Breaking | Feedback | ePratibha | E-PAPER | Pratibha

ఐపీఎల్‌: చెన్నై vs బెంగళూరు.. మ్యాచ్‌ లైవ్‌ అప్‌డేట్స్‌

బెంగళూరుతో జరిగిన మ్యాచ్‌లో చెన్నై విజయం సాధించింది. 174 పరుగుల టార్గెట్‌ని 18.4 ఓవర్లలో 4 వికెట్లు కోల్పోయి ఛేదించింది.

Updated : 22 Mar 2024 23:58 IST

22/03/2024 23:54(IST)

చెన్నై బోణీ.. బెంగళూరుపై విజయం

బెంగళూరుతో జరిగిన మ్యాచ్‌లో చెన్నై విజయం సాధించింది.
174 పరుగుల టార్గెట్‌ని 18.4 ఓవర్లలో 4 వికెట్లు కోల్పోయి ఛేదించింది.
చెన్నై బ్యాటర్లలో రచిన్‌ రవీంద్ర (37), శివమ్‌ దూబె (34), రవీంద్ర జడేజా (25), రహానె (27), డారిల్ మిచెల్ (22) పరుగులు చేశారు.
బెంగళూరు బౌలర్లలో కామెరూన్‌ గ్రీన్‌ 2, యశ్ దయాల్, కర్ణ్‌ శర్మ ఒక్కో వికెట్ పడగొట్టారు.

22/03/2024 23:27(IST)

ఇంకా ఆరు ఓవర్లే.. చెన్నై ఎంత కొట్టాలంటే..

మ్యాక్స్‌వెల్ వేసిన 14 ఓవర్‌లో ఏడు పరుగులు వచ్చాయి.
రెండో బంతికి జడేజా (10) సిక్స్‌ బాదాడు.
14 ఓవర్లకు స్కోరు 121/4. శివమ్‌ దూబె (6) పరుగులతో ఉన్నాడు.
చెన్నై విజయానికి 36 బంతుల్లో 53 పరుగులు అవసరం.

22/03/2024 23:17(IST)

డారిల్ మిచెల్ ఔట్.. గ్రీన్‌కు రెండో వికెట్

కామెరూన్‌ మరో వికెట్ పడగొట్టాడు.
అతడు వేసిన 13 ఓవర్‌లో మూడో బంతికి డారిల్ మిచెల్ (22) పటిదార్‌కు క్యాచ్‌ ఇచ్చాడు.
దీంతో 110 పరుగుల వద్ద చెన్నై నాలుగో వికెట్ కోల్పోయింది.
13 ఓవర్లకు స్కోరు 114/4. రవీంద్ర జడేజా (3), శివమ్‌ దూబె (6) పరుగులతో ఉన్నారు.

22/03/2024 23:05(IST)

రహానె (27) ఔట్.. చెన్నై మూడో వికెట్

చెన్నై మూడో వికెట్ కోల్పోయింది. అజింక్య రహానె (29; 19 బంతుల్లో) ఔటయ్యాడు.
గ్రీన్ వేసిన 11 ఓవర్‌లో తొలి బంతికి సిక్స్‌ బాదిన రహానె తర్వాతి బంతికి మ్యాక్స్‌వెల్‌కు చిక్కాడు.
11 ఓవర్లకు స్కోరు 102/3. శివమ్‌ దూబె (2), డారిల్ మిచెల్ (18) పరుగులతో ఉన్నారు.

22/03/2024 22:59(IST)

రావడంతోనే సిక్స్‌లు బాదుతున్న డారిల్ మిచెల్

చెన్నై బ్యాటర్ డారిల్ మిచెల్ క్రీజులోకి రావడంతో సిక్స్‌లు బాదుతున్నాడు.
కర్ణ్‌ శర్మ వేసిన తొమ్మిదో ఓవర్‌లో వరుసగా రెండుసార్లు బంతిని స్టాండ్స్‌లోకి పంపాడు.
అంతకుముందు యయాంక్ దగార్‌ వేసిన ఓవర్లో రెండే పరుగులు వచ్చాయి .
9 ఓవర్లకు స్కోరు 88/2. మిచెల్ (15), రహానె (19) పరుగులతో ఉన్నారు.

