అడిగేదెవరని.. ఆపేదెవరని!!

వైకాపా సమావేశానికి రహదారి మూసివేత

మాధవధార, న్యూస్‌టుడే: వైకాపా ఆధ్వర్యంలో మాధవధార వుడా కాలనీలో సోమవారం అంతర్జాతీయ మహిళ దినోత్సవ కార్యక్రమాల పేరిట అనుమతులు లేకుండా ప్రధాన రహదారి మధ్యలో పెద్ద వేదిక ఏర్పాటు చేశారు. వైకాపా పెద్దలు సభకు వస్తున్నారని ఆ మార్గంలో రాకపోకలు నిలిపివేశారు. వుడా కాలనీ వరకు వచ్చే 48ఎ ఆర్టీసీ బస్సులను రెండు కిలోమీటర్ల ముందు మాధవధార వద్ద ఆపేసి.. అక్కడి నుంచి వెనక్కి మళ్లించారు. సాయంత్రం 5 గంటలకు సభ అయితే.. ఉదయం 10 గంటల నుంచే రహదారిని మూసేశారు. పలు కాలనీల ప్రజలు ప్రత్యామ్నాయ మార్గాల్లో రాకపోకలు సాగించారు.