Breaking | Feedback | ePratibha | E-PAPER | Pratibha

లఖ్‌నవూ X గుజరాత్‌ ఐపీఎల్ మ్యాచ్‌ లైవ్‌ అప్‌డేట్స్‌

గుజరాత్‌తో జరిగిన మ్యాచ్‌లో 33 పరుగుల తేడాతో లఖ్‌నవూ ఘన విజయం సాధించింది. తొలుత బ్యాటింగ్ చేసిన లఖ్‌నవూ నిర్ణీత 20 ఓవర్లలో 5 వికెట్ల నష్టానికి 163 పరుగులు చేసింది. లక్ష్యఛేదనలో గుజరాత్ 130 పరుగులకే కుప్పకూలింది.

Updated : 07 Apr 2024 23:19 IST

07/04/2024 23:11(IST)

Lucknow vs Gujarat: గుజరాత్ ఆలౌట్.. లఖ్‌నవూ ఘన విజయం

గుజరాత్‌తో జరిగిన మ్యాచ్‌లో 33 పరుగుల తేడాతో లఖ్‌నవూ ఘన విజయం సాధించింది.
తొలుత బ్యాటింగ్ చేసిన లఖ్‌నవూ నిర్ణీత 20 ఓవర్లలో 5 వికెట్ల నష్టానికి 163 పరుగులు చేసింది.
లక్ష్యఛేదనలో గుజరాత్ 130 పరుగులకే కుప్పకూలింది.
ఓపెనర్ సాయి సుదర్శన్‌ (31) టాప్‌ స్కోరర్‌. రాహుల్ తెవాటియా (30) పరుగులు చేశాడు.
లఖ్‌నవూ బౌలర్లలో యశ్‌ ఠాకూర్‌ 5, కృనాల్‌ పాండ్య 3, బిష్ణోయ్‌, నవీనుల్‌ హక్‌ ఒక్కో వికెట్‌ తీశారు.

07/04/2024 23:10(IST)

Lucknow vs Gujarat: తెవాటియా ఔట్.. ఆలౌట్‌కు చేరువలో గుజరాత్

గుజరాత్ తొమ్మిదో వికెట్ కోల్పోయింది. రాహుల్ తెవాటియా (30) పోరాటం ముగిసింది.
యశ్ ఠాకూర్‌ వేసిన 19 ఓవర్‌లో రెండో బంతికి సిక్స్ బాదిన అతడు.. తర్వాతి బంతికే పూరన్‌కు క్యాచ్‌ ఇచ్చాడు.

07/04/2024 22:46(IST)

Gujarat vs Lucknow: ఏడో వికెట్ కోల్పోయిన గుజరాత్

గుజరాత్ వరుసగా వికెట్లు కోల్పోతోంది.
యశ్‌ ఠాకూర్‌ వేసిన 14.5 ఓవర్‌కు రషీద్‌ ఖాన్ (0) దీపక్‌ హుడాకు క్యాచ్‌ ఇచ్చాడు.
15 ఓవర్లకు స్కోరు 93/7. ఉమేశ్‌ యాదవ్ (0), రాహుల్ తెవాటియా (3) క్రీజులో ఉన్నారు.

07/04/2024 22:41(IST)

Gujarat vs Lucknow: నవీనుల్‌ బౌలింగ్‌లో విజయ్ సిక్సర్‌

నవీనుల్ హక్‌ వేసిన 14 ఓవర్‌లో 10 పరుగులు వచ్చాయి.
నాలుగో బంతిని విజయ్ శంకర్‌ (17) సిక్స్‌గా మలిచాడు.
14 ఓవర్లకు స్కోరు 92/5. రాహుల్ తెవాటియా (3) పరుగులతో ఉన్నారు.
గుజరాత్ విజయానికి చివరి ఆరు ఓవర్లలో 72 పరుగులు కావాలి.

