గ్రూప్‌-1 ప్రిలిమ్స్‌కు ఏర్పాట్లు

ఖమ్మం నగరం: గ్రూప్‌-1 ప్రిలిమినరీ పరీక్ష నిర్వహణకు ఏర్పాట్లు చేయాలని టీఎస్‌పీఎస్సీ ఛైర్మన్‌ మహేందర్‌రెడ్డి అన్నారు. హైదరాబాద్‌ నుంచి శనివారం నిర్వహించిన వీడియో కాన్ఫరెన్స్‌కు కలెక్టర్‌ గౌతమ్‌ హాజరయ్యారు. జిల్లాలో 18,600 మంది అభ్యర్థుల కోసం 52 కేంద్రాలు సిద్ధం చేసినట్లు వివరించారు. లైజన్‌ అధికారులు, చీఫ్‌ సూపరింటెండెంట్లను నియమించామన్నారు. అదనపు కలెక్టర్లు సత్యప్రసాద్, మధుసూదన్‌ నాయక్, డీఎంహెచ్‌ఓ మాలతి, ఆర్టీఓ ఆఫ్రిన్‌ సిద్దిఖీ, డీఈఓ సోమశేఖరశర్మ పాల్గొన్నారు.

ఎన్నికల విధులపై అవగాహన కల్పించాలి..

ఎమ్మెల్సీ ఉపఎన్నికల సిబ్బందికి విధులపై పూర్తి అవగాహన కల్పించాలని అదనపు కలెక్టర్‌ మధుసూదన్‌ నాయక్‌ అన్నారు. కలెక్టరేట్‌లో మాస్టర్‌ ట్రైనీలతో శనివారం సమావేశం నిర్వహించారు. బ్యాలెట్‌ జంబో బాక్స్, గోద్రేజ్‌ లార్జ్‌ బాక్స్‌లకు సీల్‌ చేసే పద్ధతిపై పీఓలు, ఏపీఓలకు శిక్షణ ఇవ్వాలని కొండపల్లి శ్రీరామ్, మదన్‌గోపాల్‌లకు సూచించారు.