22/03/2024 22:51(IST)

రచిన్‌ దూకుడుకు చెక్‌ పెట్టిన కర్ణ్‌ శర్మ

దూకుడుగా ఆడుతున్న రచిన్‌ రవీంద్ర (37; 15 బంతుల్లో 4 ఫోర్లు, 3 సిక్స్‌లు) ఔటయ్యాడు.
కర్ణ్‌ శర్మ వేసిన ఏడో ఓవర్‌లో ఐదో బంతికి సిక్స్ బాదిన రచిన్‌.. చివరి బంతికి పటిదార్‌కు క్యాచ్‌ ఇచ్చాడు.
7 ఓవర్లకు స్కోరు 71/2. రహానె (17) పరుగులతో ఉన్నాడు.

22/03/2024 22:46(IST)

పవర్‌ ప్లే పూర్తి.. పటిష్ట స్థితిలో చెన్నై

యశ్ దయాల్ వేసిన ఆరో ఓవర్‌లో 13 పరుగులు వచ్చాయి.
మూడో బంతికి రహానె (14) సిక్స్ బాదాడు.
తర్వాత ఏడు పరుగులు వచ్చాయి.
పవర్‌ ప్లే ముగిసేసరికి చెన్నై 62/1తో ఉంది.
రచిన్‌ రవీంద్ర (31) పరుగులతో ఉన్నారు.

22/03/2024 22:37(IST)

రుతురాజ్‌ గైక్వాడ్ (15) ఔట్.. చెన్నై ఫస్ట్ వికెట్

చెన్నై మొదటి వికెట్ కోల్పోయింది. కెప్టెన్‌ రుతురాజ్‌ గైక్వాడ్ (15) ఔటయ్యాడు.
యశ్‌ దయాల్ వేసిన నాలుగో ఓవర్‌లో చివరి బంతికి కామెరూన్‌ గ్రీన్‌కు చిక్కాడు.
4 ఓవర్లకు స్కోరు 38/1. రచిన్‌ రవీంద్ర (22) పరుగులతో ఉన్నాడు.

22/03/2024 22:33(IST)

దూకుడుగా ఆడుతున్న రచిన్‌ రవీంద్ర

చెన్నై ఓపెనర్‌ రచిన్ రవీంద్ర దూకుడుగా ఆడుతున్నాడు.
సిరాజ్‌ వేసిన మూడో ఓవర్‌లో 15 పరుగులు వచ్చాయి.
రచిన్‌ తొలి బంతికి ఫోర్‌, చివరి బంతికి సిక్స్‌ బాదాడు.
3 ఓవర్లకు స్కోరు 28/0. రుతురాజ్‌ (10) పరుగులతో ఉన్నాడు.

22/03/2024 22:26(IST)

బెంగళూరుతో మ్యాచ్‌.. నిలకడగా ఆడుతున్న చెన్నై ఓపెనర్లు

బెంగళూరు యశ్ దయాల్‌ను ఇంపాక్ట్ ప్లేయర్‌గా తీసుకుంది.
అతడి వేసిన రెండో ఓవర్‌లో ఐదు పరుగులు వచ్చాయి.
తొలి బంతికి రచిన్‌ రవీంద్ర (5) బౌండరీ బాదాడు.
2 ఓవర్లకు స్కోరు 13/0. రుతురాజ్ (8) పరుగులతో ఉన్నాడు.

22/03/2024 21:46(IST)