07/04/2024 22:34(IST)

Gujarat vs Lucknow: గుజరాత్ నడ్డివిరిచిన కృనాల్ పాండ్య

కృనాల్ పాండ్య అద్భుతంగా బౌలింగ్‌ చేశాడు.
అతడు నాలుగు ఓవర్లు బౌలింగ్ చేసి 11 పరుగులే ఇచ్చి మూడు వికెట్లు పడగొట్టాడు.
సాయి సుదర్శన్, శరత్, దర్శన్‌ నల్కండేను ఔట్ చేసి గుజరాత్‌ను దెబ్బతీశాడు.
13 ఓవర్లకు స్కోరు 82/5. రాహుల్ తెవాటియా (1), విజయ్ శంకర్ (9) పరుగులతో ఉన్నారు.

07/04/2024 22:29(IST)

Gujarat vs Lucknow: నిలకడగా ఆడుతున్న గుజరాత్ బ్యాటర్లు

గుజరాత్ బ్యాటర్లు నిలకడగా ఆడుతున్నారు.
గత రెండు ఓవర్లలో 13 పరుగులు రాబట్టారు.
సిద్ధార్థ్ వేసిన 12 ఓవర్‌లో దర్శన్ నల్కండే (12) సిక్స్‌ బాదాడు.
అంతకుముందు కృనాల్ పాండ్య వేసిన 11 ఓవర్‌లో నాలుగు సింగిల్స్‌ మాత్రమే వచ్చాయి.
12 ఓవర్లకు స్కోరు 80/4.

07/04/2024 22:16(IST)

Gujarat vs Lucknow: కృనాల్ ఫైర్‌.. ఒకే ఓవర్‌లో రెండో వికెట్

కృనాల్ పాండ్య విజృంభిస్తున్నాడు.
అతడు వేసిన 8.5 ఓవర్‌కు బిఆర్‌ శరత్ (2) ఆయుష్‌ బదోనికి క్యాచ్‌ ఇచ్చాడు.
ఇదే ఓవర్‌లో సాయి సుదర్శన్‌ ఔటైన సంగతి తెలిసిందే.
9 ఓవర్లకు స్కోరు 61/4. దర్శన్‌ నల్కండే (0), విజయ్‌ శంకర్ (2) పరుగులతో ఉన్నారు.

07/04/2024 22:11(IST)

Gujarat vs Lucknow: ఒంటిచేత్తో రవి బిష్ణోయ్‌ అద్భుతమైన క్యాచ్‌

లఖ్‌నవూ స్పిన్నర్‌ రవి బిష్ణోయ్‌ అద్భుతమైన క్యాచ్‌ అందుకున్నాడు.
బిష్ణోయ్‌ వేసిన 7.2 ఓవర్‌కు కేన్ విలియమ్సన్ (1) బౌలర్‌కే రిటర్న్‌ క్యాచ్‌ ఇచ్చాడు.
ఈ క్యాచ్‌ని గాల్లోకి ఎగిరి మారి ఒంటిచేత్తో అందుకున్నాడు రవి బిష్ణోయ్‌.

07/04/2024 22:01(IST)

Gujarat vs Lucknow: శుభ్‌మన్‌ గిల్ క్లీన్‌బౌల్డ్.. గుజరాత్ ఫస్ట్ వికెట్

శుభ్‌మన్‌ గిల్ (19) ఔటయ్యాడు. యశ్‌ ఠాకూర్‌ వేసిన ఆరో ఓవర్‌లో చివరి బంతికి క్లీన్‌బౌల్డ్ అయ్యాడు.
పవర్‌ ప్లే ముగిసేసరికి గుజరాత్ స్కోరు 54/1. సాయి సుదర్శన్ (29) పరుగులతో ఉన్నాడు.

