హైదరాబాద్‌: తెలంగాణలో పోలింగ్‌ ముగియడంతో వివిధ సంస్థలు తమ ఎగ్జిట్‌ పోల్‌ అంచనాలను వెల్లడించారు. కాంగ్రెస్‌ పార్టీ ఈసారి అత్యధిక స్థానాలు కైవసం చేసుకునే అవకాశముందని వెల్లడించాయి.

ఆరా ప్రీ పోల్‌ అంచనాలు..

* భారాసకు 41 నుంచి 49, కాంగ్రెస్‌కు 48 నుంచి 67 స్థానాలు,  భాజపా 5 నుంచి 7 స్థానాలు వచ్చే అవకాశముందని తెలిపింది. ఇతరులు రెండు స్థానాల్లో గెలిచే అవకాశముందన్నారు. ఎంఐఎం 6 నుంచి 7 స్థానాల్లో గెలిచే అవకాశముందని పేర్కొన్నారు.

చాణక్య స్ట్రాటజీస్‌ ఎగ్జిట్‌ పోల్‌..

* భారాస 22 నుంచి 31 స్థానాలు, కాంగ్రెస్‌ 67 నుంచి 78, భాజపా 6 నుంచి 9 స్థానాలు, ఎంఐఎం 6-7 స్థానాలు కైవసం చేసుకునే అవకాశముందని చాణక్య స్ట్రాటజీస్‌ ఎగ్జిట్‌ పోల్‌ అంచనాలను వెల్లడించింది.

జన్‌కీబాత్‌..

* భారాస 40 నుంచి 55 స్థానాలు, కాంగ్రెస్‌ 48 నుంచి 64 స్థానాలు, భాజపా 7 నుంచి 13 స్థానాలు, ఎంఐఎం 4 నుంచి 7 స్థానాల్లో గెలిచే అవకాశముందని జన్‌కీబాత్‌ ఎగ్జిట్‌పోల్‌ తెలిపింది.

సీఎన్‌ఎన్‌ ఎగ్జిట్‌ పోల్‌..

* భారాస 48, కాంగ్రెస్‌ 56, భాజపా 10, ఎంఐఎం 5 స్థానాల్లో విజయం సాధించే అవకాశముందని సీఎన్‌ఎన్‌ ఎగ్జిట్‌లో తెలిపింది.

పీపుల్స్‌ పల్స్‌ ..

* కాంగ్రెస్‌ 62 నుంచి 72 స్థానాల్లో, భారాస 35 నుంచి 46 స్థానాల్లో, ఏఐఎంఐఎం 6 నుంచి 7 స్థానాల్లో, భాజపా 3 నుంచి 8 స్థానాల్లో, ఇతరులు ఒకటి నుంచి రెండు స్థానాల్లో గెలుపొందే అవకాశముందని పీపుల్స్‌ పల్స్‌ ఎగ్జిట్‌ పోల్‌ అంచానా వేసింది.