వయనాడ్ బరిలో రెండో సారి రాహుల్‌ గాంధీ.. ఆసక్తికరంగా పోటీ!

లోక్‌సభ ఎన్నికల్లో ప్రధాన పార్టీల అగ్రనేతలు పోటీ చేస్తున్న స్థానాల్లో కేరళలోని వయనాడ్ ఒకటి. కాంగ్రెస్ అగ్రనేత రాహుల్ గాంధీ వయనాడ్ నుంచి రెండోసారి పోటీకి నిలిచారు. ఈ నేపథ్యంలో ఆ స్థానంపై రాజకీయంగా ఆసక్తి నెలకొంది. కాంగ్రెస్ కంచుకోటగా పేరున్న వయనాడ్‌లో ఇండియా కూటమి మిత్రపక్షం సీపీఐ పోటీలో నిలవడం మరింత ఆసక్తి రేపుతోంది. భాజపా కేరళ శాఖ అధ్యక్షుడిని పోటీకి నిలిపింది.