07/04/2024 21:49(IST)

Gujarat vs Lucknow: గుజరాత్‌ దూకుడు.. ఒకే ఓవర్లో 3 ఫోర్లు

సుదర్శన్‌ దూకుడుగా ఆడుతున్నాడు
మయాంక్‌ వేసిన నాలుగో ఓవర్లో 2 బౌండరీలు బాదాడు
చివరి బంతికి గిల్‌ ఫోర్‌ కొట్టాడు.
ఈ ఓవర్లో సింగిల్‌ సహా 13 పరుగులు వచ్చాయి.
గిల్‌ (12), సుదర్శన్‌ (21) కొనసాగుతున్నారు.
4 ఓవర్లకు గుజరాత్‌ @ 35/0

07/04/2024 21:44(IST)

Gujarat vs Lucknow: గిల్‌కు లైఫ్‌.. రన్‌ఔట్‌ మిస్‌

గిల్‌కు లైఫ్‌ వచ్చింది.
సిద్ధార్థ్‌ వేసిన నాలుగో బంతిని గిల్‌ బలంగా ఆడాడు.
పడిక్కల్‌ బంతి అందుకొని వికెట్లను గిరాటేసేందుకు ప్రయత్నించి విఫలమయ్యాడు.
ఈ ఓవర్లో 4 పరుగులు వచ్చాయి
3 ఓవర్లకు స్కోరు 22/0

07/04/2024 21:40(IST)

Gujarat vs Lucknow: జోరు పెంచిన సుదర్శన్‌.. ఒకే ఓవర్లో 2 ఫోర్లు

గుజరాత్‌ జోరు పెంచింది.
నవీనుల్‌ హక్‌ వేసిన నాలుగో బంతికి స్లిప్‌ మీదుగా సాయి సుదర్శన్‌ ఫోర్‌ కొట్టాడు.
చివరి బంతికి మరో బౌండరీ రాబట్టాడు.
ఈ ఓవర్లో మొత్తం 13 పరుగులు వచ్చాయి.
సుదర్శన్‌ (11), శుభ్‌మన్‌ గిల్‌ (5) కొనసాగుతున్నారు.
2 ఓవర్లకు స్కోరు 18/0

07/04/2024 21:33(IST)

Gujarat vs Lucknow: సింగిల్‌తో మొదలు పెట్టిన గుజరాత్‌.. తొలి ఓవర్లో 5 పరుగులు

లక్ష్య ఛేదనను గుజరాత్‌ సింగిల్‌తో మొదలు పెట్టింది.
సిద్ధార్థ్‌ వేసిన తొలి బంతికి సాయి సుదర్శన్‌ సింగిల్‌ రాబట్టాడు.
ఈ ఓవర్లో వైడ్‌ సహా 5 పరుగులు వచ్చాయి.

07/04/2024 21:15(IST)

Gujarat vs Lucknow: రాణించిన స్టాయినిస్‌.. గుజరాత్ టార్గెట్ 164

ఐపీఎల్‌ 17 సీజన్‌లో భాగంగా గుజరాత్‌తో జరుగుతున్న మ్యాచ్‌లో లఖ్‌నవూ బ్యాటింగ్‌ ముగిసింది.
నిర్ణీత 20 ఓవర్లలో 5 వికెట్ల నష్టానికి 163 పరుగులు చేసింది.
స్టాయినిస్ (58) అర్ధ శతకం బాదాడు. నికోలస్ పూరన్ (32*), కేఎల్ రాహుల్ (33) ఫర్వాలేదనిపించారు.
ఆయుష్‌ బదోని (20) పరుగులు చేశాడు. గుజరాత్ బౌలర్లలో ఉమేశ్‌ యాదవ్ 2, దర్శన్ నల్కండే 2, రషీద్‌ ఖాన్‌ ఒక వికెట్ తీశారు.

07/04/2024 21:11(IST)

Gujarat vs Lucknow: పూరన్ జోరు.. 150 దాటిన లఖ్‌నవూ స్కోరు

బదోని ఔటైనా నికోలస్ పూరన్ (25) దూకుడు కొనసాగిస్తున్నాడు.
రషీద్‌ వేసిన 19 ఓవర్లో మూడో బంతికి సిక్సర్ బాదాడు.
తర్వాత ఐదు పరుగులు రాబట్టాడు.
19 ఓవర్లకు స్కోరు 155/5. కృనాల్ పాండ్య (1) క్రీజులో ఉన్నాడు.

