iPhone 15 Plus: ఐఫోన్ 15 ప్లస్‌పై భారీ డిస్కౌంట్‌

iPhone 15 Plus | ఇంటర్నెట్‌డెస్క్: టెక్‌ ప్రియులు ఎంతగానో ఎదురుచూస్తున్న ఐఫోన్ 16 (iPhone 16) ఫోన్‌ సెప్టెంబర్‌9న మార్కెట్‌లోకి రానుంది. దీంతో ఐఫోన్‌ 15 ప్లస్‌ (iPhone 15 Plus) ధరలు తగ్గాయి. ప్రముఖ ఈ- కామర్స్‌ ప్లాట్‌ఫామ్‌ ఫ్లిప్‌కార్ట్‌ (Flipkart)లో తక్కువ ధరకే ఈ స్మార్ట్‌ఫోన్‌ను విక్రయిస్తున్నారు. దీంతో పాటు ఎంపిక చేసిన కార్డులు, ఎక్స్ఛేంజ్‌ ఆఫర్లతో కలిపి ఇంకా తక్కువ ధరకే ఫోన్‌ కొనుగోలు చేయొచ్చు.

ఐఫోన్‌ 15 ప్లస్‌ (iPhone 15 Plus) 128జీబీ బేస్‌ వేరియంట్‌ ధర యాపిల్‌ అధికారిక వెబ్‌సైట్లో రూ.89,600గా ఉంది. అదే ఫ్లిప్‌కార్ట్‌లో అయితే రూ.75,999కే కొనుగోలు చేయొచ్చు. అంటే దాదాపు రూ.13 వేలకు పైగా వరకు తగ్గింపు పొందొచ్చు. హెచ్‌ఎస్‌బీసీ, ఫెడరల్‌ బ్యాంక్‌ క్రెడిట్‌కార్డ్‌ ద్వారా కొనుగోలు చేస్తే రూ.1,500 వరకు డిస్కౌంట్‌ పొందొచ్చు. బ్యాంక్‌ ఆఫ్‌ బరోడా కార్డ్‌ హోల్డర్లకు, యూపీఐ సాయంతో కొనుగోలు చేసే వారికి రూ.1,000 రాయితీ ఉంటుంది. 

లిస్టింగ్‌లో అదరగొట్టిన ప్రీమియర్‌ ఎనర్జీస్‌.. మదుపర్ల సంపద డబుల్‌!

ఫ్లిప్‌కార్ట్‌ వెబ్‌సైట్‌లో ఐఫోన్‌ 15 ప్లస్‌ 256జీబీ వేరియంట్‌ ధర రూ.85,999గా, 512జీబీ వేరియంట్‌ ధర రూ.1,05,999గా ఉంది. యాపిల్‌ వెబ్‌సైట్‌లో ఈ ధరలు కాస్త ఎక్కువగా ఉన్నాయి. ఇక ఈ ఫోన్‌ ఫీచర్ల విషయానికొస్తే.. 9.7 అంగుళాల సూపర్‌ రెటినా ఎక్స్‌డీఆర్‌ ఓల్‌ఈడీ డిప్‌ప్లేతో ఐఫోన్‌ 15 ప్లస్‌ ఫోన్‌ మార్కెట్‌లోకి ఎంట్రీ ఇచ్చింది. యూఎస్‌బీ టైప్‌- సీ సపోర్ట్‌తో తీసుకొచ్చిన ఈ మొబైల్‌లో.. 48 ఎంపీ సెన్సర్, 12 ఎంపీ అల్ట్రా వైడ్‌ షూటర్‌, 12 ఎంపీ సెల్ఫీ కెమెరా ఇచ్చారు.