Breaking | Feedback | ePratibha | E-PAPER | Pratibha

ICC T20I Rankings: టాప్‌లోనే సూర్యకుమార్‌.. 46 స్థానాలు ఎగబాకిన రింకు సింగ్

ఐసీసీ తాజాగా విడుదల చేసిన టీ20 ర్యాంకింగ్స్‌లో భారత యువ బ్యాటర్ రింకు సింగ్ (Rinku Singh) ఏకంగా 46 స్థానాలు ఎగబాకాడు.

Published : 13 Dec 2023 18:41 IST

ఇంటర్నెట్ డెస్క్: ఈ వారం టీ20 ర్యాంకింగ్స్‌ను ఐసీసీ విడుదల చేసింది. దక్షిణాఫ్రికాతో జరిగిన రెండో టీ20లో అర్ధ శతకం బాదిన సూర్యకుమార్‌ యాదవ్‌ (865) 10 పాయింట్లు మెరుగుపర్చుకుని అగ్రస్థానాన్ని మరింత పదిలం చేసుకున్నాడు. మహ్మద్‌ రిజ్వాన్‌ 787 పాయింట్ల రెండో స్థానంలో ఉన్నాడు. సూర్యకుమార్‌ కాకుండా టాప్‌-10లో భారత్‌ నుంచి రుతరాజ్‌ గైక్వాడ్ (681 పాయింట్లు) ఏడో స్థానంలో ఉన్నాడు. మార్‌క్రమ్ (758), బాబర్ అజామ్ (734), రిలీ రొసోవ్‌ (695) వరుసగా మూడు, నాలుగు, ఐదు స్థానాల్లో ఉన్నారు. సౌతాఫ్రికాపై రెండో టీ20లో 39 బంతుల్లో 68 పరుగులు చేసి అజేయంగా నిలిచిన రింకు సింగ్ (Rinku Singh) ఏకంగా 46 స్థానాలు ఎగబాకి 59వ ర్యాంక్‌కు చేరుకున్నాడు. తిలక్ వర్మ 10 స్థానాలు మెరుగై 55వ స్థానానికి వచ్చాడు.

బౌలింగ్‌ ర్యాంకింగ్స్‌ విషయానికొస్తే.. అఫ్గాన్‌ స్పిన్నర్‌ రషీద్‌ఖాన్ టాప్‌లోకి వచ్చాడు. అతడు రవిబిష్ణోయ్‌తో కలిసి అగ్రస్థానాన్ని పంచుకుంటున్నాడు. ఇటీవల ఆస్ట్రేలియాతో ముగిసిన టీ20 సిరీస్‌లో రవి బిష్ణోయ్‌ మంచి ప్రదర్శన కనబర్చి పొట్టి ఫార్మాట్‌లో నంబర్‌వన్‌ బౌలర్‌గా అవతరించిన సంగతి తెలిసిందే. భారత్ నుంచి బిష్ణోయ్‌ తప్ప మరో ఆటగాడు టాప్‌-10లో లేడు. ఆల్‌రౌండర్ల విభాగంలో షకీబ్‌ అల్‌ హసన్‌ అగ్రస్థానంలో కొనసాగుతుండగా.. మార్‌క్రమ్‌ రెండు స్థానాలు మెరుగై రెండో స్థానానికి చేరుకున్నాడు. మహ్మద్‌ నబీ, హార్దిక్ పాండ్య ఒక్కో స్థానం దిగజారి వరుసగా మూడు, నాలుగు స్థానాల్లో నిలిచారు.

► Read latest Sports News and Telugu News

► Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.