అనుజ్‌ రావత్, దినేశ్‌ కార్తిక్‌ మెరుపులు.. చెన్నై లక్ష్యం 174

చెన్నైతో జరుగుతున్న మ్యాచ్‌లో బెంగళూరు భారీ స్కోరు సాధించింది.
నిర్ణీత 20 ఓవర్లలో 6 వికెట్ల నష్టానికి 173 పరుగులు చేసింది.
కెప్టెన్‌ డుప్లెసిస్‌ (35; 23 బంతుల్లో 8 ఫోర్లు) రాణించాడు. కోహ్లీ (21) పరుగులు చేశాడు.
ఒక దశలో బెంగళూరు 78 పరుగులకే ఐదు వికెట్లు కోల్పోయి కష్టాల్లో పడింది.
ఈ క్రమంలో అనుజ్ రావత్‌ (48; 25 బంతుల్లో 4 ఫోర్లు, 3 సిక్స్‌లు), దినేశ్‌ కార్తిక్‌ (38; 26 బంతుల్లో 3 ఫోర్లు, 2 సిక్స్‌లు) దూకుడుగా ఆడి జట్టుకు మంచి స్కోరు అందించారు.
చెన్నై బౌలర్లలో ముస్తాఫిజుర్‌ రెహమన్‌ (4/29) ఆకట్టుకోగా.. దీపక్‌ చాహర్‌ ఒక వికెట్ పడగొట్టాడు.

22/03/2024 21:39(IST)

దూకుడుగా ఆడుతున్న బెంగళూరు బ్యాటర్లు

దినేశ్ కార్తిక్‌, అనుజ్‌ రావత్ దూకుడు కొనసాగిస్తున్నారు.
ముస్తాఫిజుర్‌ వేసిన 19 ఓవర్‌లో 16 పరుగులు వచ్చాయి.
అనుజ్‌ రావత్ (48) ఓ సిక్స్‌ బాదగా.. దినేశ్ కార్తిక్‌ (34) ఒక ఫోర్‌ కొట్టాడు.
19 ఓవర్లకు స్కోరు 164/5.

22/03/2024 21:32(IST)

చెన్నైతో మ్యాచ్‌.. ఒకే ఓవర్‌లో రెండు సిక్స్‌లు బాదిన అనుజ్‌ రావత్

బెంగళూరు బ్యాటర్ అనుజ్ రావత్ దంచికొడుతున్నాడు.
తుషార్‌ దేశ్‌పాండే వేసిన 18 ఓవర్‌లో రెండు సిక్సర్లు, ఓ ఫోర్ బాదాడు.
ఇదే ఓవర్లో తొలి బంతికి దినేశ్‌ కార్తిక్‌ కూడా సిక్స్ కొట్టాడు.
దీంతో ఈ ఓవర్లో వైడ్‌లతో కలిపి 25 పరుగులు వచ్చాయి.
అంతకుముందు ముస్తాఫిజుర్‌ వేసిన 17 ఓవర్‌లో ఏడు పరుగులు వచ్చాయి.
18 ఓవర్లకు స్కోరు 148/5. అనుజ్‌ (41), దినేశ్ కార్తిక్‌ (26) పరుగులతో ఉన్నారు.

22/03/2024 21:17(IST)

గేర్లు మారుస్తున్న బెంగళూరు బ్యాటర్లు

ఓవర్లు ముగుస్తుండటంతో బెంగళూరు బ్యాటర్లు గేర్లు మార్చి ఆడుతున్నారు.
మహీశ్ తీక్షణ వేసిన 16 ఓవర్లో 14 పరుగులు రాబట్టారు.
తొలి బంతికి ఫోర్‌ కొట్టిన దినేశ్ కార్తిక్‌ (18).. చివరి బంతికి సిక్సర్‌ బాదాడు.
16 ఓవర్లకు స్కోరు 116/5. అనుజ్ రావత్ (20) పరుగులతో ఉన్నాడు.

22/03/2024 21:08(IST)

కట్టుదిట్టంగా బౌలింగ్ చేస్తున్న చెన్నై

చెన్నై బౌలర్లు కట్టుదిట్టంగా బౌలింగ్ చేస్తున్నారు.
దీంతో బెంగళూరు బ్యాటర్లు ఆచితూచి ఆడుతున్నారు.
జడేజా వేసిన 14 ఓవర్‌లో ఏడు పరుగులు వచ్చాయి.
14 ఓవర్లకు స్కోరు 90/5. అనుజ్ రావత్ (8), దినేశ్ కార్తిక్‌ (4) పరుగులతో ఉన్నారు.

