమాన్ని అమలు చేసి తీరుతామని ఉత్తమ్‌ వెల్లడించారు.