Breaking | Feedback | ePratibha | E-PAPER | Pratibha

LSG vs DC: దిల్లీ క్యాపిటల్స్‌పై లఖ్‌నవూ ఘన విజయం

ఐపీఎల్-16 సీజన్‌లో భాగంగా లఖ్‌నవూ సూపర్‌ జెయింట్స్‌ (LSG)తో దిల్లీ క్యాపిటల్స్‌ (DC) తలపడుతున్నాయి. ఈ మ్యాచ్‌లో విజయం సాధించి సీజన్‌లో శుభారంభం చేయాలని ఇరుజట్లు భావిస్తున్నాయి. తొలుత బ్యాటింగ్‌ చేసిన లఖ్‌నవూ సూపర్‌ జెయింట్స్‌ (LSG) నిర్ణీత 20 ఓవర్లలో 6 వికెట్ల నష్టానికి 193 పరుగులు చేసింది. ఈ భారీ లక్ష్య ఛేదనలో దిల్లీ 20 ఓవర్లలో 9 వికెట్లు కోల్పోయి 143 పరుగులే చేసింది. మ్యాచ్‌ లైవ్‌ అప్‌డేట్స్‌ మీకోసం..

Updated : 02 Apr 2023 00:01 IST

01/04/2023 23:25(IST)

లఖ్‌నవూ ఘన విజయం

ఐపీఎల్‌-16 (IPL) సీజన్‌లో లఖ్‌నవూ సూపర్‌ జెయింట్స్‌ శుభారంభం చేసింది. దిల్లీ క్యాపిటల్స్‌పై 50 పరుగుల తేడాతో ఘన విజయం సాధించింది. తొలుత బ్యాటింగ్‌ చేసిన లఖ్‌నవూ నిర్ణీత 20 ఓవర్లలో 6 వికెట్ల నష్టానికి 193 పరుగులు చేసింది. ఈ భారీ లక్ష్య ఛేదనలో దిల్లీ 20 ఓవర్లలో 9 వికెట్లు కోల్పోయి 143 పరుగులే చేసింది.కెప్టెన్‌ డేవిడ్ వార్నర్‌ ( 56; 48 బంతుల్లో 7 ఫోర్లు) ఒక్కడే పోరాడాడు. దిల్లీ బౌలర్లలో మార్క్‌ వుడ్ 14 పరుగులే ఇచ్చి 5 వికెట్లు పడగొట్టాడు

01/04/2023 22:55(IST)

వార్నర్‌ అర్ధ శతకం

డేవిడ్ వార్నర్‌ అర్ధ శతకం పూర్తి చేసుకున్నాడు. ఉనద్కత్‌ వేసిన 15 ఓవర్‌లో మొదటి బంతికి ఫోర్ బాదిన అతడు.. తర్వాత రెండు పరుగులు చేసి హాఫ్‌ సెంచరీ కంప్లీట్ చేసుకున్నాడు. అనంతరం మరో ఫోర్‌ బాదాడు. 15 ఓవర్లకు స్కోరు 110/5. వార్నర్‌ (56), అమాన్ ఖాన్ (2)క్రీజులో ఉన్నారు.

01/04/2023 22:50(IST)

సగం వికెట్లు డౌన్‌

భారీ లక్ష్యఛేదనలో దిల్లీ తడబడుతోంది. ఇప్పటికే నాలుగు వికెట్లు కోల్పోయి కష్టాల్లో పడిన వార్నర్ సేన.. తాజాగా రోవ్‌మన్‌ పావెల్ (1) వికెట్‌ను కోల్పోయింది. రవి బిష్ణోయ్ వేసిన 14.4 ఓవర్‌కు పావెల్ వికెట్ల ముందు దొరికిపోయాడు. 14 ఓవర్లకు స్కోరు 96/5. వార్నర్‌ (43) అమాన్ ఖాన్‌ (1) క్రీజులో ఉన్నారు.

01/04/2023 22:38(IST)

నాలుగో వికెట్

దిల్లీ క్యాపిటల్స్ నాలుగో వికెట్ కోల్పోయింది. రవి బిష్ణోయ్‌ వేసిన 11 ఓవర్‌లో చివరి బంతికి రిలీ రోసోవ్ (30) ఎల్బీడబ్ల్యూగా వెనుదిరిగాడు. 12 ఓవర్లకు స్కోరు 86/4. డేవిడ్‌ వార్నర్‌ (35) క్రీజులో ఉన్నాడు.

