Breaking | Feedback | ePratibha | E-PAPER | Pratibha

IND vs AUS: రెండో టీ20 భారత్‌దే.. ఆసీస్‌పై 44 పరుగుల తేడాతో గెలుపు

ఆస్ట్రేలియాతో జరిగిన రెండో టీ20లో భారత్ 44 పరుగుల తేడాతో విజయం సాధించింది.

Updated : 26 Nov 2023 22:56 IST

26/11/2023 22:46(IST)

రెండో టీ20 భారత్‌దే

ఆస్ట్రేలియాతో జరిగిన రెండో టీ20లో భారత్ 44 పరుగుల తేడాతో విజయం సాధించింది.
తొలుత బ్యాటర్లు చెలరేగడంతో నిర్ణీత 20 ఓవర్లలో టీమ్‌ఇండియా 4 వికెట్ల నష్టానికి 235 పరుగులు చేసింది.
ఈ భారీ లక్ష్యఛేదనలో ఆసీస్‌ 20 ఓవర్లలో 9 వికెట్ల నష్టానికి 191 పరుగులు చేసింది.

26/11/2023 22:07(IST)

టిమ్ డేవిడ్ ఔట్

టిమ్ డేవిడ్ (37; 22 బంతుల్లో 4 ఫోర్లు, 2 సిక్స్‌లు) ఔటయ్యాడు.
రవి బిష్ణోయ్ వేసిన 14 ఓవర్‌లో మూడో బంతికి రుతురాజ్‌ గైక్వాడ్‌కు చిక్కాడు.
దీంతో 81 పరుగుల భాగస్వామ్యానికకి తెరపడింది.
14 ఓవర్లకు స్కోరు 142/5. మాథ్యూ వేడ్ (2), స్టాయినిస్ (43) పరుగులతో ఉన్నారు.

26/11/2023 22:01(IST)

రెండు సిక్స్‌లు, ఓ ఫోర్

అర్ష్‌దీప్ వేసిన 12 ఓవర్‌లో 18 పరుగులు వచ్చాయి.
రెండో బంతికి స్టాయినిస్ భారీ షాట్ ఆడగా.. లాంగాఫ్‌లో ఉన్న తిలక్ వర్మ క్యాచ్‌ అందుకోలేకపోయాడు. చివరకు అది సిక్సర్‌గా మారింది.
మూడో బంతికి కూడా సిక్స్‌ బాదిన స్టాయినిస్.. ఐదో బంతికి ఫోర్ బాదాడు.
12 ఓవర్లకు స్కోరు 131/4. స్టాయినిస్ (40), టిమ్ డేవిడ్ (31) పరుగులతో ఉన్నారు.

26/11/2023 21:48(IST)

డేవిడ్ కూడా

టిమ్ డేవిడ్ కూడా దూకుడుగా ఆడుతున్నాడు.
ముకేశ్ కుమార్‌ వేసిన 10 ఓవర్‌లో వరుసగా మూడు ఫోర్లు, ఓ సిక్స్‌ బాదాడు. ఇందులో మూడో బంతి నో బాల్.
ఈ ఓవర్‌లో మొత్తం 22 పరుగులు వచ్చాయి.
10 ఓవర్లకు స్కోరు 104/4. టిమ్ డేవిడ్ (22), స్టాయినిస్ (22) పరుగులతో ఉన్నారు.

26/11/2023 21:35(IST)

విజృంభిస్తున్న భారత బౌలర్లు

భారత బౌలర్లు విజృంభిస్తున్నారు. స్టీవ్ స్మిత్ (19) ఔటయ్యాడు.
ప్రసిద్ధ్‌ కృష్ణ వేసిన ఎనిమిదో ఓవర్‌లో రెండో బంతికి యశస్వి జైస్వాల్‌కు క్యాచ్‌ ఇచ్చాడు.
8 ఓవర్లకు స్కోరు 67/4. స్టాయినిస్ (7), టిమ్ డేవిడ్ (1) క్రీజులో ఉన్నారు.

26/11/2023 21:26(IST)

మ్యాక్స్‌వెల్ ఔట్

ఆసీస్‌ కీలకమైన వికెట్ కోల్పోయింది. గ్లెన్ మ్యాక్స్‌వెల్ (12) ఔటయ్యాడు.
అక్షర్ పటేల్ వేసిన ఆరో ఓవర్లో ఐదో బంతికి యశస్వి జైస్వాల్‌కు క్యాచ్‌ ఇచ్చాడు.
పవర్ ప్లే ముగిసేసరికి ఆసీస్ స్కోరు 53/3.

