Polimera 2: అరుదైన ఘనత సాధించిన ‘పొలిమేర2’.. ఆనందంతో దర్శకుడి పోస్ట్‌

ఇంటర్నెట్‌ డెస్క్‌: చిన్న సినిమాగా విడుదలై మంచి ప్రేక్షకాదరణ సొంతం చేసుకుంది  ‘మా ఊరి పొలిమేర’. దీనికి కొనసాగింపుగా ‘పొలిమేర2’ (polimera 2)ను తెరకెక్కించారు. తాజాగా ఈ సీక్వెల్‌ అరుదైన ఘనతను సొంతం చేసుకుంది. సినీ ప్రపంచంలో ప్రతిష్ఠాత్మకంగా భావించే ‘దాదా సాహెబ్‌ ఫాల్కే ఫిల్మ్‌ ఫెస్టివల్‌’లో ఈ చిత్రాన్ని ప్రదర్శించనున్నారు. అధికారికంగా ఈ విషయం ప్రకటిస్తూ దర్శకుడు పోస్ట్‌ పెట్టారు. ‘ఎంతో ఆనందంగా ఉంది. ప్రేక్షకుల ఆదరణతోనే ఇది సాధ్యమైంది’ అని తెలిపారు. దీంతో నెటిజన్లు చిత్రబృందానికి శుభాకాంక్షలు చెబుతున్నారు. దిల్లీ వేదికగా త్వరలోనే ఈ అవార్డుల వేడుక జరగనుంది.

‘మా ఊరి పొలిమేర’లో సత్యం రాజేశ్‌, బాలాదిత్య, కామాక్షి భాస్కర్ల, గెటప్‌ శ్రీను ప్రధాన పాత్రలు పోషించారు .తొలి భాగం నేరుగా ఓటీటీ (డిస్నీ+హాట్‌స్టార్‌)లో విడుదల చేయగా రెండో భాగాన్ని థియేటర్లలో విడుదల చేసి కొత్త ట్రెండ్‌ క్రియేట్‌ చేశారు. చేతబడి ఇతివృత్తంగా ఈ రెండు సినిమాలను డాక్టర్‌ విశ్వనాథ్‌ తెరకెక్కించారు. ఈ క్రైమ్‌, సస్పెన్స్‌ థ్రిల్లర్‌ మూడో భాగం కూడా త్వరలోనే రానుంది.

రివ్యూ: ‘మా ఊరి పొలిమేర-2’.. భయపెట్టిందా.. లేదా?