Vangaveeti Radha: నిరాడంబరంగా వంగవీటి రాధా నిశ్చితార్థం

నరసాపురం: తెదేపా నేత, మాజీ ఎమ్మెల్యే వంగవీటి రాధాకృష్ణ (రాధా) నిశ్చితార్థ వేడుక నిరాడంబరంగా జరిగింది. పశ్చిమగోదావరి జిల్లా నరసాపురం మున్సిపల్‌ మాజీ ఛైర్‌ పర్సన్‌ జక్కం అమ్మానీ, బాబ్జీ దంపతుల ద్వితీయ కుమార్తె పుష్పవల్లితో రాధా నిశ్చితార్థ వేడుక ఆదివారం నరసాపురంలో జరిగింది. ఈ వేడుకకు రెండు కుటుంబాలకు చెందిన ముఖ్యమైన బంధువులు, నరసాపురం ప్రాంతానికి చెందిన కొంతమంది ముఖ్య నాయకులనే మాత్రమే ఆహ్వానించారు.

అక్టోబరు 22వ తేదీ సాయంత్రం 7.59 గంటలకు వీరి వివాహం జరిపించేందుకు ముహూర్తం నిర్ణయించారు. నిశ్చితార్థ వేడుకకు ప్రభుత్వ చీఫ్‌విప్‌ ముదునూరి ప్రసాదరాజు, మాజీ మంత్రి కొత్తపల్లి సుబ్బరాయుడు, మాజీ ఎమ్మెల్యే బండారు మాధవ నాయుడు, జనసేన పార్టీ నరసాపురం ఇన్‌ఛార్జి బొమ్మిడి నాయకర్‌తో పాటు పలువురు రాజకీయ ప్రముఖులు హాజరయ్యారు.