ఎస్‌ కోటలో 22న చంద్రబాబు పర్యటన

శృంగవరపుకోట, న్యూస్‌టుడే: శృంగవరపుకోట పట్టణంలో తెదేపా అధినేత నారా చంద్రబాబునాయుడు పర్యటన 22వ తేదీ సాయంత్రం ఆరు గంటలకు ఖరారు అయింది. ముందుగా 21వ తేదీన పర్యటన ఉంటుందని సమాచారం వచ్చింది. తర్వాత 22వ తేదీకి మారింది. ప్రజాగళం షెడ్యూÆల్‌ ప్రకారం.. జోన్‌-2లో 22న కాకినాడ పార్లమెంటు పరిధిలో మధ్యాహ్నం 3 గంటలకు జగ్గంపేటలో సభ, సాయంత్రం 6 గంటలకు విశాఖ పార్లమెంటు పరిధిలో శృంగవరపుకోటలోని దేవీగుడి కూడలి సభలో చంద్రబాబు పాల్గొననున్నారు. రాత్రి స్థానికంగా బస చేస్తారని పార్టీ వర్గాలు చెబుతున్నాయి. మరుసటి రోజు 23న ఉదయం 11 గంటలకు గజపతినగరంలో ఆయన మహిళలతో సమావేశం నిర్వహిస్తారని తెలిపారు.