22/03/2024 21:04(IST)

చెన్నైతో మ్యాచ్‌.. నెమ్మదించి బెంగళూరు స్కోరు వేగం

వరుసగా వికెట్లు కోల్పోవడంతో బెంగళూరు స్కోరు వేగం నెమ్మదించింది.
తుషార్‌ దేశ్‌పాండే వేసిన నాలుగు పరుగులు వచ్చాయి.
13 ఓవర్లకు స్కోరు 83/5. అనుజ్‌ రావత్ (3), దినేశ్ కార్తిక్‌ (3) పరుగులతో ఉన్నారు.

22/03/2024 20:55(IST)

విజృంభిస్తున్న ముస్తాఫిజుర్‌.. బెంగళూరు ఐదు వికెట్లు డౌన్

బెంగళూరుకు గట్టి షాక్‌. ఒకే ఓవర్‌లో ఇద్దరు సెటిల్ బ్యాటర్లు ఔటయ్యారు.
ముస్తాఫిజుర్‌ వేసిన 12 ఓవర్‌లో రెండో బంతికి విరాట్ కోహ్లీ (21), నాలుగో బంతికి కామెరూన్‌ (18) ఔటయ్యారు.
దీంతో బెంగళూరు 78 పరుగులకే ఐదు వికెట్లు కోల్పోయింది.
12 ఓవర్లకు స్కోరు 79/5. దినేశ్ కార్తిక్‌ (1), అనుజ్ రావత్ (1) క్రీజులో ఉన్నారు.

22/03/2024 20:50(IST)

చెన్నైతో మ్యాచ్‌.. కోహ్లీ సూపర్‌ సిక్స్‌..

మహీశ్ తీక్షణ వేసిన 10 ఓవర్‌లో 12 పరుగులు వచ్చాయి.
రెండో బంతికి కోహ్లీ మిడ్‌ వికెట్ మీదుగా సిక్స్‌ బాదాడు.
జడేజా వేసిన 11 ఓవర్‌లో ఒకే పరుగు వచ్చింది.
11 ఓవర్లకు స్కోరు 76/3. కోహ్లీ (21), కామెరూన్‌ గ్రీన్‌ (17) పరుగులతో ఉన్నారు.

22/03/2024 20:42(IST)

చెన్నైతో మ్యాచ్‌.. నిలకడగా ఆడుతున్న బెంగళూరు బ్యాటర్లు

బెంగళూరు బ్యాటర్లు నిలకడగా ఆడుతున్నారు.
జడేజా వేసిన తొమ్మిదో ఓవర్‌లో ఎనిమిది పరుగులు రాబట్టారు.
9 ఓవర్లకు స్కోరు 63/3. కోహ్లీ (11), కామెరూన్ గ్రీన్‌ (14) పరుగులతో ఉన్నారు.

22/03/2024 20:37(IST)

చెన్నైతో మ్యాచ్‌.. ఆచితూచి ఆడుతున్న కోహ్లీ, కామెరూన్ గ్రీన్‌

స్వల్పవ్యవధిలో మూడు వికెట్లు కోల్పోవడంతో బెంగళూరు బ్యాటర్లు ఆచితూచి ఆడుతున్నారు.
జడేజా వేసిన ఏడో ఓవర్‌లో ఆరు పరుగులు రాబట్టారు.
మహీశ్‌ తీక్షణ వేసిన ఎనిమిదో ఓవర్‌లో ఏడు పరుగులు వచ్చాయి.
8 ఓవర్లకు స్కోరు 55/3. కోహ్లీ (9), గ్రీన్‌ (8) పరుగులతో ఉన్నారు.

22/03/2024 20:30(IST)

బెంగళూరుకు వరుస షాక్‌లు.. మ్యాక్స్‌వెల్ గోల్డెన్‌ డక్

బెంగళూరుకు చెన్నై బౌలర్లు వరుస షాక్‌లు ఇస్తున్నారు.
దీపక్‌ చాహర్‌ వేసిన ఆరో ఓవర్‌ మూడో బంతికి మ్యాక్స్‌వెల్ (0) గోల్డెన్‌ డక్‌గా వెనుదిరిగాడు.
మ్యాక్సీ వికెట్ కీపర్‌ ధోనీకి క్యాచ్‌ ఇచ్చాడు.
పవర్‌ ప్లే ముగిసేసరికి బెంగళూరు స్కోరు 42/3.
కోహ్లీ (4), కామెరూన్‌ గ్రీన్‌ (0) క్రీజులో ఉన్నారు.

