సిటీ ఆర్మ్‌డ్‌ రిజర్వ్‌లో ఆయుధ పూజ

పూజలో పాల్గొన్న సీపీ కాంతిరాణాటాటా. చిత్రంలో వెంకటరత్నం, శ్రీనివాస్‌, ఉదయరాణి, చెంచిరెడ్డి

విజయవాడ నేరవార్తలు, న్యూస్‌టుడే : దసరా ఉత్సవాల్లో మహర్నవమి సందర్భంగా సిటీ ఆర్మ్‌డ్‌ రిజర్వ్‌ కార్యాలయంలో మంగళవారం ఉదయం పోలీస్‌ కమిషనర్‌ కాంతిరాణాటాటా ఆయుధ పూజ చేశారు. దసరా ఉత్సవాల్లో పోలీసులు ఆయుధ పూజ చేయటం ఆనవాయితీ. ఈ సందర్భంగా నగరంలోని అన్ని పోలీస్‌స్టేషన్లలో, అన్ని విభాగాల్లో ఆయుధ పూజలు చేస్తారు. పోలీస్‌ కమిషనర్‌ కాంతిరాణాటాటాకు సిటీ ఆర్మ్‌డ్‌ రిజర్వ్‌ అధికారులు, సిబ్బంది సాదర స్వాగతం పలికారు. ఆయుధాలకు, పోలీసు వాహనాలకు ప్రత్యేక పూజలు చేశారు. ఈ కార్యక్రమంలో సిటీ సెక్యూరిటీ వింగ్‌ డీసీపీ ఉదయరాణి, ఇన్‌ఛార్జి అడ్మిన్‌ డీసీపీ పి.వెంకటరత్నం, పశ్చిమ ఇన్‌ఛార్జి డీసీపీ కొల్లి శ్రీనివాస్‌, హెడ్‌క్వార్టర్‌స ఏసీపీ చెంచిరెడ్డి తదితరులు పాల్గొన్నారు.