అతి తక్కువ వడ్డీకే రిటెయిల్‌ రుణాలు

రిటెయిల్‌ ఎక్స్‌ పో రీజనల్‌ కార్యాలయం ప్రారంభిస్తున్న యూనియన్‌ బ్యాంక్‌ రీజనల్‌ హెడ్‌ రాజశేఖర్‌ 

నెల్లూరు(స్టోన్‌హౌస్‌పేట):  తక్కువ వడ్డీకే రిటెయిల్‌ రుణాలు ఇవ్వనున్నట్లు యూనియన్‌ బ్యాంక్‌ రీజనల్‌ హెడ్‌ రాజశేఖర్‌ పేర్కొన్నారు. యూనియన్‌ బ్యాంక్‌ రీజనల్‌ కార్యాలయం ఆధ్వర్యంలో నగరంలోని అన్నమయ్య సర్కిల్‌లోని ఆ బ్యాంక్‌ శాఖ ఆవరణంలో శనివారం రిటెయిల్‌ ఎక్స్‌ పో కార్యక్రమం జరిగింది. వివిధ రకాలైన కారు మోడళ్ల ప్రదర్శనతోపాటు అర్హులైన ఖాతాదారులకు తక్షణమే రుణాలు మంజూరు చేశారు. ఈ సందర్భంగా రాజశేఖర్‌ మాట్లాడుతూ.. గృహ, కారు, విద్యా రుణాలు విరివిరిగా అందిస్తున్నామన్నారు. డిప్యూటీ రీజనల్‌ హెడ్‌ శివశంకర్, ఆర్‌ఎల్పీ హెడ్‌ సురేష్, అన్నమయ్య సర్కిల్‌ బ్రాంచ్‌ హెడ్‌ శ్రీనివాసులురెడ్డి, స్థానిక బ్రాంచి మేనేజర్లు పాల్గొన్నారు.