07/04/2024 21:01(IST)

Gujarat vs Lucknow: కట్టుదిట్టంగా బౌలింగ్ చేసిన రషీద్‌ ఖాన్

రషీద్ ఖాన్‌ కట్టుదిట్టమైన బౌలింగ్ కొనసాగిస్తున్నాడు.
17 ఓవర్‌లో అతడు ఐదు సింగిల్స్‌ మాత్రమే ఇచ్చాడు.
17 ఓవర్లకు స్కోరు 126/4. ఆయుష్ బదోని (10), నికోలస్ పూరన్ (7) పరుగులతో ఉన్నారు.

07/04/2024 20:47(IST)

Gujarat vs Lucknow: స్టాయినిస్ దూకుడుకు చెక్‌ పెట్టిన నల్కండే

స్టాయినిస్‌ (58) ఔటయ్యాడు.
దర్శన్ నల్కండే వేసిన 15 ఓవర్‌లో తొలి బంతికి సిక్స్‌ బాది అర్ధ శతకం అందుకున్నాడు స్టాయినిస్.
నాలుగో బంతికి కూడా సిక్సర్ బాదిన అతడు.. తర్వాతి బంతికే వికెట్ కీపర్‌ శరత్‌కు చిక్కాడు.
15 ఓవర్లకు స్కోరు 114/4. ఆయుష్‌ బదోని (2), నికోలస్ పూరన్ (4) పరుగులతో ఉన్నారు.

07/04/2024 20:35(IST)

Gujarat vs Lucknow: కేఎల్ రాహుల్ ఔట్.. లఖ్‌నవూ మూడో వికెట్

లఖ్‌నవూ మూడో వికెట్ కోల్పోయింది. కేఎల్ రాహుల్ (33; 31 బంతుల్లో) ఔటయ్యాడు.
దర్శన్ నల్కండే వేసిన 13 ఓవర్‌లో నాలుగో బంతికి భారీ షాట్ ఆడి లాంగాన్‌లో తెవాటియాకు చిక్కాడు.
13 ఓవర్లకు స్కోరు 93/3. స్టాయినిస్‌ (42), నికోలస్ పూరన్ (1) క్రీజులో ఉన్నారు.

07/04/2024 20:32(IST)

Gujarat vs Lucknow: నిలకడగా ఆడుతున్న లఖ్‌నవూ బ్యాటర్లు

లఖ్‌నవూ బ్యాటర్లు నిలకడగా ఆడుతున్నారు.
గత రెండు ఓవర్లలో 14 పరుగులు రాబట్టారు. మోహిత్ వేసిన 11 ఓవర్‌లో 10, నూర్ అహ్మద్ వేసిన తర్వాతి ఓవర్‌లో నాలుగు రన్స్‌ వచ్చాయి
12 ఓవర్లకు స్కోరు 88/2. స్టాయినిస్‌ (39), కేఎల్ రాహుల్ (32) పరుగులతో ఉన్నారు.

07/04/2024 20:24(IST)

Gujarat vs Lucknow: 10 ఓవర్లు పూర్తి.. లఖ్‌నవూ స్కోరెంతంటే?

గుజరాత్‌తో జరుగుతున్న మ్యాచ్‌లో లఖ్‌నవూ బ్యాటర్లు నిలకడగా ఆడుతున్నారు.
10 ఓవర్లు ముగిసేసరికి ఆ జట్టు రెండు వికెట్ల నష్టానికి 74 పరుగులు చేసింది.
కేఎల్ రాహుల్ (28), స్టాయినిస్‌ (29) పరుగులతో ఉన్నారు.

07/04/2024 20:19(IST)

Gujarat vs Lucknow: రాహుల్, స్టాయినిస్‌ అర్ధ శతక భాగస్వామ్యం

రషీద్‌ ఖాన్‌ వేసిన తొమ్మిదో ఓవర్‌లో ఏడు పరుగులు వచ్చాయి.
ఈ క్రమంలోనే కేఎల్ రాహుల్, స్టాయినిస్ జోడీ 52 పరుగుల భాగస్వామ్యాన్ని (40 బంతుల్లో) నెలకొల్పింది.
9 ఓవర్లకు స్కోరు 70/2. స్టాయినిస్ (26), రాహుల్ (27) పరుగులతో ఉన్నారు.

