Hyderabad: మళ్లీ భూముల వేలం.. ఈసారి 3 జిల్లాలతో HMDA జాబితా

హైదరాబాద్: మరోసారి భూముల ఈ-వేలానికి హెచ్‌ఎండీఏ సిద్ధమైంది. రంగారెడ్డి, మేడ్చల్‌ - మల్కాజ్‌గిరి, సంగారెడ్డి జిల్లాల్లో భూముల విక్రయానికి నోటిఫికేషన్‌ జారీ చేసింది. రంగారెడ్డిలోని బైరాగిగూడ, మంచిరేవుల, కోకాపేట, నల్లగండ్ల, బుద్వేల్‌, చందానగర్‌, పీరంచెరువు.. మేడ్చల్‌ - మల్కాజ్‌గిరిలోని బాచుపల్లి, బౌరంపేట, చెంగిచెర్ల, సూరారం.. సంగారెడ్డిలో వెలిమల, నందిగాయ, అమీన్‌పూర్‌, పతిఘనపూర్‌, కిష్టారెడ్డిపేట ప్రాంతాల్లోని భూములను విక్రయించనుంది. 

చదరపు గజానికి కనీస ధర ₹12వేలు, గరిష్ఠ ధర ₹65వేలుగా నిర్ణయించారు. ప్లాట్ల విస్తీర్ణం 302 చదరపు గజాల నుంచి 8,591 చదరపు గజాల వరకు ఉన్నాయి. రిజిస్ట్రేషన్‌కు చివరి తేదీ ఆగస్టు 16 కాగా.. 18 నుంచి ఈవేలం నిర్వహించనున్నారు. పూర్తి వివరాలను అధికారిక వెబ్‌సైట్‌ https://www.hmda.gov.in/auctions/లో చూడొచ్చు.