22/03/2024 20:28(IST)

ఒకే ఓవర్‌లో రెండు వికెట్లు పడగొట్టిన ముస్తాఫిజుర్‌

చెన్నై పేసర్‌ ముస్తాఫిజుర్‌ ఒకే ఓవర్‌లో రెండు వికెట్లు పడగొట్టాడు.
అతడు ఐదో ఓవర్‌లో మూడో బంతికి డుప్లెసిస్‌ను వెనక్కి పంపగా.. చివరి బంతికి రజత్ పటిదార్‌ (0)ని కూడా ఔట్ చేశాడు.
పటిదార్‌ వికెట్ కీపర్‌ ధోనీకి క్యాచ్‌ ఇచ్చాడు.
5 ఓవర్లకు స్కోరు 41/2.

22/03/2024 20:23(IST)

డుప్లెసిస్ ఔట్.. తొలి వికెట్ కోల్పోయిన బెంళూరు

దూకుడుగా ఆడుతున్న డుప్లెసిస్‌ (35)ను ముస్తాఫిజుర్ రెహమన్‌ ఔట్ చేశాడు.
అతడు వేసిన ఐదో ఓవర్‌లో రెండో బంతికి ఫోర్ బాదిన బెంగళూరు కెప్టెన్‌ తర్వాతి బంతికే రచిన్‌ రవీంద్రకు క్యాచ్‌ ఇచ్చి పెవిలియన్‌ చేరాడు.

22/03/2024 20:18(IST)

చెన్నైతో మ్యాచ్‌.. వరుసగా బౌండరీలు బాదేస్తున్న డుప్లెసిస్‌

బెంగళూరు కెప్టెన్‌ ఫాఫ్‌ డుప్లెసిస్‌ వరుస బౌండరీలతో విరుచుకుపడుతున్నాడు.
దీపక్‌ చాహర్‌ వేసిన మూడో ఓవర్‌లో ఏకంగా నాలుగు ఫోర్లు బాదాడు.
దీంతో 3 ఓవర్లకు బెంగళూరు వికెట్ నష్టపోకుండా 33 పరుగులు చేసింది.
కోహ్లీ (1), డుప్లెసిస్‌ (30) క్రీజులో ఉన్నారు.

22/03/2024 20:12(IST)

చెన్నైతో మ్యాచ్‌.. దూకుడుగా ఆడుతున్న బెంగళూరు కెప్టెన్‌

బెంగళూరు కెప్టెన్‌ డుప్లెసిస్‌ దూకుడుగా ఆడుతున్నాడు.
తుషార్‌ దేశ్‌పాండే వేసిన రెండో ఓవర్‌లో తొలి, మూడు బంతులకు ఫోర్లు బాదాడు.
2 ఓవర్లకు బెంగళూరు స్కోరు 16/0. డుప్లెసిస్‌ (14), కోహ్లీ (1) క్రీజులో ఉన్నారు.

22/03/2024 20:08(IST)

ప్రారంభమైన మ్యాచ్‌.. తొలి బౌండరీ బాదిన డుప్లెసిస్

చెన్నై, బెంగళూరు మధ్య మ్యాచ్‌ ప్రారంభమైంది. తొలి ఓవర్‌ దీపక్‌ చాహర్‌ వేస్తున్నాడు.
మొదటి నాలుగు బంతుల్లో రెండే పరుగులు రాగా.. ఐదో బంతిని డుప్లెసిస్‌ బౌండరీకి పంపాడు.
1 ఓవర్‌కు బెంగళూరు స్కోరు 7/0. డుప్లెసిస్‌ (5), కోహ్లీ (1) క్రీజులో ఉన్నారు.

22/03/2024 19:51(IST)

బెంగళూరుతో మ్యాచ్‌.. చెన్నై తుది జట్టు ఇదే

రుతురాజ్ గైక్వాడ్ (కెప్టెన్‌), రచిన్ రవీంద్ర, అజింక్య రహానె, డారిల్ మిచెల్, రవీంద్ర జడేజా, సమీర్ రిజ్వీ, ఎంఎస్ ధోని (వికెట్‌ కీపర్‌), దీపక్ చాహర్, మహీశ్ తీక్షణ, ముస్తాఫిజుర్ రెహమాన్, తుషార్ దేశ్‌పాండే.

