ముగ్గురూ.. గతంలో పోటీ చేసిన వారే

ప్రస్తుతం జహీరాబాద్‌ లోక్‌సభ నియోజకవర్గం నుంచి పోటీ చేస్తున్న ప్రధాన పార్టీల అభ్యర్థులకు గతంలో ఎంపీలుగా పోటీ చేసిన అనుభవం ఉంది. కాంగ్రెస్‌ అభ్యర్థి సురేష్‌ షెట్కార్‌ 2009, 2014 ఎన్నికల్లో ఆ పార్టీ తరఫున పోటీ చేశారు. భారాస తరఫున బరిలో ఉన్న గాలి అనిల్‌కుమార్‌ 2019 ఎన్నికల్లో మెదక్‌ లోక్‌సభకు కాంగ్రెస్‌ నుంచి పోటీ చేశారు. భాజపా అభ్యర్థిగా పోటీలో ఉన్న బీబీపాటిల్‌ 2014, 2019 ఎన్నికల్లో తెరాస అభ్యర్థిగా పోటీ చేశారు. కాంగ్రెస్‌, భాజపా అభ్యర్థులు మూడోసారి పోటీలో ఉండగా.. భారాస అభ్యర్థి రెండోసారి బరిలో దిగారు. ఈ సారి ఎవరు విజయం సాధిస్తారో తెలియాలంటే వేచి చూడాల్సిందే.

 న్యూస్‌టుడే, బాన్సువాడ