పదిలో అయిదో స్థానం

విజయనగరం విద్యావిభాగం, న్యూస్‌టుడే: పదో తరగతి ఫలితాల్లో మంత్రి బొత్స సత్యనారాయణ ప్రాతినిధ్యం వహిస్తున్న విజయనగరం జిల్లా అయిదో స్థానంలో నిలిచింది. ఫలితాల్లో బాలికలు పైచేయి సాధించారు. జిల్లాలో 23,690 మంది పరీక్షలకు హాజరు కాగా 21,752 మంది ఉత్తీర్ణతతో 91.82 శాతంగా నమోదైంది. బాలురు 89.91, బాలికలు 93.73 శాతం మంది ఉత్తీర్ణత పొందారు. 139 పాఠశాలల్లో వందశాతం మంది పాసయ్యారు. 590పైగా మార్కులు సాధించిన వారు 47 మంది ఉన్నారు. 500- 549 మార్కులు సాధించి వారు 4,495, 550-569 మధ్య 1460, 570-579 మధ్య 563, 580-589 మధ్య 404 మంది ఉన్నారు.