YSRCP: ‘పిలిచి అవమానించొద్దు’.. వైకాపా ఎమ్మెల్యే తీరుపై ఎంపీపీ అసహనం

అధికారిక కార్యక్రమాలకు పిలిచి అవమానిస్తున్నారని ఎమ్మెల్యే కొండేటి చిట్టిబాబును, అధికారులను తెదేపా (TDP) ఎంపీపీ అంబటి భూలక్ష్మి, సర్పంచ్ బొండాడ నాగమణి నిలదీశారు. కోనసీమ జిల్లా పి.గన్నవరంలో జగనన్న సురక్ష కార్యక్రమం నిర్వహించారు. ఈ సందర్భంగా.. అధికారిక కార్యక్రమాల్లో వైకాపా (YSRCP) కార్యకర్తలకు ఇచ్చిన విలువ కూడా తమకు ఇవ్వకుండా కించపరుస్తున్నారని ఎంపీపీ, సర్పంచ్ వాపోయారు. పిలిచి అవమానించవద్దంటూ ఎమ్మెల్యే, అధికారులకు దండం పెట్టి అసహనం వ్యక్తం చేశారు.