ఇంటర్నెట్‌ డెస్క్‌: మధ్యప్రదేశ్‌, రాజస్థాన్‌, ఛత్తీస్‌గఢ్‌ అసెంబ్లీ ఎన్నికల ఫలితాలు (Assembly election Results) ఆదివారం వెలువడుతున్నాయి. ఇప్పటి వరకూ వెలువడిన ఫలితాల ప్రకారం.. ఈ రాష్ట్రాల్లో పోటీలో ఉన్న పలువురు ప్రముఖుల పరిస్థితి ఇలా ఉంది..

అసెంబ్లీ ఎన్నికల ఫలితాలు.. లైవ్‌ అప్‌డేట్స్‌ కోసం క్లిక్‌ చేయండి

• మధ్యప్రదేశ్‌ ముఖ్యమంత్రి, భాజపా అభ్యర్థి శివరాజ్‌ సింగ్ చౌహన్‌ బుద్నీలో ఆధిక్యంలోకి వచ్చారు. తొలి రౌండ్లలో ఆయన కాస్త వెనుకబడిన విషయం తెలిసిందే.
• మధ్యప్రదేశ్ మాజీ ముఖ్యమంత్రి, కాంగ్రెస్‌ అభ్యర్థి కమల్‌నాథ్‌ ఛింద్వాఢాలో ముందంజలో ఉన్నారు.
• మధ్యప్రదేశ్‌లో కేంద్ర మంత్రి నరేంద్ర సింగ్‌ తోమర్‌ దిమానీ స్థానంలో ఆధిక్యంలో ఉన్నారు.
• రాజస్థాన్‌లో భాజపా అభ్యర్థి రాజ్యవర్ధన్‌ సింగ్‌ రాఠోడ్‌ జోత్వాఢాలో వెనుకంజలో కొనసాగుతున్నారు.
• సర్దార్‌పురలో రాజస్థాన్‌ ముఖ్యమంత్రి అశోక్‌ గహ్లోత్‌ ఆధిక్యంలో కొనసాగుతున్నారు. టోంక్‌లో కాంగ్రెస్‌ నేత సచిన్‌ పైలట్‌ ఆధిక్యంలోకి వచ్చారు.
• రాజస్థాన్‌లో మాజీ సీఎం, భాజపా అభ్యర్థి వసుంధరా రాజే ఝల్రాపటన్‌ స్థానంలో ఆధిక్యంలో కొనసాగుతున్నారు.
• ఛత్తీస్‌గఢ్‌లో మాజీ ముఖ్యమంత్రి రమణ్‌ సింగ్‌ రాజనంద్‌గావ్‌లో ఆధిక్యంలో కొనసాగుతున్నారు.
• ఛత్తీస్‌గఢ్‌లో సీఎం భూపేశ్ బఘేల్‌ పటాన్‌ స్థానంలో ఆధిక్యంలోకి వచ్చారు.

ఇప్పటివరకు వెలువడిన ఫలితాల ప్రకారం.. మధ్యప్రదేశ్‌, రాజస్థాన్‌, ఛత్తీస్‌గఢ్‌లో కమలం హవా కొనసాగుతోంది. ఈ మూడు రాష్ట్రాల్లో భాజపా ఆధిక్యంలో దూసుకెళ్తోంది.