Breaking | Feedback | ePratibha | E-PAPER | Pratibha

గుజరాత్ X దిల్లీ ఐపీఎల్ మ్యాచ్‌ లైవ్ అప్‌డేట్స్‌

గుజరాత్‌తో జరిగిన మ్యాచ్‌లో దిల్లీ అదరగొట్టింది. తొలుత గుజరాత్‌ను 89 పరుగులకే ఆలౌట్ చేసింది. ఈ స్వల్ప లక్ష్యాన్ని దిల్లీ 8.5 ఓవర్లలో 4 వికెట్లు కోల్పోయి ఛేదించింది.

Updated : 17 Apr 2024 22:44 IST

17/04/2024 22:02(IST)

Gujarat vs Delhi: షై హోప్‌ (19) ఔట్.. దిల్లీ నాలుగో వికెట్‌

దిల్లీ నాలుగో వికెట్‌ కోల్పోయింది. షై హోప్ (19; 10 బంతుల్లో) ఔటయ్యాడు.
రషీద్‌ ఖాన్‌ వేసిన 5.4 ఓవర్‌కు మోహిత్‌ శర్మకు క్యాచ్‌ ఇచ్చాడు.
6 ఓవర్లకు దిల్లీ స్కోరు 67/4. సుమిత్ కుమార్ (0), రిషభ్‌ పంత్ (1) క్రీజులో ఉన్నారు.

17/04/2024 21:56(IST)

Gujarat vs Delhi: చెలరేగి ఆడుతున్న షై హోప్.. అభిషేక్ ఔట్

షై హోప్ (18; 7 బంతుల్లో) చెలరేగి ఆడుతున్నాడు.
సందీప్ వారియర్‌ వేసిన ఐదో ఓవర్‌లో తొలి మూడు బంతులకు వరుసగా 4, 6, 6 బాదేశాడు.
ఇదే ఓవర్‌లో ఐదో బంతికి అభిషేక్ పొరెల్ (15) సిక్స్ కొట్టాడు.
చివరి బంతికి పొరెల్ క్లీన్‌బౌల్డ్ అయ్యాడు.
ఈ ఓవర్‌లో మొత్తం 23 పరుగులు వచ్చాయి.
5 ఓవర్లకు దిల్లీ స్కోరు 65/3.

17/04/2024 21:51(IST)

Gujarat vs Delhi: దూకుడుగా ఆడుతున్న అభిషేక్ పొరెల్

దిల్లీ వన్‌డౌన్‌ బ్యాటర్ అభిషేక్ పొరెల్ (9; 5 బంతుల్లో) దూకుడుగా ఆడుతున్నాడు.
జాన్సన్ వేసిన నాలుగో ఓవర్‌లో చివరి రెండు బంతులను బౌండరీకి తరలించాడు.
4 ఓవర్లకు దిల్లీ స్కోరు 42/2. షై హోప్ (1) క్రీజులో ఉన్నాడు.

17/04/2024 21:42(IST)

Gujarat vs Delhi: రెండో వికెట్ కోల్పోయిన దిల్లీ..

దిల్లీ రెండో వికెట్ కోల్పోయింది. పృథ్వీ షా (7) ఔటయ్యాడు.
సందీప్ వేసిన మూడో ఓవర్‌లో నాలుగో బంతికి స్పెన్సర్‌ జాన్సన్‌కు క్యాచ్‌ ఇచ్చాడు.
3 ఓవర్లకు స్కోరు 31/2. షై హోప్ (0), అభిషేక్ పొరెల్ (0) క్రీజులో ఉన్నారు.

17/04/2024 21:36(IST)

Gujarat vs Delhi: జేక్‌ ఫ్రేజర్‌ దూకుడుకు చెక్‌ పెట్టిన జాన్సన్

దిల్లీ ఓపెనర్ జేక్ ఫ్రేజర్ (20) దూకుడుకు స్పెన్సర్‌ జాన్సన్‌ చెక్ పెట్టాడు.
అతడు వేసిన రెండో ఓవర్‌లో ఓ సిక్స్, ఫోర్ బాదిన ఫ్రేజర్ చివరి బంతికి అభినవ్‌కు క్యాచ్‌ ఇచ్చాడు.
2 ఓవర్లకు స్కోరు 25/1.

17/04/2024 21:30(IST)

Gujarat vs Delhi: లక్ష్యఛేదనకు దిగిన దిల్లీ.. టార్గెట్ 90

గుజరాత్ నిర్దేశించిన 90 పరుగుల స్వల్ప లక్ష్యా్న్ని ఛేదించేందుకు దిల్లీ బరిలోకి దిగింది.
సందీప్ వారియర్ వేసిన మొదటి ఓవర్‌లోనే 14 పరుగులు వచ్చాయి.
జేక్ ఫ్రేజర్ (10) ఓ సిక్స్, ఫోర్ బాదాడు. పృథ్వీ షా (1) క్రీజులో ఉన్నాడు.