26/11/2023 21:18(IST)

ఇంగ్లిస్‌ ఔట్

రవి బిష్ణోయ్‌కి మరో వికెట్ దక్కింది. అతడు జోష్‌ ఇంగ్లిస్‌ (2)ని ఔట్ చేశాడు.
బిష్ణోయ్‌ వేసిన ఇన్నింగ్స్‌ ఐదో ఓవర్‌లో రెండో బంతికి తిలక్‌ వర్మ అద్భుతంగా క్యాచ్‌ అందుకున్నాడు.
5 ఓవర్లకు స్కోరు 43/2. స్మిత్ (17), మ్యా్క్స్‌వెల్ (2) క్రీజులో ఉన్నారు.

26/11/2023 21:09(IST)

భారీగా పరుగులు.. క్యాచ్‌ మిస్

ప్రసిద్ధ్‌ కృష్ణ తన తొలి ఓవర్‌లోనే 20 పరుగులు సమర్పించుకున్నాడు.
అతడు వేసిన ఇన్నింగ్స్‌ రెండో ఓవర్‌లో మాథ్యూ షార్ట్ (16) రెండు ఫోర్లు బాదాడు.
ఐదో బంతికి స్టీవ్ స్మిత్ ఇచ్చిన క్యాచ్‌ను రుతురాజ్‌ గైక్వాడ్ అందుకోలేకపోయాడు.
చివరి బంతికి స్మిత్ (13) సిక్సర్ బాదాడు. 2 ఓవర్లకు స్కోరు 31/0.

26/11/2023 20:46(IST)

టీమ్‌ఇండియా భారీ స్కోరు

ఆస్ట్రేలియాతో జరుగుతున్న రెండో టీ20లో టీమ్‌ఇండియా భారీ స్కోరు చేసింది. బ్యాటర్లందరూ రాణించడంతో నిర్ణీత 20 ఓవర్లలో 4 వికెట్ల నష్టానికి 235 పరుగులు చేసింది.
యశస్వి జైస్వాల్ (53; 25 బంతుల్లో 9 ఫోర్లు, 2 సిక్స్‌లు), రుతురాజ్‌ గైక్వాడ్ (58; 43 బంతుల్లో 3 ఫోర్లు, 2 సిక్స్‌లు), ఇషాన్ కిషన్‌ (52; 32 బంతుల్లో 3 ఫోర్లు, 4 సిక్స్‌లు) అర్ధ శతకాలతో అదరగొట్టారు.
చివర్లో రింకు సింగ్ (31*; 9 బంతుల్లో 4 ఫోర్లు, 2 సిక్స్‌లు) మెరుపులు మెరిపించాడు. సూర్యకుమార్ యాదవ్ (19; 10 బంతుల్లో 2 సిక్స్‌లు) కూడా దూకుడుగా ఆడాడు.
ఆసీస్ బౌలర్లలో నాథన్‌ ఎలిస్ మూడు వికెట్లు, స్టాయినిస్ ఒక వికెట్ పడగొట్టారు.

26/11/2023 20:32(IST)

సూర్య ఔట్

సూర్యకుమార్ యాదవ్ (19; 10 బంతుల్లో) ఔటయ్యాడు.
నాథన్ ఎలిస్ వేసిన 18 ఓవర్‌లో నాలుగో బంతికి భారీ షాట్ ఆడి స్టాయినిస్‌కు చిక్కాడు.
దీంతో భారత్ 189 పరుగుల వద్ద మూడో వికెట్ కోల్పోయింది.
18 ఓవర్లకు స్కోరు 190/3. రుతురాజ్ (52), రింకు సింగ్ (1) క్రీజులో ఉన్నారు.

26/11/2023 20:14(IST)

29 బంతుల్లో హాఫ్‌ సెంచరీ

ఇషాన్ కిషన్ 29 బంతుల్లో అర్ధ శతకం పూర్తి చేసుకున్నాడు.
తన్వీర్ సంఘా వేసిన 15 ఓవర్లో నాలుగో బంతికి సిక్స్ బాది హాఫ్ సెంచరీ అందుకున్నాడు.
ఒక దశలో 22 బంతుల్లో 26 పరుగులు చేసిన ఇషాన్.. తర్వాత దూకుడు పెంచి మరో 9 బంతుల్లోనే అర్ధ శతకం చేశాడు.
15 ఓవర్లకు స్కోరు 164/1. ఇషాన్ (52), రుతురాజ్‌ (470 క్రీజులో ఉన్నారు.

