తేనెటీగల దాడిలో ఒకరి మృతి

కేశంపేట, న్యూస్‌టుడే: తేనెటీగల దాడిలో ఓ వ్యక్తి మృతి చెందిన ఘటన రంగారెడ్డి జిల్లా కేశంపేట మండలం కోనాయపల్లిలో చోటుచేసుకుంది. గ్రామస్థుల వివరాల ప్రకారం.. గ్రామానికి చెందిన కొందరు స్నేహితులు సరదాగా గడిపేందుకు మంగళవారం సాయంత్రం ఓవెంచర్‌లోని చెట్టు వద్దకు వెళ్లారు. ఆ సమయంలో వచ్చిన ఈదురు గాలులకు చెట్టుకున్న తేనెపట్టు కదిలి తేనెటీగలు ఒక్కసారిగా లేచాయి. సొప్పరి సందీప్‌(32)ను భారీ సంఖ్యలో ఈగలు కుట్టాయి. అస్వస్థతకు గురవడంతో తోటి స్నేహితులు ఆయన్ని శంషాబాద్‌లోని ఓ ఆసుపత్రికి తరలించారు. చికిత్స పొందుతూ అదేరోజు రాత్రి మృతి చెందారని గ్రామస్థులు తెలిపారు.