Dosa Eating Challenge: ఈ దోశ తింటే రూ. 71,000 ప్రైజ్‌మనీ

ఇంటర్నెట్ డెస్క్‌: వేడి వేడిగా, రుచిగా ఏదైనా అల్పాహారం తినాలనుకున్నప్పుడు ఠక్కున గుర్తుకొచ్చేది మసాలా దోశనే. చల్లటి వాతావరణంలో ఉఫ్ ఉఫ్‌మని ఊదుకుంటూ దోశలు తింటుంటే వచ్చే మజానే వేరు. రుచికరంగా ఉండే ఈ అల్పాహారాన్ని తయారు చేయడం కూడా సులువే. ఆర్డర్‌ చేసిన ఐదు నిమిషాల్లో మన ముందు ఉంచుతారు.  కొంతమంది ఆహారప్రియులు మూడు, నాలుగు దోశలు సైతం ఒకేసారి లాగించేస్తుంటారు. ఇలాంటి వారి కోసమే దిల్లీలోని ఓ రెస్టారంట్‌ ‘దోశ ఈటింగ్‌ ఛాలెంజ్‌’ని నిర్వహిస్తోంది. దిల్లీలోని ఉత్తమ్‌నగర్‌లో ఉన్న శక్తి సాగర్​ రెస్టారంట్‌లో 10 అడుగుల దోశను ప్రత్యేకంగా తయారుచేస్తున్నారు. దీని ధర రూ.1500. 

10 అడుగులుండే ఈ పొడవాటి దోశ‌ను ఒక్క‌రే 40 నిమిషాల్లో తింటే రూ. 71,000 ప్రైజ్‌మనీ అందిస్తామని ఆ రెస్టారంట్‌ నిర్వాహకులు ప్రకటించారు. వారంతాల్లో కుటుంబ సభ్యులతో వచ్చే కస్టమర్ల కోసం ప్రత్యేకంగా ఈ దోశను తయారు చేస్తారు. ఇది అందరికీ బాగా నచ్చుతుందని రెస్టారంట్​ యాజమాని చెబుతున్నారు. ప్రజలను ఆకర్షించేందుకు దోశ పొడవును ఈ ఛాలెంజ్‌ని నిర్వహిస్తున్నామని తెలిపారు. ఈ పోటీతో హోటల్‌కు వచ్చే వారి సంఖ్య భారీగా పెరుగుతోందని పేర్కొన్నారు. మీరొక్కరే ఈ దోశని తినగల్గుతామనుకుంటే ఓ సారి వెళ్లి ట్రై చేయండి.