గుడివాడ: కృష్ణా జిల్లా గుడివాడలో తెదేపా (TDP) అభ్యర్థి వెనిగండ్ల రాము నామినేషన్‌ ర్యాలీకి పోలీసులు అడ్డంకులు కల్పించారు. ఏలూరు రోడ్డులో బారికేడ్లు పెట్టిన పోలీసులు.. బొమ్మరిల్లు థియేటర్‌ వద్ద ర్యాలీని అడ్డుకున్నారు. లీలామహల్‌ సెంటర్‌ మీదుగా వెళ్లాలని సూచిస్తున్నారు. 

పోలీసుల వైఖరిపై తెదేపా నేతలు ఆగ్రహం వ్యక్తం చేశారు. అధికార పార్టీ సూచనలతోనే తమ ర్యాలీని దారిమళ్లిస్తున్నారని ఆరోపించారు. ముందస్తుగానే ర్యాలీ రూట్‌ మ్యాప్‌ ఆర్డీవోకు అందించామన్నారు. నెహ్రూ చౌక్‌ నుంచి మార్కెట్‌ మీదుగా రిటర్నింగ్ అధికారి కార్యాలయానికి వెళ్లేందుకు అనుమతి తీసుకున్నామని.. ఇప్పుడు ఇలా అడ్డంకులు సృష్టించడం సరికాదని మండిపడ్డారు.