17/04/2024 21:09(IST)

Gujarat vs Delhi: విజృంభించిన దిల్లీ బౌలర్లు.. గుజరాత్ 89 ఆలౌట్..

గుజరాత్‌తో జరుగుతున్న మ్యాచ్‌లో దిల్లీ బౌలర్లు చెలరేగారు.
దీంతో గుజరాత్ 17.3 ఓవర్లలో 89 పరుగులకే ఆలౌటైంది.
గుజరాత్ బ్యాటర్లలో ముగ్గురు మాత్రమే రెండంకెల స్కోరు సాధించారు. రషీద్ ఖాన్‌ (31) టాప్‌ స్కోరర్. సాయి సుదర్శన్ (12), రాహుల్ తెవాటియా (10) పరుగులు చేశారు.
వృద్ధిమాన్ సాహా (2), శుభ్‌మన్ గిల్ (8), డేవిడ్ మిల్లర్ (2), అభినవ్ మనోహర్ (8) ఘోరంగా విఫలమయ్యారు. షారూఖ్ ఖాన్ పరుగుల ఖాతా తెరవకుండానే ఎదుర్కొన తొలి బంతికే నిష్క్రమించాడు.
ఐపీఎల్ చరిత్రలో గుజరాత్‌కిదే అత్యల్ప స్కోరు. ఈ సీజన్‌లో ఒక జట్టు చేసిన అత్యల్ప స్కోరు కూడా ఇదే.
దిల్లీ బౌలర్లలో ముకేశ్‌ కుమార్‌ 3, ఇషాంత్ శర్మ 2, ట్రిస్టన్ స్టబ్స్‌ 2, ఖలీల్ అహ్మద్‌, అక్షర్ పటేల్ ఒక్కో వికెట్ పడగొట్టారు.

17/04/2024 21:06(IST)

Gujarat vs Delhi: మ్యాచ్‌లో ఫస్ట్ సిక్సర్ బాదిన రషీద్ ఖాన్‌

మ్యాచ్‌లో తొలి సిక్స్ 17 ఓవర్‌లో నమోదైంది.
కుల్‌దీప్‌ యాదవ్ వేసిన 17 ఓవర్‌లో రెండో బంతిని రషీద్‌ఖాన్‌ (31) డీప్‌ ఎక్స్‌ట్రా కవర్‌ మీదుగా స్టాండ్స్‌లోకి పంపించాడు.
17 ఓవర్లకు స్కోరు 88/8. నూర్ అహ్మద్ (1) క్రీజులో ఉన్నాడు.

17/04/2024 20:54(IST)

Gujarat vs Delhi: 14 ఓవర్లు పూర్తి.. గుజరాత్ 75/7

దిల్లీ బౌలర్ల ధాటికి గుజరాత్ ప్రధాన బ్యాటర్లంతా పెవిలియన్ చేరారు.
ప్రస్తుతం రషీద్‌ ఖాన్‌ (20) ఒక్కడిపైనే గుజరాత్ ఆశలు పెట్టుకుంది.
గుజరాత్ గత రెండు ఓవర్లలో ఏడు పరుగులు చేసింది.
14 ఓవర్లకు స్కోరు 75/7. మోహిత్ శర్మ (1) పరుగులతో ఉన్నాడు.

17/04/2024 20:44(IST)

Gujarat vs Delhi: విజృంభిస్తున్న దిల్లీ బౌలర్లు.. గుజరాత్ ఏడో వికెట్

దిల్లీ బౌలర్ల ధాటికి గుజరాత్ బ్యాటర్లు వరుసగా పెవిలియన్ బాటపడుతున్నారు.
అక్షర్ పటేల్ వేసిన 12 ఓవర్‌లో రెండో బంతికి రాహుల్ తెవాటియా (10) ఎల్బీడబ్ల్యూగా వెనుదిరిగాడు.
12 ఓవర్లకు స్కోరు 68/7. మోహిత్ శర్మ (1), రషీద్ ఖాన్‌ (16) పరుగులతో ఉన్నారు.