07/04/2024 20:04(IST)

Gujarat vs Lucknow: రషీద్‌ ఖాన్‌ టైట్ బౌలింగ్.. పవర్‌ ప్లే పూర్తి

రషీద్‌ ఖాన్‌ తన తొలి ఓవర్‌ కట్టుదిట్టంగా వేశాడు.
ఇన్నింగ్స్‌ ఆరో ఓవర్‌ వేసి నాలుగు సింగిల్స్‌ ఇచ్చాడు.
పవర్‌ ప్లే ముగిసేసరికి స్కోరు 47/2. స్టాయినిస్ (16), కేఎల్ రాహుల్ (14) పరుగులతో ఉన్నారు.

07/04/2024 20:01(IST)

Gujarat vs Lucknow: నిలకడగా ఆడుతున్న లఖ్‌నవూ బ్యాటర్లు

లఖ్‌నవూ బ్యాటర్లు నిలకడగా ఆడుతున్నారు.
ఉమేశ్‌ యాదవ్‌ వేసిన ఐదో ఓవర్‌లో 12 పరుగులు వచ్చాయి.
ఓవర్‌త్రో రూపంలో ఐదు పరుగులు రాగా.. స్టాయినిస్‌ (14) ఒక ఫోర్ బాదాడు.
5 ఓవర్లకు స్కోరు లఖ్‌నవూ 43/2. కేఎల్ రాహుల్ (12) పరుగులతో ఉన్నాడు.

07/04/2024 19:55(IST)

Gujarat vs Lucknow: జాన్సన్‌ బౌలింగ్‌లో మూడు ఫోర్లు

స్పెన్సర్‌ జాన్సన్‌ వేసిన నాలుగో ఓవర్‌లో 13 పరుగులు వచ్చాయి.
మొదటి రెండు బంతులను కేఎల్ రాహుల్ (10) బౌండరీకి పంపాడు.
చివరి బంతికి స్టాయినిస్ (4) ఫోర్ కొట్టి ఖాతా తెరిచాడు. 4 ఓవర్లకు స్కోరు 31/2.

07/04/2024 19:44(IST)

Gujarat vs Lucknow: ఉమేశ్‌కు మరో వికెట్‌... ఈసారి పడిక్కల్‌ ఔట్‌

రెండో ఓవర్‌ బౌలింగ్‌కి వచ్చిన ఉమేశ్‌ యాదవ్‌ మరో వికెట్‌ తీశాడు.
తొలి బంతికి ఫోర్‌ కొట్టి ఊపు మీదున్న దేవ్‌దత్‌ పడిక్కల్‌ (7)ను ఔట్‌ చేశాడు.
స్లిప్‌లో ఉన్న విజయ్‌ శంకర్‌కి క్యాచ్‌ ఇచ్చి పడిక్కల్‌ పెవిలియన్‌కి చేరాడు.
పడిక్కల్‌ను ఔట్ చేసిన తర్వాత కూడా ఉమేశ్‌ కట్టుదిట్టంగా బౌలింగ్ చేశాడు.
తర్వాతి నాలుగు బంతుల్లో ఒక్క పరుగూ ఇవ్వలేదు.
3 ఓవర్లకు స్కోరు 18/2. స్టాయినిస్ (0), కేఎల్ రాహుల్ (1) క్రీజులో ఉన్నారు.

