వైఎస్సార్‌ వ్యక్తి పేరా? పార్టీ పేరా?

అభ్యంతరం తెలుపుతూ ఈసీకి విశాఖ కార్పొరేటర్‌ ఫిర్యాదు

మద్దిలపాలెం (విశాఖపట్నం), న్యూస్‌టుడే: ప్రభుత్వ పథకాలకు ‘ఎదుగురి సందింటి రాజశేఖరరెడ్డి’ అని పూర్తి పేరు పెట్టాలి గాని వైఎస్సార్‌ అని పెట్టడంవల్ల అది వైఎస్సార్‌ కాంగ్రెస్‌ పార్టీని ప్రభావితం చేస్తోందని పేర్కొంటూ విశాఖ నగర జనసేన కార్పొరేటర్‌ పీతల మూర్తి యాదవ్‌ ఎన్నికల సంఘానికి ఫిర్యాదు చేశారు. ఎన్టీఆర్‌ ఆరోగ్య విశ్వవిద్యాలయానికి వైఎస్సార్‌ హెల్త్‌ యూనివర్సిటీగా మార్చి పార్టీ పేరు సూచించే విధంగా ప్రజలను ప్రభావితం చేస్తోందని పేర్కొన్నారు. దీనిపై అభ్యంతరం వ్యక్తం చేస్తూ.. ఎన్నికల సంఘానికి శనివారం ఫిర్యాదు చేశామనిచెప్పారు. రాష్ట్రంలో అధికారంలో ఉన్న వైఎస్సార్‌ కాంగ్రెస్‌ పార్టీ తమ పార్టీ పేరు సూచించే విధంగా 55 ప్రభుత్వ పథకాలకు పేరు పెట్టిందని తెలిపారు.