సీఎం జగన్‌కు కృతజ్ఞతలు: లోకేశ్‌
close

తాజా వార్తలు

Published : 06/05/2021 01:22 IST
Facebook Share Twitter Share WhatsApp Share Telegram Share Link Share

సీఎం జగన్‌కు కృతజ్ఞతలు: లోకేశ్‌

అమరావతి: రాష్ట్ర పరిధిలో మే నెలలో జరిగే అన్ని పరీక్షలు వాయిదా లేదా రద్దు చేయాలని ఏపీ సీఎం జగన్‌మోహన్‌రెడ్డిని తెదేపా జాతీయ ప్రధాన కార్యదర్శి నారా లోకేశ్‌ విజ్ఞప్తి చేశారు. ఈ మేరకు సీఎంకు లోకేశ్ లేఖ రాశారు. మే నెలలో ఆఫ్‌లైన్‌లో జరిగే పరీక్షలను కేంద్రం ఇప్పటికే వాయిదా వేసిందని గుర్తు చేశారు. అందుకు అనుగుణంగా రాష్ట్ర ప్రభుత్వమూ నిర్ణయం తీసుకోవాలని కోరారు. ఏపీలో బుధవారం నుంచి జరగాల్సిన ఇంటర్‌ పరీక్షలను వాయిదా వేసినందుకు సీఎం జగన్‌కు లోకేశ్‌ కృతజ్ఞతలు తెలిపారు.

మే నెలలో రాష్ట్ర ప్రభుత్వ పరిధిలో వివిధ రకాల ప్రవేశ పరీక్షలు, కళాశాలల సెమిస్టర్‌ ఎగ్జామ్స్‌, పోటీ పరీక్షలు జరగాల్సి ఉందని లోకేశ్‌ తన లేఖలో పేర్కొన్నారు. పొరుగు రాష్ట్రాలతో పోల్చితే ఏపీలో కరోనా పరీక్షల నిర్వహణ లక్ష దాటడం లేదన్నారు. కరోనా ఉద్ధృతి తీవ్రంగా ఉండటంతో పాటు ఆస్పత్రుల్లో పడకలు, ఆక్సిజన్‌ కొరతతో రోగులు చనిపోతున్న ఘటనలు తెలియనివి కావన్నారు. కరోనా తీవ్రత తగ్గుముఖం పడితే జూన్‌ మొదటి వారంలో పరిస్థితులపై సమీక్షించి అందుకు అనుగుణంగా పరీక్షల నిర్వహణపై తదుపరి నిర్ణయం తీసుకోవాలని లోకేశ్‌ సూచించారు.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
జనరల్
మరిన్ని
జాతీయ- అంతర్జాతీయ
మరిన్ని