ఏ కోర్సులు చేయాలి?

ఇంటర్‌ పరీక్షలు రాశాను. స్పెషల్‌ ఎడ్యుకేషన్‌ అండ్‌ జనరల్‌ ఎడ్యుకేషన్‌లో బోధనకు ఏ కోర్సులు చేయాలి?

గణేష్‌ సాయికుమార్‌

ఇంటర్మీడియట్‌ తరువాత బోధన రంగానికి సంబంధించిన శిక్షణ పొందాలంటే మీకు రెండు మార్గాలున్నాయి. మొదటిది రెండేళ్ల వ్యవధి ఉన్న డిప్లొమా ఇన్‌ ఎలిమెంటరీ ఎడ్యుకేషన్‌. రెండోది- రెండేళ్ల వ్యవధి ఉన్న డిప్లొమా ఇన్‌ స్పెషల్‌ ఎడ్యుకేషన్‌. ఎలిమెంటరీ ఎడ్యుకేషన్‌ ప్రోగ్రాంకు నేషనల్‌ కౌన్సిల్‌ ఫర్‌ టీచర్‌ ఎడ్యుకేషన్‌ గుర్తింపు తప్పనిసరి. ఈ ప్రోగ్రాంలో ప్రవేశానికి డిప్లొమా ఇన్‌ ఎలిమెంటరీ ఎడ్యుకేషన్‌ ఎంట్రన్స్‌ టెస్ట్‌లో మెరుగైన ర్యాంకు పొంది, ఆన్‌లైన్‌ కౌన్సెలింగ్‌ ద్వారా ప్రవేశం పొందవచ్చు. డిప్లొమా ఇన్‌ స్పెషల్‌ ఎడ్యుకేషన్‌ ప్రోగ్రాంకు నేషనల్‌ రిహాబిలిటేషన్‌ కౌన్సిల్‌ ఆఫ్‌ ఇండియా గుర్తింపు అవసరం. ఈ ప్రోగ్రాంలో ప్రవేశం కోసం ఆలిండియా ఆన్‌లైన్‌ ఆప్టిట్యూడ్‌ టెస్ట్‌లో ర్యాంకు పొంది జాతీయ, రాష్ట్ర స్థాయుల్లో ఉన్న వివిధ ఉపాధ్యాయ శిక్షణ సంస్థల్లో దరఖాస్తు చేయాలి. స్పెషల్‌ ఎడ్యుకేషన్‌లో ఇంటలెక్చువల్‌ అండ్‌ డెవలప్‌మెంటల్‌ డిసెబిలిటీస్‌, విజువల్‌ - హియరింగ్‌ ఇంపెయిర్‌మెంట్‌.. విభాగాలుంటాయి. వీటిలో నచ్చిన దాన్ని ఎంచుకోవచ్చు.

ప్రొ. బెల్లంకొండ రాజశేఖర్‌, కెరియర్‌ కౌన్సెలర్‌