Telangana News: కమిటీ నివేదిక తర్వాతే పీకే విషయంలో నిర్ణయం: భట్టి విక్రమార్క

హైదరాబాద్‌: రాజకీయ వ్యుహకర్త ప్రశాంత్‌ కిశోర్ విషయంలో కాంగ్రెస్‌ అధిష్ఠానం ఒక కమిటీ వేసిందని.. ఆ కమిటీ నివేదిక ఇచ్చిన తర్వాతే పార్టీ అధినేత్రి సోనియాగాంధీ నిర్ణయం తీసుకుంటారని సీఎల్పీ నేత భట్టి విక్రమార్క తెలిపారు. భాజపా ఎప్పుడూ తప్పుడు ఆరోపణలు చేస్తూనే ఉంటుందని.. కాంగ్రెస్‌లో ఎవరూ ఎలాంటి గందరగోళానికి గురికావాల్సిన అవసరం లేదన్నారు. కొందరు పనిగట్టుకుని కావాలనే ఆరోపణలు చేస్తున్నారని ఆగ్రహం వ్యక్తం చేశారు. మాణికం ఠాగూర్ చేసిన ట్వీట్‌లో శత్రువును నమ్మొద్దు అని అన్నారు కానీ ఆ శత్రువు ఎవరనే విషయం చెప్పలేదని.. అందులో తప్పేముందని భట్టి ప్రశ్నించారు.