17/04/2024 20:39(IST)

Gujarat vs Delhi: గుజరాత్ ఆశలన్నీ తెవాటియా, రషీద్ ఖాన్‌పైనే

గుజరాత్ 48 పరుగులకే ఆరు వికెట్లు కోల్పోయి పీకల్లోతు కష్టా్ల్లో పడింది.
ఆ జట్టు ఇప్పుడు రషీద్ ఖాన్‌, రాహుల్ తెవాటియాపైనే ఆశలు పెట్టుకుంది.
వీరిద్దరూ ఆదుకుంటేనే గుజరాత్ గౌరవప్రదమైన స్కోరు చేస్తుంది.
అక్షర్ పటేల్ వేసిన 10 ఓవర్‌లో ఏడు పరుగులు రాగా.. కుల్‌దీప్ యాదవ్‌ వేసిన 11 ఓవర్‌లో నాలుగు సింగిల్స్ వచ్చాయి.
11 ఓవర్లకు స్కోరు 65/6. రషీద్ (14), రాహుల్ తెవాటియా (10) పరుగులతో ఉన్నారు.

17/04/2024 20:30(IST)

Gujarat vs Delhi: పంత్ వికెట్‌కీపింగ్‌ అదుర్స్‌.. గుజరాత్ ఆరో వికెట్

దిల్లీ కెప్టెన్ రిషభ్‌ పంత్ ఈ మ్యాచ్‌లో వికెట్ కీపింగ్‌లో అదరగొడుతున్నాడు.
స్టబ్స్‌ వేసిన తొమ్మిదో ఓవర్‌లో ఐదో బంతికి షారూఖ్‌ ఖాన్‌ (0)ను మెరుపు వేగంతో స్టంప్‌ ఔట్ చేశాడు.
గుజరాత్ ఇప్పటివరకు ఆరు వికెట్లు కోల్పోగా.. ఇందులో పంత్ రెండు స్టంప్‌లు, ఓ సూపర్ క్యాచ్ అందుకున్నాడు.
9 ఓవర్లకు గుజరాత్ స్కోరు 54/6. రషీద్ ఖాన్ (6), రాహుల్ తెవాటియా (7) క్రీజులో ఉన్నారు.

17/04/2024 20:24(IST)

Gujarat vs Delhi: పంత్ మెరుపు స్టంపింగ్.. గుజరాత్ ఐదో వికెట్ డౌన్

గుజరాత్ ఐదో వికెట్ కోల్పోయింది. అభినవ్ మనోహర్ (8) ఔటయ్యాడు.
ట్రిస్టన్‌ స్టబ్స్ వేసిన తొమ్మిదో ఓవర్‌లో మూడో బంతికి వికెట్ కీపర్‌ రిషభ్ పంత్ మెరుపు వేగంతో కీపింగ్‌ చేసి స్టంప్స్‌ను పడగొట్టడంతో అభినవ్‌ వెనుదిరిగాడు.

17/04/2024 20:06(IST)

Gujarat vs Delhi: ఖలీల్‌ అహ్మద్ అద్భుత బౌలింగ్.. ఆరో ఓవర్‌ మెయిడిన్

ఖలీల్ అహ్మద్‌ తన మూడో ఓవర్‌ కట్టుదిట్టంగా వేశాడు.
ఇన్నింగ్స్ ఆరో ఓవర్‌ వేసి ఒక్క పరుగూ ఇవ్వలేదు.
పవర్‌ ప్లే ముగిసేసరికి గుజరాత్ స్కోరు 30/4.
ఈ సీజన్‌లో పవర్‌ ప్లేలో ఇది రెండో అత్యల్ప స్కోరు.
హైదరాబాద్‌పై పంజాబ్ 27/3 స్కోరు చేసి ఈ జాబితాలో ముందుంది.

17/04/2024 20:02(IST)

Gujarat vs Delhi: పంత్ సూపర్ క్యాచ్‌ .. గుజరాత్ నాలుగో వికెట్

గుజరాత్ కష్టాలు కొనసాగుతున్నాయి. ఆ జట్టు వరుసగా వికెట్లు కోల్పోతోంది.
డేవిడ్ మిల్లర్ (2) ఔటయ్యాడు.
ఇషాంత్ శర్మ వేసిన ఐదో ఓవర్‌లో చివరి బంతికి వికెట్ కీపర్ రిషభ్ పంత్‌ అద్భుతంగా డైవ్‌ చేస్తూ క్యాచ్‌ అందుకోవడంతో మిల్లర్ వెనుదిరిగాడు.
5 ఓవర్లకు గుజరాత్ 30/4.

17/04/2024 19:52(IST)

Gujarat vs Delhi: 4 ఓవర్లకే రెండు వికెట్లు కోల్పోయిన గుజరాత్

గుజరాత్ రెండో వికెట్ కోల్పోయింది. వృద్ధిమాన్ సాహా (2) ఔటయ్యాడు.
ముకేశ్ కుమార్ వేసిన నాలుగో ఓవర్‌లో ఐదో బంతిని వికెట్ల మీదికి ఆడుకున్నాడు.
4 ఓవర్లకు స్కోరు 28/2. డేవిడ్ మిల్లర్ (0), సాయి సుదర్శన్ (12) పరుగులతో ఉన్నారు.