01/04/2023 22:14(IST)

సర్ఫరాజ్‌ (4) ఔట్‌

దిల్లీ మూడో వికెట్ కోల్పోయింది. సర్ఫరాజ్‌ (4) ఔటయ్యాడు. మార్క్ వుడ్ వేసిన ఏడో ఓవర్‌లో చివరి బంతికి అతడు గౌతమ్‌కు క్యాచ్‌ ఇచ్చాడు. ఈ మూడు వికెట్లను మార్క్‌వుడే పడగొట్టాడు. 7 ఓవర్లకు స్కోరు 48/3. డేవిడ్ వార్నర్‌ (28) క్రీజులో ఉన్నారు.

01/04/2023 22:07(IST)

కట్టుదిట్టమైన బౌలింగ్.. ఆచితూచి ఆడుతున్న దిల్లీ

లక్ష్య ఛేదనకు దిగిన దిల్లీ ఆచితూచి ఆడుతోంది. మరోవైపు లఖ్‌నవూ బౌలర్లు కూడా చురకత్తుల్లాంటి బంతులు సంధిస్తున్నారు. అవేశ్‌ ఖాన్‌ వేసిన ఆరో ఓవర్లో కేవలం 5 పరుగులు మాత్రమే వచ్చాయి. వార్నర్‌ (27), సర్ఫరాజ్‌ ఖాన్‌ (4) క్రీజులో ఉన్నారు.

01/04/2023 22:03(IST)

ఐదు ఓవర్లకు దిల్లీ స్కోరు 42/2

లక్ష్య ఛేదనకు దిగిన దిల్లీ వరుసగా వికెట్లు కోల్పోయింది. ఐదో ఓవర్‌ వేసిన మార్క్‌ వుడ్‌ పరుగులేమీ ఇవ్వకుండానే 2 కీలక వికెట్లు పడగొట్టాడు. దిల్లీ స్కోరు 42/2. డేవిడ్‌ వార్నర్‌ (26),సర్ఫరాజ్‌ ఖాన్‌ (0) క్రీజులో ఉన్నారు.

01/04/2023 21:53(IST)

1 0 0 0 2 4

అవేశ్‌ ఖాన్‌ వేసిన నాలుగో ఓవర్‌లో దిల్లీ 7 పరుగులు చేసింది. తొలి ఐదు బంతులు కట్టడి చేసినప్పటికీ చివరి బంతి వార్నర్‌ ఇన్‌సైడ్‌ ఎడ్జ్‌కి తగిలి కీపర్‌ పక్కనుంచి బౌండరీకి తరలిపోయింది. దీంతో 4 ఓవర్లు ముగిసే సరికి దిల్లీ 40 పరుగులు చేసింది. వార్నర్‌ (26), పృథ్వీ షా (12) క్రీజులో ఉన్నారు.

01/04/2023 21:38(IST)

లక్ష్యఛేదనకు దిగిన దిల్లీ

లఖ్‌నవూ నిర్దేశించిన 194 పరుగుల భారీ లక్ష్యాన్ని ఛేదించేందుకు దిల్లీ క్యాపిటల్స్‌ బరిలోకి దిగింది. కైల్‌ మేయర్స్‌ వేసిన మొదటి ఓవర్‌లో మూడో బంతికి వార్నర్‌ ఫోర్‌ బాదాడు. 1 ఓవర్‌ పూర్తయ్యేసరికి దిల్లీ స్కోరు 7/0. వార్నర్‌ (5), పృథ్వీ షా (1) క్రీజులో ఉన్నారు.

01/04/2023 21:25(IST)

ఆఖరి బంతికి ఇంపాక్ట్ ప్లేయర్‌

లఖ్‌నవూ ఆఖరి ఓవర్‌లో ఆఖరి బంతికి ఇంపాక్ట్‌ ప్లేయర్‌ను బరిలోకి దించి సక్సెస్‌ అయింది. ఆయుష్‌ బదోని చివరి ఓవర్‌లో మూడు, నాలుగు బంతులను సిక్సర్లుగా మలిచి ఔటయ్యాడు. ఇంప్టాక్‌ ప్లేయర్‌గా వచ్చిన కేఎస్‌ గౌతమ్‌ ఆఖరి బంతికి సిక్సర్ బాది అందరిని ఆశ్చర్యానికి గురిచేశాడు.

