తుపానుతో నష్టపోయిన ప్రతి రైతునూ ఆదుకుంటాం

మంత్రి బీసీ జనార్దన్‌రెడ్డి

ట్రాక్టర్‌ నడుపుతూ వరద ప్రభావిత ప్రాంతాలను పరిశీలిస్తున్న మంత్రి జనార్దన్‌రెడ్డి

కోవెలకుంట్ల, న్యూస్‌టుడే: మొంథా తుపాను ప్రభావంతో పంటలు దెబ్బతిని నష్టపోయిన ప్రతి రైతునూ ఆదుకుంటామని రోడ్లు, భవనాల శాఖ మంత్రి బీసీ జనార్దన్‌రెడ్డి పేర్కొన్నారు. నంద్యాల జిల్లా కోవెలకుంట్ల మండలంలో తుపాను ప్రభావిత గ్రామాల్లో మంత్రి గురువారం పర్యటించి.. దెబ్బతిన్న పంటలు, రోడ్లను, కూలిన మట్టిమిద్దెలను పరిశీలించారు. పంటనష్టంపై నివేదికలు తయారు చేసి పంపాలని వ్యవసాయాధికారులను ఆదేశించారు. కూటమి ప్రభుత్వం నష్టపోయిన రైతన్నలకు నష్టపరిహారం అందించి అండగా నిలుస్తుందని భరోసా ఇచ్చారు.