Healthy Heart: ఈ 10 టిప్స్తో... మీ గుండె పదిలం!
ఎన్నో జాగ్రత్తలు తీసుకున్నా... గుండె పోటు (Heart Attack)కు గురవుతున్నాం అని బాధితులు చెబుతున్నారు. ఈ నేపథ్యంలో గుండె (Heart)కు మంచి చేసే పది టిప్స్ (Health Tips) చూద్దాం!
చూడ్డానికి పిడికెడంతే ఉంటుంది గానీ చెట్టంత మనిషిని నిలబెడుతుంది. గుండె ‘బలం’ అలాంటిది! నిరంతరాయంగా లబ్ డబ్ మని కొట్టుకుంటూ (Heart beat).. అన్ని అవయవాలకు రక్తాన్ని పంప్ చేసే ఇది చతికిలబడితే శరీరం చేతులెత్తేస్తుంది. అలాంటి గుండె (Heart)ను జాగ్రత్తగా కాపాడుకోవటానికి పాటిద్దాం పది సూత్రాలు. (Tips for healty heart)
- వాహనాలు, లిఫ్ట్లు అందుబాటులోకి వచ్చాక శారీరక శ్రమ బాగా తగ్గిపోయింది. వీలైనప్పుడల్లా నడవటం, మెట్లు ఎక్కటం ద్వారా దీన్ని భర్తీ చేసుకోవచ్చు.
- ఒత్తిడితో గుండె వైఫల్యం, గుండెపోటు ముప్పు పెరుగుతుంది. రోజూ కనీసం 20 నిమిషాల సేపు ధ్యానం చేస్తే ఒత్తిడి పలాయనం చిత్తగిస్తుంది.
- కార్టిజోల్ వంటి హార్మోన్లు గుండె ఆరోగ్యం దెబ్బతినేలా చేస్తాయి. వ్యాయామంతో ఇలాంటి హార్మోన్ల స్థాయులు ఉద్ధృతం కాకుండా చూసుకోవచ్చు.
- నిద్రలేమితో రక్తపోటు పెరుగుతుంది. ఇది గుండెజబ్బుకు దారితీస్తుంది. రాత్రిపూట 7-8 గంటలు నిద్రపోతే గుండె ఆరోగ్యమూ పుంజుకుంటుంది.
- నవ్వటం వల్ల రక్తనాళాలు విప్పారి, రక్తపోటు తగ్గుతుంది. అందువల్ల సమయం దొరికినప్పుడు జోక్స్ చదవండి. నవ్వు తెప్పించే సినిమాలు చూడండి.
- గుండె కూడా కండరమే. దీనికీ ప్రోటీన్లు అవసరమే. చిక్కుళ్లు, బఠానీలు, చేపలతో పాటు బాదం, పిస్తా వంటి గింజపప్పులు తీసుకోండి.
- అధిక బరువు గుండెకూ చేటే. బరువు పెరగటం వల్ల గుండె మరింత కష్టపడాల్సి వస్తుంది. కాబట్టి ఆహార, వ్యాయామాలతో బరువు పెరగకుండా చూసుకోవాలి.
- జంక్ఫుడ్కు దూరంగా ఉండండి. దీంతో మధుమేహం ముప్పు పెరుగుతుంది. మధుమేహానికీ గుండెజబ్బుకూ లంకె ఉందన్న సంగతి తెలిసిందే.
- అప్పుడప్పుడు యాత్రలకు వెళ్లండి. దీంతో ఒత్తిడి తగ్గుతుంది. ఒంటికి ఎండ తగిలితే విటమిన్ డి కూడా లభిస్తుంది. ఇవి గుండెకు మేలు చేస్తాయి.
- తగినంత నీరు తాగండి. ఒంట్లో నీటిశాతం తగ్గితే రక్తం చిక్కబడుతుంది. గుండెజబ్బు గలవారికిది మరింత హాని చేస్తుంది.
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
కెన్యాలో కుప్పకూలిన మిలిటరీ హెలికాప్టర్.. డిఫెన్స్ చీఫ్తో పాటు 9 మంది అధికారులు మృతి
-
భల్లూకం దెబ్బకు పెద్దపులి పరుగో పరుగు
-
మర్రి చెట్టు తొర్రలో రూ.64 లక్షలు
-
పేదరాలు బుట్టమ్మ ఆస్తులు రూ.161.21 కోట్లు
-
నా భర్తపై రెబల్గా పోటీ చేస్తా.. టెక్కలి వైకాపా అభ్యర్థి దువ్వాడ భార్య వాణి
-
వీలైతే ఒకసారి వీళ్లపై తీసిన సినిమాలు చూడండి: పూరి జగన్నాథ్