01/04/2023 21:18(IST)

దిల్లీ ముందు భారీ టార్గెట్

ఐపీఎల్-16 సీజన్‌లో భాగంగా దిల్లీ క్యాపిటల్స్‌ (DC)తో జరుగుతున్న మ్యాచ్‌లో లఖ్‌నవూ సూపర్‌ జెయింట్స్‌ (LSG) బ్యాటింగ్‌ ముగిసింది. నిర్ణీత 20 ఓవర్లలో 6 వికెట్ల నష్టానికి 193 పరుగులు చేసింది. కైల్‌ మేయర్స్‌ (73; 38 బంతుల్లో 2 ఫోర్లు, 7 సిక్స్‌లు) దంచికొట్టాడు. నికోలస్‌ పూరన్‌ (36; 21 బంతుల్లో 2 ఫోర్లు, 3 సిక్స్‌లు), ఆయుష్‌ బదోని (18; 7 బంతుల్లో 1 ఫోర్‌, 2 సిక్స్‌లు) కూడా దూకుడుగా ఆడారు.

01/04/2023 20:54(IST)

పూరన్ జోరు

నికోలస్‌ పూరన్‌ ధాటిగా ఆడుతున్నాడు. చేతన్‌ సకారియా వేసిన 17 ఓవర్‌లో రెండో బంతికి అతడు సిక్స్‌ బాదాడు. తర్వాతి బంతికి ఫోర్‌ కొట్టాడు. ఇదే ఓవర్‌లో చివరి బంతికి కృనాల్ పాండ్య సిక్స్‌ బాదాడు. 17 ఓవర్లకు స్కోరు 150/4. పాండ్య (12), పూరన్‌ (24) క్రీజులో ఉన్నారు.

01/04/2023 20:40(IST)

నాలుగో వికెట్

లఖ్‌నవూ నాలుగో వికెట్ కోల్పోయింది. ఖలీల్‌ అహ్మద్ వేసిన 14.1 ఓవర్‌కు స్టాయినిస్‌ (12) వికెట్ కీపర్‌ సర్ఫరాజ్‌ ఖాన్‌కు చిక్కాడు. తర్వాత క్రీజులోకి వచ్చిన నికోలస్‌ పూరన్‌ ఓ ఫోర్‌, సిక్సర్ బాదాడు. 15 ఓవర్లకు స్కోరు 127/4. పూరన్ (10), కృనాల్ పాండ్య (5) క్రీజులో ఉన్నారు.

01/04/2023 20:28(IST)

మేయర్స్‌ ఔట్‌

లఖ్‌నవూ మరో వికెట్ కోల్పోయింది. అక్షర్‌ పటేల్‌ వేసిన 12 ఓవర్‌లో మూడో బంతికి దూకుడుగా ఆడుతున్న కైల్‌ మేయర్స్‌ (73; 38 బంతుల్లో) క్లీన్‌బౌల్డ్ అయ్యాడు. 12 ఓవర్లకు స్కోరు 101/3. కృనాల్ పాండ్య (1), మార్కస్‌ స్టాయినిస్ (1) క్రీజులో ఉన్నారు.

01/04/2023 20:25(IST)

దీపక్‌ హుడా ఔట్‌

లఖ్‌నవూ రెండో వికెట్ కోల్పోయింది. కుల్‌దీప్‌ యాదవ్‌ వేసిన 11 ఓవర్‌లో మొదటి బంతికి కైల్ మేయర్స్‌ సిక్సర్‌ బాదాడు. ఇదే ఓవర్‌లో చివరి బంతికి దీపక్‌ హుడా (17) వార్నర్‌కు చిక్కాడు. 11 ఓవర్లకు స్కోరు 98/2.

01/04/2023 20:23(IST)

రెండు సిక్స్‌లు

లఖ్‌నవూ ఓపెనర్‌ కైల్ మేయర్స్‌ సిక్సర్లతో విరుచుకుపడుతున్నాడు. అక్షర్‌ పటేల్ వేసిన 10 ఓవర్‌లో రెండు, మూడు బంతులను సిక్సర్లుగా మలిచాడు.10 ఓవర్లకు లఖ్‌నవూ స్కోరు 89/1. మేయర్స్‌ (64; 32 బంతుల్లో), దీపక్‌ హుడా (16) క్రీజులో ఉన్నారు.

01/04/2023 20:19(IST)

సిక్స్‌తో హాఫ్‌ సెంచరీ

కుల్‌దీప్‌ యాదవ్ వేసిన 8.3 బంతికి కైల్‌ మేయర్స్‌ సిక్సర్ బాది అర్ధ సెంచరీ పూర్తి చేసుకున్నాడు. కేవలం 28 బంతుల్లోనే 50 పరుగుల మార్క్‌ను అందుకున్నాడు. 9 ఓవర్లకు లఖ్‌నవూ స్కోరు 73/1. మేయర్స్‌ (51), దీపక్‌ హుడా (13) క్రీజులో ఉన్నారు.

