20 నుంచి పవన్‌ రాష్ట్రవ్యాప్తంగా ప్రచారం

ఈనాడు డిజిటల్‌, అమరావతి: జనసేన అధినేత పవన్‌కల్యాణ్‌ ఎన్నికల ప్రచార షెడ్యూల్‌ ఖరారైంది. 22 రోజుల పాటు రాష్ట్రవ్యాప్తంగా వివిధ నియోజకవర్గాల్లో పవన్‌ పర్యటించనున్నారు. ఈనెల 20న పిఠాపురంలో తెదేపా అంతర్గత సమావేశంలో పాల్గొని, అనంతరం రాజానగరంలో నిర్వహించే బహిరంగ సభలో ప్రసంగిస్తారు.

•  21న భీమవరం, నర్సాపురం, 22న తాడేపల్లిగూడెం, ఉంగుటూరు ప్రచార సభల్లో పాల్గొంటారు. 
•  23న పిఠాపురంలో ఎమ్మెల్యే అభ్యర్థిగా నామినేషన్‌ వేస్తారు. అనంతరం ఉప్పాడ బహిరంగ సభలో పాల్గొంటారు. 
•  24న రాజంపేట, రైల్వే కోడూరులో తెదేపా అధినేత చంద్రబాబుతో కలిసి ప్రచారం చేస్తారు. 25 నాటి షెడ్యూల్‌ ఖరారు కాలేదు.
•  26న రాజోలు, రామచంద్రాపురం, 27న పెద్దాపురం, కాకినాడ గ్రామీణం, 28న జగ్గంపేట, ప్రత్తిపాడులో ప్రచారం చేస్తారు.
•  29న తిరుపతి, 30న పోలవరం నియోజకవర్గాల్లో జనసేన అభ్యర్థుల తరఫున ప్రచార సభలు నిర్వహిస్తారు.
•  ఏప్రిల్‌ 1న యలమంచిలి, పెందుర్తి, 2న విశాఖ దక్షిణం స్థానాల్లో పర్యటిస్తారు.
• 3న నెల్లిమర్ల, పాలకొండ, 4న తుని, పిఠాపురం, 5న గుడివాడ, పామర్రు, 6న రేపల్లే, అవనిగడ్డ, 7న గన్నవరం, పెనమలూరు ప్రచార సభల్లో ప్రసంగిస్తారు. 8, 9 తేదీల షెడ్యూల్‌ ఖరారు కాలేదు.
• 10న పిఠాపురంలో మరోసారి రోడ్డు షోలో పాల్గొని, అనంతరం సభలో ప్రసంగిస్తారు.
•  ప్రచారం చివరి రోజైన 11న కాకినాడ గ్రామీణంలో రోడ్డు షో నిర్వహిస్తారు.