ఇంపాక్ట్ ప్లేయర్లు : శార్దూల్ ఠాకూర్, శివమ్‌ దూబె, షేక్ రషీద్, నిశాంత్ సింధు, మొయిన్ అలీ.

22/03/2024 19:49(IST)

చెన్నైతో మ్యాచ్‌.. బెంగళూరు తుది జట్టు ఇదే

ఫాఫ్ డు ప్లెసిస్ (కెప్టెన్‌), విరాట్ కోహ్లీ, రజత్ పటీదార్, గ్లెన్ మాక్స్‌వెల్, కామెరూన్ గ్రీన్, దినేశ్ కార్తీక్, అనుజ్ రావత్, కర్ణ్ శర్మ, అల్జారీ జోసెఫ్, మయాంక్ దాగర్, మహ్మద్ సిరాజ్.

ఇంపాక్ట్ ప్లేయర్లు: యశ్‌ దయాల్, ఆకాష్ దీప్‌, సుయాశ్ ప్రభుదేశాయ్‌, స్వప్నిల్ సింగ్‌, విజయ్‌కుమార్‌ వైశాక్

22/03/2024 19:42(IST)

ఐపీఎల్: చెన్నైతో మ్యాచ్‌.. టాస్‌ గెలిచిన బెంగళూరు

ఐపీఎల్ 17వ సీజన్‌లో భాగంగా తొలి మ్యాచ్‌లో చెన్నై, బెంగళూరు ఢీకొట్టబోతున్నాయి.
మరికాసేపట్లో ఈ మ్యాచ్‌ ప్రారంభంకానుంది.
బెంగళూరు కెప్టెన్‌ డుప్లెసిస్‌ టాస్‌ గెలిచి తొలుత బ్యాటింగ్‌ ఎంచుకున్నాడు.

22/03/2024 19:21(IST)

ఐపీఎల్: ట్రోఫీని తీసుకొచ్చిన చెన్నై కెప్టెన్‌ రుతురాజ్‌ గైక్వాడ్

వేదికపైకి చెన్నై కొత్త కెప్టెన్‌ రుతురాజ్‌ గైక్వాడ్ ఐపీఎల్‌ ట్రోఫీని తీసుకువచ్చాడు. బెంగళూరు కెప్టెన్‌ డుప్లెసిస్‌, బీసీసీఐ అధ్యక్షుడు రోజర్‌ బిన్నీ, కార్యదర్శి జై షా, లీగ్‌ ఛైర్మన్‌ అరుణ్ ధూమాల్‌, ఉపాధ్యక్షుడు రాజీవ్ శుక్లా, సంగీత దర్శకుడు ఏఆర్‌ రెహమాన్‌, సింగర్‌ సోనూ నిగమ్, బాలీవుడ్ స్టార్స్‌ అక్షయ్‌ కుమార్‌, టైగర్‌ ష్రాఫ్‌ తదితరులు వేదికపైకి వచ్చి ఫొటోలకు పోజులిచ్చారు.

22/03/2024 18:45(IST)

అట్టహాసంగా ప్రారంభమైన ఐపీఎల్ ఆరంభ వేడుకలు

చెన్నైలోని చెపాక్‌ స్టేడియం వేదికగా ఐపీఎల్‌ 2024 సీజన్‌ ఆరంభ వేడుకలు అట్టహాసంగా ప్రారంభమయ్యాయి. ఈ కార్యక్రమంలో బాలీవుడ్ స్టార్స్‌ అక్షయ్‌కుమార్‌, టైగర్‌ ష్రాఫ్‌ నృత్యాలు చేస్తూ ఫ్యాన్స్‌ని అలరిస్తున్నారు.