26/11/2023 20:11(IST)

ఇషాన్‌ దూకుడు

ఇషాన్ కిషన్ దూకుడు పెంచాడు.
తన్వీర్ సంఘా వేసిన 13 ఓవర్లో ఓ ఫోర్ బాదిన అతడు.. మ్యాక్స్‌వెల్ వేసిన 14 ఓవర్‌లో వరుసగా సిక్స్‌, ఫోర్ బాదాడు.
ఇదే ఓవర్‌లో ఐదో బంతికి రుతురాజ్ గైక్వాడ్ సిక్స్ కొట్టాడు.
14 ఓవర్లకు స్కోరు 147/1. ఇషాన్ (38), రుతురాజ్ (44) పరుగులతో ఉన్నారు.

26/11/2023 19:49(IST)

10 ఓవర్లు పూర్తి

10 ఓవర్లు ముగిసేసరికి భారత్ ఒక వికెట్ కోల్పోయి 101 పరుగులు చేసింది.
రుతురాజ్ గైక్వాడ్ (53; 25 బంతుల్లో) ధనాధన్ ఆటతీరుతో అర్ధ శతకం బాదాడు.
ఇషాన్ కిషన్ (10), రుతురాజ్ గైక్వాడ్ (29) పరుగులతో ఉన్నారు.

26/11/2023 19:21(IST)

యశస్వి జోరు

యశస్వి జైస్వాల్ జోరందుకున్నాడు.
సీన్ అబాట్ వేసిన నాలుగో ఓవర్‌లో వరుసగా మూడు ఫోర్లు, రెండు సిక్స్‌లు బాదేశాడు.
దీంతో స్కోరు బోర్డు పరుగులు పెట్టింది.
4 ఓవర్లకు స్కోరు 52/0. యశస్వి (36), రుతురాజ్ (10) పరుగులతో ఉన్నారు.

26/11/2023 16:29(IST)

బంతి గాడిన పడాలి

వన్డే ప్రపంచకప్‌ ఫైనల్లో ఆస్ట్రేలియా కొట్టిన దెబ్బను భారత అభిమానులు అంత సులువుగా మరిచిపోలేరు. ఆ గాయాన్ని ఏ మందూ మాన్పలేదు కానీ.. అదే జట్టుతో మొదలైన టీ20 సిరీస్‌లో భారత జట్టు విజయం సాధిస్తే అభిమానులకు కొంత ఉపశమనం దక్కుతుందనడంలో సందేహం లేదు. విజయంతో మొదలుపెట్టిన యువ భారత్‌.. సిరీస్‌ దిశగా ఒక అడుగు వేసింది. విశాఖపట్నంలో 200 పైచిలుకు లక్ష్యాన్ని ఛేదించి ఆస్ట్రేలియాకు షాకిచ్చిన టీమ్‌ఇండియా.. ఇదే ఊపులో ఇంకో మ్యాచ్‌ గెలిచేయాలని చూస్తోంది. ఆదివారమే రెండో టీ20. పూర్తి కథనం కోసం క్లిక్‌ చేయండి

26/11/2023 16:28(IST)

పొట్టి కప్పు గెలుస్తాం

వచ్చే ఏడాది టీ20 ప్రపంచకప్‌ గెలుస్తామని టీమ్‌ఇండియా తాత్కాలిక సారథి సూర్యకుమార్‌(Suryakumar Yadav) ఆశాభావం వ్యక్తం చేశాడు. ఆస్ట్రేలియాతో టీ20 సిరీస్‌లో భాగంగా ఆదివారం రెండో టీ20 జరగనున్న నేపథ్యంలో సూర్య మాట్లాడాడు. పూర్తి కథనం కోసం క్లిక్ చేయండి

App

IND vs AUS: రెండో టీ20 భారత్‌దే.. ఆసీస్‌పై 44 పరుగుల తేడాతో గెలుపు

తాజా వార్తలు (Latest News)

సేల్స్‌ తగ్గాయన్న ఫ్రస్ట్రేషన్‌.. సీనియర్‌ ఎగ్జిక్యూటివ్‌లపై వేటు వేసిన మస్క్‌

కెనడాలో విదేశీ విద్యార్థులకు నిరాశ.. ఇక వారానికి గరిష్ఠంగా 24 గంటలే పని!

అమిత్ షా నకిలీ వీడియోల కేసు.. కాంగ్రెస్‌ ఎమ్మెల్యే పీఏ అరెస్టు

భార్య దారుణ హత్య.. భారతీయుడికి జీవిత ఖైదు

ఈనాడు.నెట్‌లో టాప్‌ 10 వార్తలు @ 5 PM

టీ20 ప్రపంచకప్.. సౌతాఫ్రికా, ఇంగ్లాండ్ జట్లు ఇవే..

సుఖీభవ

చదువు