01/04/2023 20:11(IST)

జోరు పెంచిన మేయర్స్‌

లఖ్‌నవూ ఓపెనర్‌ కైల్‌ మేయర్స్‌ జోరు పెంచాడు. ఏడో ఓవర్లో రెండు సిక్సర్లతో విరుచుకుపడిన మేయర్స్‌ .. తాజాగా వరుసగా ఫోర్‌, సిక్సర్‌తో మెరుపులు మెరిపించాడు. ఈ ఒక్క ఓవర్‌లో 14 పరుగులు వచ్చాయి. 8 ఓవర్లు ముగిసే సరికి లఖ్‌నవూ ఒక వికెట్‌ నష్టపోయి 60 పరుగులు చేసింది. మేయర్స్‌ (42) అర్ధ శతకానికి చేరువవుతున్నాడు. దీపక్‌ హూడా (9) అతడికి చక్కని సహకారాన్ని ఇస్తున్నాడు.

01/04/2023 19:48(IST)

చురకత్తుల్లాంటి బంతులు

దిల్లీ బౌలర్లు పటిష్ఠంగా బౌలింగ్‌ చేస్తున్నారు. తొలి ఓవర్‌లో కేవలం ఒక్క పరుగు మాత్రమే రాగా.. ముఖేశ్‌ కుమార్‌ వేసిన రెండో ఓవర్‌లో 5 పరుగులు వచ్చాయి. కైల్‌ మేయర్స్‌ ( 4), కేఎల్‌ రాహుల్‌ (2) క్రీజులో కొనసాగుతున్నారు

01/04/2023 19:41(IST)

చురకత్తుల్లాంటి బంతులు

01/04/2023 19:27(IST)

లఖ్‌నవూ సూపర్‌ కింగ్స్‌ తుది జట్టు

కేఎల్‌ రాహుల్‌ (కెప్టెన్‌), కైల్‌ మేయర్స్, మార్కస్‌ స్టాయినిస్‌ , దీపక్‌ హూడా, కృనాల్‌ పాండ్య, నికోలస్‌ పూరన్‌, ఆయుష్‌ బదోని, మార్క్‌ వుడ్‌, జయ్‌దేవ్‌ ఉనద్కత్‌, రవి బిష్ణోయ్‌, అవేశ్‌ ఖాన్‌

01/04/2023 19:25(IST)

దిల్లీ క్యాపిటల్స్‌ జట్టు ఇదే

డేవిడ్‌ వార్నర్‌ (కెప్టెన్), పృథ్వీ షా, మిచెల్‌ మార్ష్‌, రిలీ రొస్సోవ్‌, సర్ఫరాజ్‌ ఖాన్‌, రోవ్‌మన్‌ పావెల్‌, అక్షర్‌ పటేల్‌, కుల్‌దీప్‌ యాదవ్‌, చేతన్‌ సకారియా, ఖలీల్‌ అహ్మద్‌, ముఖేశ్‌ కుమార్‌.

01/04/2023 19:20(IST)

బోణీ కొట్టేదెవరు?

లఖ్‌నవూ వేదికగా లఖ్‌నవూ సూపర్‌జెయింట్స్‌ - దిల్లీ క్యాపిటల్స్ (LSG vs DC) జట్ల మధ్య మరికాసేపట్లో మ్యాచ్‌ ప్రారంభం కానుంది. రెండు జట్లూ పటిష్ఠంగా ఉండటంతో పోరు రసవత్తరంగా ఉండేందుకు ఎక్కువ అవకాశం ఉంది. ఈ మ్యాచ్‌లో పై చేయి కేఎల్‌ సేనదా..? డేవిడ్ వార్నర్‌ జట్టుదో తెలియాలంటే మరికాసేపు వేచి చూడాల్సిందే.

App

LSG vs DC: దిల్లీ క్యాపిటల్స్‌పై లఖ్‌నవూ ఘన విజయం

తాజా వార్తలు (Latest News)

ఎస్వీ రంగారావును ఎంపిక చేశారు.. చివరకు బాలయ్యే నటించారు!

అతడికి పెద్దగా అవకాశాలు ఇవ్వలేకపోయాం..: హార్దిక్ పాండ్య

మ్యానిఫెస్టోలో కార్మిక సంక్షేమానికి పెద్దపీట: తెదేపా అధినేత చంద్రబాబు

అమెరికాలో గాజా అలజడి.. కస్టడీలోకి కొలంబియా వర్సిటీ నిరసనకారులు

పదుల సంఖ్యలో స్కూళ్లకు ఒకేసారి బాంబు బెదిరింపులు.. దిల్లీలో కలకలం

ప్రైవేటు పాఠశాలల్లో ఉచిత సీట్లంటూ తాయిలం

సుఖీభవ

చదువు