22/03/2024 16:39(IST)

అది నిజం కాదు.. కెప్టెన్‌ రుతురాజ్‌కు జడేజా అండగా నిలుస్తాడు: స్టీఫెన్‌ ఫ్లెమింగ్‌

సీఎస్కే కొత్త కెప్టెన్ రుతురాజ్‌ గైక్వాడ్‌కు జట్టులోని ప్రతిఒక్కరూ సహకారం అందిస్తారని.. సీనియర్లు వెన్నంటి ఉంటారని ప్రధాన కోచ్ స్టీఫెన్‌ ఫ్లెమింగ్‌ స్పష్టం చేశాడు. పూర్తి వార్త కోసం క్లిక్‌ చేయండి

22/03/2024 16:38(IST)

ధోనీ పాత్ర ఏంటి..? ఆర్సీబీ వ్యూహమేంటి?

క్రికెట్ అభిమానుల కోసం ఐపీఎల్ సందడి వచ్చేసింది. ఐదుసార్లు ఛాంపియన్‌ చెన్నై సూపర్ కింగ్స్‌ ఈసారి కొత్త కెప్టెన్‌ నాయకత్వంలో బరిలోకి దిగింది. ప్రతి సీజన్‌లోనూ ‘ఈసాలా కప్‌ నమదే’ నినాదంతో వచ్చే రాయల్‌ ఛాలెంజర్స్‌ బెంగళూరు తొలి మ్యాచ్‌కు సై అంటోంది. మరి ఈ జట్టు వ్యూహమేంటి? కెప్టెన్సీ పగ్గాలను వదిలేసిన ధోనీ పాత్ర ఏంటనేది ఆసక్తికరంగా మారింది. పూర్తి వార్త కోసం క్లిక్‌ చేయండి

22/03/2024 16:37(IST)

ఇదే బిగ్‌ గేమ్‌.. చెపాక్‌లో ధోనీని కలవడం ఇంకా స్పెషల్: విరాట్ కోహ్లీ

ఐపీఎల్ 17వ సీజన్‌లో చెపాక్‌ వేదికగా చెన్నై సూపర్‌ కింగ్స్‌తో తలపడేందుకు ఆసక్తిగా ఎదురు చూస్తున్నట్లు రాయల్ ఛాలెంజర్స్ బెంగళూరు స్టార్‌ బ్యాటర్ విరాట్ కోహ్లీ తెలిపాడు. ధోనీతో ఆడటం ఎప్పటికీ ప్రత్యేకమేనని చెప్పాడు. క్రికెట్‌ను అభిమానించే చెపాక్‌ ప్రేక్షకుల మధ్య ఆడటం మరింత స్పెషల్ అని పేర్కొన్నాడు. పూర్తి వార్త కోసం క్లిక్‌ చేయండి

22/03/2024 16:36(IST)

రుతురాజ్‌కు సీఎస్కే కెప్టెన్సీ.. ఇది సడెన్‌ నిర్ణయం కాదు: అశ్విన్

భారత మాజీ కెప్టెన్ ఎంఎస్ ధోనీ ఏం చేసినా అందర్నీ ఆశ్యర్యానికి గురి చేస్తాడు. నాలుగేళ్ల కిందట అంతర్జాతీయ క్రికెట్‌కు వీడ్కోలు పలికినా.. అంతకుముందు టీమ్‌ఇండియా కెప్టెన్సీని వదిలేయడమైనా సరే సడెన్‌గా నిర్ణయాలు తీసుకున్నాడు. ఇప్పుడు కూడా ఐపీఎల్‌ ఫ్రాంచైజీ చెన్నై సూపర్‌ కింగ్స్‌ జట్టు పగ్గాలను యువ ఆటగాడు రుతురాజ్‌ గైక్వాడ్‌కు అప్పగించాడు. ఈ నిర్ణయం మాత్రం ఇప్పటికప్పుడు తీసుకున్నది కాకపోవచ్చని టీమ్‌ఇండియా సీనియర్‌ ఆటగాడు రవిచంద్రన్ అశ్విన్వ్యాఖ్యానించాడు. పూర్తి వార్త కోసం క్లిక్‌ చేయండి

22/03/2024 16:35(IST)

ఐపీఎల్‌లో ఎవరు బెస్ట్‌..? ఎందుకు?.. ‘గూగుల్‌ జెమిని’ ఏం చెప్పిందంటే?