17/04/2024 19:41(IST)

Gujarat vs Delhi: గుజరాత్‌కు షాక్‌.. శుభ్‌మన్ గిల్ ఔట్

గుజరాత్‌కు గట్టి షాక్ తగిలింది. శుభ్‌మన్ గిల్ (8) ఔటయ్యాడు.
ఇషాంత్‌ శర్మ వేసిన రెండో ఓవర్‌లో నాలుగో బంతికి గిల్ బౌండరీ బాదాడు.
ఐదో బంతికి పృథ్వీ షాకు క్యాచ్‌ ఇచ్చాడు.
2 ఓవర్లకు గుజరాత్ స్కోరు 12/1. సాయి సుదర్శన్ (0), వృద్ధిమాన్‌ సాహా (1) క్రీజులో ఉన్నారు.

17/04/2024 19:30(IST)

Gujarat vs Delhi: ప్రారంభమైన మ్యాచ్‌.. బ్యాటింగ్‌కు దిగిన గుజరాత్

గుజరాత్, దిల్లీ జట్ల మధ్య మ్యాచ్‌ ప్రారంభమైంది.
టాస్ ఓడి గుజరాత్ బ్యాటింగ్‌కు దిగింది.
శుభ్‌మన్‌ గిల్, వృద్ధిమాన్ సాహా ఓపెనర్లుగా వచ్చారు.
ఖలీల్ అహ్మద్‌ మొదటి ఓవర్‌ వేస్తున్నాడు.

17/04/2024 19:15(IST)

Gujarat vs Delhi: గుజరాత్ తుది జట్టు.. ఇంపాక్ట్ సబ్‌స్టిట్యూట్‌లు

శుభ్‌మన్‌ గిల్ (కెప్టెన్), వృద్ధిమాన్ సాహా, సాయి సుదర్శన్, డేవిడ్ మిల్లర్, అభినవ్ మనోహర్, రాహుల్ తెవాటియా, రషీద్ ఖాన్, మోహిత్ శర్మ, నూర్ అహ్మద్, స్పెన్సర్ జాన్సన్, సందీప్ వారియర్.
ఇంపాక్ట్ సబ్స్: బిఆర్‌ శరత్, మనవ్‌ సుతార్, షారుఖ్ ఖాన్‌, సాయి కిషోర్, దర్శన్‌ నల్కండే.

17/04/2024 19:12(IST)

Gujarat vs Delhi: దిల్లీ తుది జట్టు.. ఇంపాక్ట్ సబ్‌స్టిట్యూట్‌లు వీరే

రిషభ్‌ పంత్ (కెప్టెన్‌), పృథ్వీ షా, జేక్ ఫ్రేజర్‌, షై హోప్‌, ట్రిస్టన్ స్టబ్స్, అక్షర్ పటేల్, సుమిత్ కుమార్, కుల్దీప్ యాదవ్, ముకేశ్‌ కుమార్, ఇషాంత్ శర్మ, ఖలీల్ అహ్మద్.

ఇంపాక్ట్ సబ్స్: అభిషేక్ పోరెల్, లిజాడ్ విలియమ్స్, కుమార్‌ కుశాగ్ర, ప్రవీణ్ దూబే, లలిత్ యాదవ్‌.

17/04/2024 18:43(IST)

Gujarat vs Delhi: పంత్ సేన పుంజుకుంటుందా?

రిషభ్‌ పంత్ నాయకత్వంలోని దిల్లీ ఈ సీజన్‌లో రాణించట్లేదు.
ఇప్పటివరకు ఆరు మ్యాచ్‌లు ఆడి రెండింటిలోనే నెగ్గింది.
గత మ్యాచ్‌లో లఖ్‌నవూను ఓడించిన దిల్లీ.. అదే ఊపు కొనసాగిస్తుందా లేదా గుజరాత్‌కు తలవంచుతుందా చూడాలి.

App

గుజరాత్ X దిల్లీ ఐపీఎల్ మ్యాచ్‌ లైవ్ అప్‌డేట్స్‌

తాజా వార్తలు (Latest News)

అమిత్ షా నకిలీ వీడియోల కేసు.. కాంగ్రెస్‌ ఎమ్మెల్యే పీఏ అరెస్టు

భార్య దారుణ హత్య.. భారతీయుడికి జీవిత ఖైదు

ఈనాడు.నెట్‌లో టాప్‌ 10 వార్తలు @ 5 PM

టీ20 ప్రపంచకప్.. సౌతాఫ్రికా, ఇంగ్లాండ్ జట్లు ఇవే..

చివరి అరగంటలో అమ్మేశారు.. సూచీలకు నష్టాలు

టీ20 ప్రపంచకప్‌.. భారత జట్టు ఇదే

సుఖీభవ

చదువు