న్యూస్‌టుడే, పాలకొల్లు: పశ్చిమగోదావరి జిల్లా పాలకొల్లు ఎమ్మెల్యే నిమ్మల రామానాయుడు.. ఏ పని చేసినా వినూత్నమే. ఓ సమస్యను ప్రభుత్వం దృష్టికి తీసుకెళ్లాలన్నా, అధికారులను కదిలించాలన్నా.. ఆయన ప్రత్యేకంగా కసరత్తు చేస్తారు. ఇక ఎన్నికలు.. ప్రచారం అంటే ఊరుకుంటారా..! అందుకే ఎక్కడ ప్రచారం చేస్తే.. ఆ ప్రాంతంలోనే బస చేస్తూ ముందుకు సాగుతున్నారు. ఇంటింటి ప్రచారంలో భాగంగా యలమంచిలి మండలం చించినాడలో ప్రచారం ముగిశాక అక్కడే అల్పాహారం తీసుకొని, నిద్రకు ఉపక్రమిస్తున్నారు. తెల్లవారుజామున నిద్రలేచి రోడ్డు పక్కనే స్నానం చేసి మళ్లీ అక్కడి నుంచే ప్రచారానికి వెళ్తారని నాయకులు తెలిపారు.