ఇండియన్‌ ప్రీమియర్‌ లీగ్ 17వ సీజన్‌ నేటి నుంచి ప్రారంభం కానుంది. ప్రతీ ఎడిషన్‌లో ఎవరో ఒకరు హైలైట్‌గా నిలుస్తుంటారు. ఐపీఎల్‌ చరిత్రలోనే అత్యుత్తమం అంటే మాత్రం కొందరి పేర్లే గుర్తుకువస్తుంటాయి. ఇటీవల ఫేమస్‌ అయిన గూగుల్‌ ఏఐ చాట్‌బాట్‌ ‘జెమిని’కి ఇదే ప్రశ్న సంధిస్తే.. ఆసక్తికర సమాధానాలు ఇచ్చింది. అవేంటో చూద్దాం.. పూర్తి వార్త కోసం క్లిక్‌ చేయండి

22/03/2024 16:34(IST)

ధోని నిర్ణయంపై రోహిత్‌ స్పందనిదే..

చెన్నై సూపర్‌ కింగ్స్‌ అంటే వెంటనే గుర్తొచ్చే పేరు ఎం.ఎస్‌.ధోని జట్టు సారథిగా అభిమానుల గుండెల్లో తనదైన ముద్ర వేసిన ఈ కెప్టెన్‌ కూల్‌.. నాయకత్వ బాధ్యతల నుంచి వైదొలగిన విషయం తెలిసిందే. ఐపీఎల్‌ 2024 ప్రారంభానికి ఒక్క రోజు ముందు తన నిర్ణయంతో అందరినీ ఆశ్చర్యపర్చాడు. అతని నిర్ణయంపై ముంబయి ఇండియన్స్ మాజీ సారథి రోహిత్‌ శర్మ స్పందించాడు. పూర్తి కథనం కోసం క్లిక్‌ చేయండి

22/03/2024 16:33(IST)

ఎండల్లో హాయ్‌ హాయ్‌

ఉర్రూతలూగించే బ్యాటింగ్‌ విన్యాసాలు.. అచ్చెరువొందించే బౌలింగ్‌ ప్రదర్శనలు.. అబ్బురపరిచే ఫీల్డింగ్‌ చిత్రాలు. ఆఖరి బంతి వరకూ ఫలితం తేలకుండా.. ఉత్కంఠతో ఉత్తేజపరిచే అద్వితీయ పోరాటాలు! క్రికెట్‌ అభిమానులకు కంటినిండా వినోదం పంచడానికి, మనసంతా తృప్తితో నింపడానికి సర్వం సిద్ధం! ధనాధన్‌ ఆటతో రెండు నెలల పాటు ప్రేక్షకులను ఊపేసే సమ్మర్‌ స్పెషల్‌ వార్షిక క్రికెట్‌ మేళా వచ్చేసింది! పూర్తి కథనం కోసం క్లిక్‌ చేయండి

App

ఐపీఎల్‌: చెన్నై vs బెంగళూరు.. మ్యాచ్‌ లైవ్‌ అప్‌డేట్స్‌

తాజా వార్తలు (Latest News)

ఇసుక అక్రమ తవ్వకాలు.. ఏపీ ప్రభుత్వానికి సుప్రీంకోర్టులో ఎదురుదెబ్బ

4 రోజుల్లో 1800 కి.మీ పారిపోయినా.. పోలీసులకు చిక్కిన నటుడు..!

భాజపా సొంతంగా 370 సీట్లు సాధిస్తుంది: కేంద్రమంత్రి నిర్మలా సీతారామన్‌

పొన్నూరులో రూ.2,500 కోట్లకు పైగా సహజ వనరుల దోపిడీ: తెదేపా మాజీ ఎమ్మెల్యే ధూళిపాళ్ల

చిన్నారులతో ప్రపంచ కప్‌ జట్టు ప్రకటన.. వీడియో వైరల్‌

గెలవడం కష్టమే అనుకున్నా.. మ్యాచ్‌ టర్నింగ్‌ స్పెల్ జడ్డూదే: రుతురాజ్‌

సుఖీభవ

చదువు