Nara Lokesh: శనివారం నుంచి లోకేశ్‌ పాదయాత్ర .. ఘన స్వాగతం పలికిన పార్టీ శ్రేణులు

కాకినాడ: మిగ్‌జాం తుపాను కారణంగా యువగళం పాదయాత్రకు విరామం ప్రకటించిన తెదేపా జాతీయ ప్రధాన కార్యదర్శి నారా లోకేశ్‌ శనివారం నుంచి తిరిగి ప్రారంభించనున్నారు. నారా లోకేశ్‌ శుక్రవారం రాత్రి కాకినాడ జిల్లా యు.కొత్తపల్లి మంలడం శీలంవారిపాకల చేరుకున్నారు. ఈ సందర్భంగా ఆయనకు తెదేపా శ్రేణులు ఘన స్వాగతం పలికారు. శీలంవారిపాకలు జంక్షన్‌ నుంచి 217వ రోజు పాదయాత్ర ప్రారంభంకానుంది.. పాదయాత్ర తుని అసెంబ్లీ నియోజకవర్గంలోకి ప్రవేశించనుంది. ఈ సందర్భంగా కాకినాడ సెజ్‌ బాధిత రైతులతో లోకేశ్‌ సమావేశం కానున్నారు. పెరుమాళ్లపురం దివీస్‌ ఫ్యాక్టరీ వద్ద స్థానికులతో, ఒంటిమామిడి కొత్తపాకల వద్ద ఆక్వారైతులతో సమావేశం నిర్వహించనున్నారు. సాయంత్రం ఒంటిమామిడి వద్ద విడిది కేంద్రంలో బస చేయనున్నారు.