07/04/2024 19:42(IST)

Gujarat vs Lucknow: రివ్యూతో రాహుల్‌ సేఫ్‌.. గుజరాత్‌ టైట్‌ బౌలింగ్‌

రెండో ఓవర్‌ తొలి బంతికే లఖ్‌నవూకు షాక్‌ తగిలింది. రాహుల్‌ ఎల్‌బీడబ్ల్యూ అయినట్లు అంపైర్‌ ప్రకటించారు.
రివ్యూ తీసుకోగా... బంతి రాహుల్‌ ప్యాడ్‌ కంటే ముందు బ్యాట్‌కి తగిలినట్లు నిర్ధరణ అయింది. దీంతో లఖ్‌నవూ ఫ్యాన్స్‌ ఊపిరి పీల్చుకున్నారు.
రెండు ఓవర్లు ముగిసేసరికి లఖ్‌నవూ స్కోరు 14/1.
క్రీజులో రాహుల్‌ (1), పడిక్కల్‌ (3) ఉన్నారు.

07/04/2024 19:33(IST)

Gujarat vs Lucknow: లఖ్‌నవూకు షాక్‌... డికాక్‌ ఔట్‌!

రెండో బంతికే భారీ సిక్సర్‌ కొట్టి ఊపు మీదున్న క్వింటన్‌ డికాక్‌ (6)ను ఉమేశ్‌ ఔట్‌ చేశాడు.
నాలుగో బంతికి మరో భారీ షాట్‌కు యత్నించి బౌండరీ లైన్‌ దగ్గర నూర్‌ అహ్మద్‌కు క్యాచ్‌ ఇచ్చి వెనుదిరిగాడు.
తొలి ఓవర్‌ పూర్తయ్యేసరికి లఖ్‌నవూ 6/1. క్రీజులో రాహుల్‌, దేవదత్‌ పడిక్కల్‌ ఉన్నారు.

07/04/2024 17:09(IST)

Lucknow vs Gujarat: గుజరాత్‌పై లఖ్‌నవూ ఈ సారైనా గెలుస్తుందా?

ఇరుజట్ల మధ్య ఇప్పటివరకు నాలుగు మ్యాచ్‌లు జరిగాయి. గుజరాత్ అన్ని మ్యాచ్‌ల్లోనూ విజయం సాధించింది.
ఈ మ్యాచ్‌లో నెగ్గి ఆ ఓటములకు ప్రతీకారం తీర్చుకోవాలని లఖ్‌నవూ భావిస్తోంది.

07/04/2024 17:09(IST)

Lucknow vs Gujarat: హ్యాట్రిక్‌పై కన్నేసిన లఖ్‌నవూ

లఖ్‌నవూ ఇప్పటివరకు మూడు మ్యాచ్‌లు ఆడింది. తొలి మ్యాచ్‌లో రాజస్థాన్‌ చేతిలో ఓడిపోయినా.. తర్వాతి రెండు మ్యాచ్‌ల్లో నెగ్గింది.
గుజరాత్‌పై గెలిచి హ్యాట్రిక్‌ కొట్టాలని చూస్తోంది. ఇక, గిల్ సారథ్యంలోని గుజరాత్ నాలుగు మ్యాచ్‌లు ఆడి రెండింటి ఓడి రెండు విజయాలు సాధించింది.

App

లఖ్‌నవూ X గుజరాత్‌ ఐపీఎల్ మ్యాచ్‌ లైవ్‌ అప్‌డేట్స్‌

తాజా వార్తలు (Latest News)

నా లక్ష్యం వికెట్లు కాదు.. డాట్‌బాల్స్‌ వేయడంపైనే దృష్టిపెట్టా: బ్రార్

‘హరిహర వీరమల్లు’ దర్శకుడి మార్పు.. క్రిష్ స్థానంలో ఎవరంటే

ఎన్టీఆర్‌ నాకు తమ్ముడితో సమానం: రాజమౌళి

భానుడి ప్రతాపం.. ట్రాఫిక్‌ సిగ్నల్స్‌ వద్ద గ్రీన్‌నెట్స్‌..

ఆ ఇద్దరు లేకపోవడం నష్టమే.. మరో 60 పరుగులు చేయాల్సింది: రుతురాజ్‌

మ్యాక్సీ.. నీ మాయ ఏమైంది?

సుఖీభవ

చదువు