Raashii Khanna: గోద్రా రైలులోని రహస్యాలు బయటపడేది ఆ రోజే

గోద్రా రైలు దహనకాండ ఆధారంగా రూపొందుతున్న చిత్రం ‘ది సబర్మతీ రిపోర్ట్‌’. బాలీవుడ్‌ కథానాయకుడు విక్రాంత్‌ మాస్సే, రాశీ ఖన్నా జంటగా నటిస్తున్నారు. రంజన్‌ చందేల్‌ తెరకెక్కిస్తున్నారు. ఇటీవలే ఈ సినిమా చిత్రీకరణ పూర్తి చేసుకున్నట్లు తెలిపింది చిత్రబృందం. తాజాగా ఈ సినిమా విడుదల తేదీని తెలుపుతూ.. సామాజిక మాధ్యమాల వేదికగా ఓ ఫొటోను పంచుకుంది రాశి. ‘‘ఎంతో మంది జీవితాలను తలకిందులుగా చేసిన సంఘటనలోని రహస్యాలను, నిజానిజాల్ని ఆగస్టు 2న విడుదల కాబోతున్న ‘ది సబర్మతీ రిపోర్ట్‌’లో చూడడానికి సిద్ధంగా ఉండండి’’ అని వ్యాఖ్యల్ని జోడించింది. 2002 ఫిబ్రవరి 27న జరిగిన ఈ దుర్ఘటనలో 59మంది ప్రాణాలను కోల్పోయారు. ఇందులో జర్నలిస్ట్‌ సమర్‌ కుమార్‌ పాత్రలో కనిపించనున్నాడు విక్రాంత్‌.