World Cup: ప్రపంచకప్‌ టికెట్ల నమోదు షురూ

దుబాయ్‌: అభిమానులు అత్యంత ఆసక్తితో ఎదురు చూస్తున్న వన్డే ప్రపంచకప్‌ టికెట్ల నమోదు మొదలైంది. ఆగస్టు 25న ఆరంభమయ్యే టికెట్ల అమ్మకాలకు ముందు అభిమానులు ముందుగా రిజిస్ట్రేషన్‌ చేసుకోవాలని ఐసీసీ కోరింది. మంగళవారమే ఈ రిజిస్ట్రేషన్‌ లింక్‌ అందుబాటులోకి వచ్చింది. https:///www.cricketworldcup.com/rgister లింక్‌ను క్లిక్‌ చేసి అభిమానులు ఈ ప్రక్రియను పూర్తి చేయాలి. ఆగస్టు 25న భారతేతర వార్మప్‌, ఇతర జట్ల టోర్నీ మ్యాచ్‌లకు టికెట్లు అమ్ముతారు. ఆ తర్వాత గువాహాటి, తిరువనంతపురం (ఆగస్టు 30), చెన్నై, దిల్లీ, పుణె (ఆగస్టు 31), ధర్మశాల, లఖ్‌నవూ, ముంబయి (సెప్టెంబర్‌ 1), బెంగళూరు, కోల్‌కతా (సెప్టెంబర్‌ 2), అహ్మదాబాద్‌ (సెప్టెంబర్‌ 3)లో జరిగే టీమ్‌ఇండియా మ్యాచ్‌ల టికెట్లు అందుబాటులోకి వస్తాయి. 15న సెమీఫైనల్‌, ఫైనల్‌ టికెట్లు కొనుక్కోవచ్చు.